Hataholi fo manaladeak-ka, lalai leo kota Afek ka leu, tehu ndefaheni kota ndia papala nanadama na de ana tuni na sila hataholin lifun duahulu hitu. Benhadad boeo nalai leo kota ndia neu, de ana ke'ke nai uma esa kaman dalek.
Neukose emi tao beek nai faik fo, Manetualain huku emi? Ade emi sanga enok tao leo beek, nai lelek fo Ana fe soe-a mai neme nusa dook mai? Neukose emi moke tutulu-fafalik neu see? Neukose emi mafuni emi su'i-betem sila-la nai bee?
Hataholi fo, nalai neme tasibu-a mai, neukose ana tu'da leo meo besik dale neu, ma hataholi fo nala meo besik-ka deak, neukose hihi'ik-ka nalan. Neukose u'daina, ana po'a neme lalai mai, ma daebafak-ka buin-na nanggengo.
Au aketu basa fain-na soaneu emi mamate-mamopok ba'eneu hataholi-hataholi Anatot-tala, ma metema sila huhukun-nala losa soona, neukose hataholi esa ta naladeak fa boen.”
Manetualain nafa'da nae, “Au sanga alo manadolu-dala ba'uk-ka soaneu ala ho'u-la hataholi-hataholi ia la. Basa soona neukose Au aloo-a manasopu-danga ba'uk-ka soaneu ala sapu-la sila nai basa letek-kala ma pupukuk-kala ma nai basa lea-luak-kala nai batu piak-kala.
Hu ndia, de sila enon-na neukose talimo'dis-sa ma makahatuk-ka, de nalosa ala lo'do de la tu'u leu. Neukose Au uni soe ba'eneu sila, metemea fain-na losa soaneu huku-doki sila. Au, Manetualain nde manakokolak-ka.
Nakalenak seluk bai sila soloda'du nanase'ba-baen-nala ta bisa so'uk sama leo sapi ana fo aon mota-mota nan seli-a fa. Ala ta hapu lakatatakak fa. Basa-basas fali deak de lalai beno'u fo ela laso'da. Fai huhukuk ba'eneu sila ana losa ndia so; fain-na losa soaneu susa-soe-a tuni-na sila.
Hai Au anang-ngala lemin, tunga ndoon-na, emi muse mae, nanahu emi tao basa hata fo, nananakamumulu-nakamamaek ndia so! Tehu emi makapapalulou, ma bibii-mamae tak-kala. Hu ndia de, neukose emi tu'u meu, sama leo hataholi fe'ek fo, manatu'u basak-kala so; metema Au huku emi soona, mopo emi dipom-ma.
Fai huhukuk ka losa so, faik soaneu sipo babalak neu basa tatao-nono'ik lala'en-na. Neukose Israel name'dan. Emi mafa'da mae, “Nabi ia nggoak! Namulu so!” Emi mafa'da mae leondia, nanahu emi ta mahiik au nanseli fa, ma emi sala-singom ba'un-na seli.
Heo-hilun sama leo hataholi fo nalai neme singa mai, tehu natongo no meoasu-a. Do sama leo, hataholi fo ne'un leo uma neu, de ana to'ba liman-na neu uma papala nanadaman-na, boema menge kaan!
Hata fo malole nanseli, ma manatao tunga ndoon-na nanseli boeo, sama leo dila-nggauk, fo sosoa-ndandaan ta. Fain-na losa so, fo Manetualain huku anan-nala, sama leo hata fo Ana paleta basan soaneus, tunga nabin-nala. Besak ia, tasibu-a da'di nai sila tala'da so