YEREMIA 48:12 - Susula Malalaok Hehelu Palak Ma Hehelu Beuk

¹² Tehu, neukose fain-na nde ia so Au adenu fo ela Moab nanadi'ak sama leo angol-la, fo mamanan-na louk ma nanatao naba'ek.

YEREMIA 48:12 ပူးပေါင်းရင်းမြစ်များ

MAZMUR 2:9

Neukose o helu la'dis nenik aitete'e besi ma o tao ba'en, sama leo uledae-a.’ ”

YESAYA 16:2

Hataholi Moab-pala, lahani lai Lee Arnon-na su'un-na, ma beela'o no lapangamak sama leo manupui fo, nanausihenik neme ndunun dale mai.

YESAYA 30:14

Neukose emi sopu-sopu, sama leo uledae fo ba'en, de ana da'di bibia-bibiak-kala, nalosa ta hapu bibian sila-la esa boen, hapu due nenik ha'ikaak neme la'o dale mai, do ndui nenik oe neme bak dale mai fa.”

YEREMIA 14:3

Hataholi kamasu'ik-ka nadenu basa malalau-maoonon-nala sanga nai basa mamanak lala'en-na; de leu leo basa oedolu lala'en-na, tehu oen-nala basa so. Ketel-la louk fo lenik-kala ala leni falik-kana. Ala mae de ala potiketu mata-panan-nala nana dalen-nala ba'ihanak-ka ma ketu dudu'an-nala.

YEREMIA 19:10

Makabuin-na boema Manetualain nadenu au tao ba'e kete ndianai hataholi fo manatunga au-a matan-nala.

YEREMIA 25:34

Hai mauli-malangan-nala lemin, hai basa manafo Manetualain anan-nala lemin, ki-namatani mapane'e! Loli fali nai afu dale, nana fain-na losa emi nanado'dok, ma mananaladeak-ka neukose nanatao tapasasalak. Neukose emi sama leo ule dae kabelik-ka fo tu'da henin de ba'en.

YEREMIA 25:9

‘Neukose Au alo basa leoina manai neme ki mai-a, ma Au atang Nebukadnezar fo manek Babel-la boe. Neukose Au fe sila soaneu latee-latati la'ban Yehuda no laun-nala, ma basa leoina manai boboa-kaisun-nala. Leiona Yehuda no leoina titia-tatain-nala neukose Au tao akatoto'a-akatatak-kasa ma Au po'ilotak-kasa lakalulutuk soaneu losa dodoon-na. Hataholi fo manamitas-sala neukose ala nggenge-la ma lame'da bibi-namata'uk. Au, Manetualain nde manakokolak-ka.

YEREMIA 48:11

Manetualain nafa'da nae, “Nai makahulun-na Moab naso'da nenee-lino-linok. Beita hapu nanafoo nenik lo mamana ookak-ka neu fa. Ana sama leo angol oek-ka fo nanapo'ilotak sasi henin ma beita hapu nanadi'ak lo angol mamanak fe'ek fa. Angol ndia bei nabomeni ma mala'dahiik.

YEREMIA 48:13

Neukose Moab dalen-na ba'ihana ba'eneu Kamos, fo sila lamatua daebafan-na, sama leo hataholi Israel-la dalen-nala ba'ihana ba'eneu Betel fo sila lamahenak ndia.

YEREMIA 48:15

Moab no basa kota-kota-nala nanatao nakalulutuk so, ma hataholi muli-solu neulaun-nala nanataonisakala. Au nde manakokolak-ka. Au manek Manetualain fo Manakoasa.

YEREMIA 48:38

Nai basa uma punin lain manai dae moo-loak-kala nenenek ka'da kikii-makaleleuk, hu ka nde Moab au tao aba'en sama leo ulek nanasue tak-ka

YEREMIA 48:8

Neukose kota-la basa-basas lakalulutuk, neukose ta hapu esa fo nae ta fa. Bafak-kala ma dokek-kala neukose basas la'iesak-kasa. Au, Manetualain, nde manakokolak-ka.

NAHUM 2:2

Tete'ek-ka, neukose Manetualain tao falik Israel matua-mademan, fo ela ana da'di sama leo makahulun-na, fo nai lelek musun-nala beita bonga uman-nala fa.)