YEREMIA 48:47 - Susula Malalaok Hehelu Palak Ma Hehelu Beuk

⁴⁷ Te nai fai makabuin-na neukose Au tao atalolole nggolok Moab. Au, Manetualain nde manakokolak-ka!” Neukose Manetualain tao leondia neu Moab.

YEREMIA 48:47 ပူးပေါင်းရင်းမြစ်များ

AYUB 19:25

Au bubuluk, ae au Manamasala'eng-nga nai nusa so'dak-ka; mate'en-na, neukose Ana mai tulu-fali au.

YESAYA 18:7

Neukose fain-na losa, tunu-hotuk-kala nanananduku-nalosak neu Manetualain Fo Manakoasa, neme nusak ndia, fo lee-la tunga tala'da, neme leoinan fo mabe'i-balakaik ma makadelek, neme hataholin fo mademaina-la, ma lou mangana'uk, ma basa daebafak-ka lala'en-na bii-lamata'us. Neukose ala mai leo Pupukuk Sion-na, leo mamanak fo Manetualain Fo Manakoasan nanasene-do'ok.

YESAYA 23:18

Ana hapu nanalak ma ngga'di-a, neukose ana ta pe'da fan, tehu neukose ana tunu-hotu fen neu Manetualain. Hataholi fo manasene-do'ok neu Manetualain-na, neukose ala pake doik sila-la, soaneu ala asa nana'a-nininuk ma bua-lo'as fo sila paluu-ka.

YESAYA 25:11

Neukose laun-na look liman-na, sama leo hataholi fo, ana sanga suik. Tehu neukose, Manetualain nakadadaek sila fo, manakoao-ndaeaok-kala, nalosa mopo be'i-balakain.

YESAYA 45:20

Manetualain nafa'da nae, “Makabubua, fo mai sama-sama, hai emi basa-basam fo, maladeak neme leoinak-kala tala'da mai! Hataholi fo, ala ho'i leni ai nanadoki-dulak-ka, fo ala la'ok benongo okofeo nggolok-ka, ma hataholi manahule-haladoi neu lamatua daebafak-kala, fo ta hapu soi-tefa-nala fas-sala, hataholi nggoak-kala.

YEREMIA 12:14

Manetualain nafa'da nae, “Au hehelu-balatang leoiak la'eneu Israel nusa-nusak titia-tatain-nala, fo manatao nakalulutuk nusak fo Au fen neu Au anang Israel-la. Leondiak boe neukose, Au kalua heni hataholi-hataholi mangalauk sila-la neme sila nusa namon-nala mai, sama leo bubu'u-palusa fo nanafe'a henik neme dae-a mai.

YEREMIA 12:15

Tehu basas nanakalua henik boema, Au sue seluk-kasa bai; de Au o falik basa leoina-la esa-esak leo nusa-namon-nala neu.

YEREMIA 23:20

Nasa-melun neukose ta naloe fa, metema Ana dudu'a-aafi nakala basa-basas beita da'di fa. Nai fai makabuin-na neukose Manetualain anan-nala bubuluk dede'ak ndia no mangale'dok.”

YEREMIA 46:26

neukose Au fen neu Nebukadnezar fo manek Babel-la no basa soloda'dun-nala fo mana nau tao nisas-sala. Tehu neu makabuin-na te, neukose Masir nanaleo nasafalik sama leo makahulun-na. Au Manetualain nde manakokolak-ka.”

YEREMIA 49:39

Tehu fai makabuin-na Au tao atetu Elam. Au, Manetualain nde manakokolak-ka.”

YEREMIA 49:6

Tehu nai fai makabuin-na neukose Au tao-a leoina Amon da'di neulauk. Au, Manetualain nde manakokolak-ka.”

YESKIAL 38:8

Bei teuk de'ubee seluk bai soona, neukose Au paletan fo, neu sapu-na nusak esa no laun fo, nanatao nakabubua falik leme leoina makadotok tala'da mai, fo basa boema, ala leo lai nusak ndia, no nee-nee lino-linok. Neukose Gog nangatuu-na Israel leten-nala, fo nee-nee lino-linok dook-ka so, ma henuk no ai batu manatapasasalak-kala, tehu besak ia, laun fo bei maso'dak-kala, ala leon no nee-nee lino-linok.

DANIAL 10:14

Au mai fo fe o malelak hata fo mahani te, neukose ana da'di neu o leoinam-ma. Ninitak ia la'eneu fai manamaik-ka.”

DANIAL 11:41

Nakalenak neu sapu-na dae maoe-maisi-ka boe, ma neukose ana taonisa hataholi lifu-lifun. Tehu nusa Edom, Moab ma nusa Amon-na dae nananita-nalelan-nala neukose laso'da.

DANIAL 2:28

Tehu nai nusa so'dak-ka, hapu Manetualain, fo Ana soi heni basa bibila-babaak lala'en-na so, de nafa'da basa Ama Manek, hata fo ana da'di nai fai makabuin. Besak ia, fe atam-a loak soaneu nafa'da mangalele'do me'is ma ninitak fo Ama Manek hapun nai lelek Ama Manek sungu ndia.

HOSEA 3:5

Tehu neukose fain-na losa, leoina Israel-la fali le'us leo sila Manetualain-na leu, ma leo sila manen-na neme Dauk tititi-nonosin mai. Boema, neukose ala bii, ma ala fe ha'da-holomata neu Manetualain, boema ala sipo baba'e-papalan.

BILANGAN 24:14

Boema Bileam nafa'da Balak nae, “Besak ia, au sanga fali leo au leoinang u. Tehu au beita la'o fa te, malole lenak au afa'da Tuan, la'eneu hata fo, nai fai makabuin, leoina Israel-la taon soaneu Tuan leoinan.”

ULANGAN 31:29

Au bubuluk, ae mate au soona, neukose hataholi sila-la da'di hataholi mangalauk, ma ala ta sipok hata fo, au anolin neu sila fa. Ma neu makabuin-na te, susa-soe-a tuni-ndeni nalas, nanahu ala tao-la Manetualain namanasa, nanahu ala la'olena hata fo, Ana ka'in-na.”

ULANGAN 4:30

Metema, basa soe sila-la tuni-ndeni-la emi, ma emi nai toto'a-sosotak-ka dalek, soona neukose emi fali ma'im-ma, leo emi Manetualaim-ma mai, fo emi tungan.