YEREMIA 47:4 - Susula Malalaok Hehelu Palak Ma Hehelu Beuk

⁴ Losa fain-na ia so soaneu leoina Filistin nanatao namate-namopo la'i esak, de nalosa Tirus ma Sidon ta hapu tutulu-fafalik seluk fa. Au, Manetualain, neukose tao amate-amopo basa hataholi Filistin fo bei elak maneme Kreta mai-a.

YEREMIA 47:4 ပူးပေါင်းရင်းမြစ်များ

KEJADIAN 10:15

Kanaan anan-nala nde Sidon, fo ana uluk-ka, ma Het.

1 TAWARIKH 1:12

Patrusim, Kasluhim, ma Kreta. Hataholi Filistin-nala bei-ba'i kain nde hataholi sila.

AYUB 9:13

Manetualain ta nakatatakak nasa-melun, ma dale namahanan-na fa; basa Rahab eila'o-limalopen-nala boeo, lakatele neun.

MAZMUR 37:13

Tehu Manetualain hika hataholi mangalauk-ka, nana Ana bubuluk hataholi ndia, fai mate'en-na, ana deka so.

YESAYA 10:3

Neukose emi tao beek nai faik fo, Manetualain huku emi? Ade emi sanga enok tao leo beek, nai lelek fo Ana fe soe-a mai neme nusa dook mai? Neukose emi moke tutulu-fafalik neu see? Neukose emi mafuni emi su'i-betem sila-la nai bee?

YESAYA 14:31

Kii-makaleleu leona, ma nggasi moke tutulu-fafalik, hai kota-kota Filistin-nala lemin! Ela leo been-na, emi basa-basam bii-mamata'u! Ko'de ndenuk-ka, namasu neme kii mai, de ana fe ta'du nae, musu solda'dun-na, ala mai; nai sila dalek, ta hapu hataholi nakadedeak fa.

YESAYA 20:6

Nai lelek ndia, hataholi manaleo nai tasi su'uk-kala, neukose lafa'da lae, ‘Mitak hata fo ana da'di neu leoina fo, ita tasalai ita dean-na neun, fo nasulu-nahapa ita neme mane Asyur-ra mai. Masa bole ita taso'da?’ ”

YESAYA 31:8

Neukose Asyur nanatao namate-namopok nai natee-natatik dale, tehu ta nenik hataholi daebafak-ka be'i-balakain fa. Neukose hataholi Asyur-rala, lalai leme natee-natatik dale mai, ma sila hataholi muli-solun-nala, neukose nanataok da'di ata.

YEREMIA 46:10

Tehu au, Yeremia afa'da ae, ia soona Manetualain Fo Mademaina ma Manakoasa fain ia; neu faik nde te, ana tao babalak neu basa musunom-mala lala'en-na. Neukose tafan-na na'as losa lakabete, ma ninu daan-nala losa ana doak. Faik ia Manetualain Fo Manakoasa do'do tutunu-hohotun-nala nai ki, nai lee Efrat ndia su'un-na.

YESKIAL 21:25

Ma Au afa'da manek Israel-la ae, ‘Hai manek fo mangalauk ma malelesik-konei! O fai huhuku mate'em-ma, ana deka so.

YESKIAL 21:29

Ninitak fo, emi mitak-ka nde been-na, pepekok, ma emi kokolak dede'a nananafa'da elak-ka boeo, pepekok. Emi, hataholi mangalauk ma malelesik, de emi huhuku mate'em-ma, ana deka so. Neukose, tafaina ndia, ana te'teheni emi lesuha'im-ma.

YESKIAL 25:16

Hu ndia de, Au po'a-benga ae neukose, Au sapu-a hataholi Filistin-nala, fo Au tao amate-amopos. Neukose Au taoisa, basa hataholi fo bei elak manai Filistin tasi su'un-na.

YESKIAL 30:8

Metema Au hotuheni Masir, ma Au taoisa la'iesak hataholi manalook-kana soona, besak-ka ala bubuluk, lae Au nde Manetualain-na.

YESKIAL 7:12

Le'do-fain, ana mai no lai-laik, fain-na ana deka so! Mana asa ma manamase'ok-ka, ala ta hapu nanalak hata esa boen, nanahu neukose Manetualain huhukun-na, la'e basa hataholi lala'en-na.

HOSEA 9:7

Fai huhukuk ka losa so, faik soaneu sipo babalak neu basa tatao-nono'ik lala'en-na. Neukose Israel name'dan. Emi mafa'da mae, “Nabi ia nggoak! Namulu so!” Emi mafa'da mae leondia, nanahu emi ta mahiik au nanseli fa, ma emi sala-singom ba'un-na seli.

AMOS 9:7

Manetualain nafa'da nae, “Hai hataholi Israel-la lemin, Au taoafik neu hataholi Sudan-nala, sama leo Au taoafik neu emi. Au o falik hataholi Filistin-nala leme Kreta mai, ma hataholi Siria-la leme Kir mai, sama leo Au o emi neme Masir mai.

LUKAS 21:22

Nana fai-faik sila la nde bee na ‘Faik Huhuku ka Nananaketu-Nala'dik,’ fo ela no enok ndia, hata fo nanasulak nai Susula Malalaok dale ana da'di.

ULANGAN 2:23

Hataholi-la leme pulu Kreta mai, langatuu-la dae manandolo-ndolo Tasi Tala'dak-ka su'un-na. Ala tao lamopo-lamate hataholi Awi, fo nggolo isik manai dae ndia, boema langatuu-la dae ndia losa leo kona neu, fo nakandoo leo kota Gaza neu.)

YOSUA 22:30

Basa hata fo hataholi maneme leo Ruben, Gad ma leo Manasye manai boboan dulu sila lafa'da mangalele'dok-ka, Imam Pinehas, laun Israel-la, lasi ha'dan ka sanahulun, fo leme Lee Yarden-na boboan muli mai ndia, lamanene. Boema dalen-nala loa-loak mesan, no nafa'da mangalele'dok ndia.