YEREMIA 48:26 - Susula Malalaok Hehelu Palak Ma Hehelu Beuk

²⁶ Manetualain nafa'da nae, “Tao-ma Moab da'di manamafuk, nanahu ana koao-ndaeao nai Au matang. Neukose ana lololi-oe nai mutan dale ma hataholi-la hika-humen.

YEREMIA 48:26 ပူးပေါင်းရင်းမြစ်များ

AYUB 15:25

Hataholi manala'ban Manetualain-na, ua-nalen leondiak, leondiak boe, hataholi fo napalani la'ban Manetualain Fo Manakoasa

AYUB 9:4

Manetualain ndia, malelak ma manatee-tenok nanseli, ma manakoasa; see bisa nakataka la'ban-nana?

MAZMUR 2:4

Manetualain hika neme kandela manen manai nusa so'dan-na mai, ma Ana hakinonoli sila dale tutu'un-na.

MAZMUR 59:8

Ala kokolak holo lakandoo, ma lakamumulu-lakamamaek; hala-kokolan-nala matane sama leo tafaina, laedaenga, ta hapu hataholi namanene fa.

MAZMUR 60:3

O tipa ami, ou Manetualain, ma O po'ilotak ami kala. O mamanasa ami, de besak ia, tao mabebeu ami.

MAZMUR 75:8

Tehu Manetualain mesak-kana nde naketu-nala'di-a Ana nakadadaek esa ma Ana so'ulaik fe'ek-kala.

KELUARAN 5:2

Manek-ka natane nae, “See Manetualain ndia? Tao le'e de, au muse taoafik neun, fo au po'i leoina Israel-la la'o? Au ta alelak Manetualain ndia fa, de au ta po'i leoina Israel-la la'o fa.”

KELUARAN 9:17

Leomae leondiak boe, o bei koao-ndaeao boe, de o ta nau po'i Au anang-ngala la'o fa.

YESAYA 10:15

Tehu Manetualain nafa'da nae, “Ade hapu taka namatutua-namadedema aon-na, soaneu hataholi manapaken-nana do? Ade hoholok-ka nanapaluuk lena neme hataholi manapaken-nana mai do? Ai kalapu'ak-ka ta nde so'uk hataholi-a fa, tehu hataholi-a nde so'uk ai kalapu'ak-ka.”

YESAYA 19:14

Manetualain nde taon-nalas, ala fe nanoli-nafa'dak fo ta matetuk ndia fa. Neninin-na, Masir sala-sala mesan, ma naleu-lilok sama leo hataholi manamafuk fo, ana kosik de ana tu'u neu mutan lain.

YESAYA 28:8

Sila mein-na, henuk no mutas-sa, nalosa ta hapu mamana balisi so'on.

YESAYA 29:9

Dodoo doak ma nggenge makandoo leona, ma masusungu mata, sama leo hataholi pokek-ka! Da'di manamafuk leona, tehu, ta hu kande minu angol fa. La'ok maleu-lilok leona, tehu, ta hu kande minu ala fa.

YESAYA 51:17

Fo'a leon, hai Yerusalem, fo'a leona! Huhukuk fo Manetualain naketun, nanahu nasa-melun-na, au akalala'ok-kana, losa basan so.

YESAYA 63:6

Nai Au nasa-melung manalua ponu-ponung-nga dalek, Au heheta-aa'i leoinak-kala; Au tao amopo-amates, de Au po'a heni daan-nala leo dae lain neu.”

YEREMIA 48:39

Moab nakalulutuk so! Moab mae nanseli! Ana kii hu ka nde nananakadadaek ma ana da'di nanafook neme leoina titia-tatain-nala mai. Au Manetualain nde manakokolak-ka.”

YEREMIA 48:42

Neukose Moab nakalulutuk ma ta nalupa leoinak esa boen, hu ka nde ala koao-ndaeao lo Au.

YEREMIA 50:29

Manetualain nafa'da nae, “Mafa'da basa manakou-la sapu-la Babel. Mafa'da neu basa manakou malelak-kala okofefeo kota ndia ma boso ela esa nala deak boen. Fe falik sila tatao-nono'in ma taon sama leo ndia ha'da palin-na hu ka nde ndia ta fe ha'da-holomata neu Au, Israel Manetualain fo Malalao-malalafuk-ka.

YEREMIA 51:39

Boema sila lahik la'a, neukose Au sadia nana'ak fe sila ma Au tao alas langan-na laleo fo ala sungu ma ta fo'a fa.

YEREMIA 51:57

Neukose Au tao amafuk manaho'u paleta Babel – basa hataholi malelak-kala, mauli-malanga ma soloda'du. Sila ta fo'a soon, sungu losa dodoon-na. Au nde makokolak so; Manek-ka nde Au, Au Manetualain Fo Manakoasa.

YEREMIA 51:7

Makahulun-na Babel sama leo ngala lilo-a fo Au ho'un ma ana tao nan basa daebafak-ka mafuk. Leoina-la linu angol neme ngala ndia fo ala da'di lamulu.

RATAPAN 1:21

Ou, Manetualain! Mamanene au hoo-nggu'ung leona, ta hapu hataholi kokoe-nanasi au fa. Au musung-ngala lamahoko, nanahu O taom-ma au soe. Faik fo O heluk ndia, mai leona; tao malas doi-doso sama leo au.

RATAPAN 3:15

Ana fe au ka'da makahe'duk fo da'di au nana'a-nininung.

RATAPAN 4:21

Hai leoina Edom-ma Us, bole hika leon, mamahoko-setelee leon, bei dai emi bei bisa! Neukose soe-a ana mai neu emi boe ma hu kande mamafuk-ka, de neukose o o'du makaholak seluk o aoinam-ma.

DANIAL 11:36

Neukose manek nusak kii-a, ana tao tunga ka'da dale hihiin-na. Neukose no koao-ndaeaok, nafa'da nae, ndia ba'ulena lamatua daebafak lala'en-na, nakalenak ndia boeo, ba'ulena Manetualain Fo Mademaina. Neukose ana bisa tao leondiak, losa Manetualain nasa-melun nate'e. Nana hata fo Manetualain naketu basan, muse nakahuluk nanatao natetuk dei.

DANIAL 5:23

Ama Manek namatutua-namadedema aoinan-na soaneu Manetualain nai nusa so'dak-ka, ma Ama Manek napalani nadenu hataholi neni mango fo Ama Manek aman loso nenis neme Manetualain Uman dale mai, leo feta dale mai. Boema Ama Manek noo basa hataholi matua-madema-la saoinan-nala, ma sao ka dua ka telun-nala minu pake mango sila-la. Ama Manek koa-kio lamatua daebafak fo nanataok neme lilopilas, lilofulak, liti, besi, ai ma batu, lamatua daebafak fo ta hapu lita do lamanene do lalelak hata-hata ndia fa. Ama Manek ta fe ha'da-holomata neu Manetualain fo manamaketu-mala'di Ama Manek maso'dan-na ma mamaten-na.

DANIAL 8:10

Susulak ndia boetai namatuak-ka, losa balakain-na dai soaneu sapu-na solda'du nusa so'dak-kala fo nde nduuk-kala, nakalenak ana tapa nggelok leo dae lain neu, de ana heheta-aa'is.

NAHUM 3:11

Hai Niniwe, neukose o boeo sapala'o, nanahu mamafuk-ka. Neukose o boeo sanga enok, fo daenga o mala o musum-mala deak.

HABAKUK 2:16

Besak ia, o baba'em-ma losa, soaneu nananakamamaek, te ta soaneu nanafe ha'da-holomata fa. Neukose O ha'da-holomatam, nasafali da'di nananakadadaek. Neukose Manetualain laka o minu neme nggalas fo isin-na huhukuk. Neukose o minun fo maleu-lilok.

2 TESALONIKA 2:4

Ma neukose ana laban Manetualain, ma ana manaku nae, ndia nanuu koasa, lenaheni basa dula dale mangalauk fo, hataholi daebafa ka sene-do'o kasa. Lena-lenak, neukose nangatuuk neu Lamatua ka Uman dale fo nafa'da nae, Manetualain nde ndia.

NINITAK 16:19

Kota matuaina ndia heaba'en neu baba'ek telu, ma basa nusaina manai daebafa ka, kota nala boeo lakalulutuk. Boema Manetualain nafandele na Babel fo kota matuaina ndia. Manetualain fen ninu angol neme Ndia nggalaa na mai – fo nde angol nasa-melun manalua ponu-ponu na.