YEREMIA 46:3 - Susula Malalaok Hehelu Palak Ma Hehelu Beuk

^3-4 “Soloda'du Masir-rala eeki lapane'e neu sila soloda'du matee-matatin-nala lahehele aon-nala, ‘Tao matane tee-la! Pake ba'du besik ma topi bai! Siap ba'du baba fanak fo mu lo balisan dale mu! Emi, soloda'du matee-matatik manasa'e ndala-la, makak lapa neu ndala-la bafan-nala! Sa'e emi ndala-mala, tutulu matak fo matee-matati!’

YEREMIA 46:3 ပူးပေါင်းရင်းမြစ်များ

YESAYA 21:5

Boeo au ita feta fo, nanasadia basak so; hataholi nanaka'ik-kala mamana tutuun-na, nanasadiak. Ala la'a ma linu. No kaiboik, paleta nananamanenek nae, “Hai malanga solda'du matuaina-la lemin! Mafafa'u emi babaa fanam-mala!”

YEREMIA 46:14

“Yeremia, po'a-benga halak-ka nde ia nai kota-kota Masir-ra, fo nde nai Memfis, Migdol ma Tahpanhes-sa mae, maneneak soaneu makatatakak aoinam-mala, nana basa hata fo emi manuuk-kala neukose nanatao nakalulutuk nai natee-natatik-ka dalek!

YOEL 3:9

Po'a-benga paleta ia neu leoina-la mae, Maheheleaom fo meu matee-mata'ti ma makasusu'di balakaik! Hoka basa meo-la ma palani ta'ti batu-la; tao makabubua basa solda'du-la fo tutulumatak!

NAHUM 2:1

Hai Niniwe, mamanene leona! Hataholi fo ana nau tao nalutu o-a, ana mai so! Manea o kota musu mala! Manea enok-kala! Maheheleaom fo matee-mata'ti. (

NAHUM 3:14

Ka'da aso oe fo sadia, nai lelek lakahapi-la o, ma tao matea-mahele o kota musum-mala! Aa'i tane fo tao batu bata, ma sadia mamana cetak batu!