YEREMIA 45:5 - Susula Malalaok Hehelu Palak Ma Hehelu Beuk

⁵ Tao le'e de o hii ka'da lole-napu neulauk? Boso tao leondiak Barukh! Basa hataholi daebafak-ka Au hukus nenik mamate-momopok, tehu la'eneu o soona, fafa'kama neukose o maso'da. O leo-la'ok lo bee mu boeo neukose o so'da-molek mahele. Au, Manetualain nde manakokolak-ka.”

YEREMIA 45:5 ပူးပေါင်းရင်းမြစ်များ

KEJADIAN 6:12

Manetualain mete daebafak ndia, de nita ka'da tatao-nono'i mangalauk-ka mesak-kana, nana basa hataholi daebafak-ka maso'dan-nala mangalauk-ka.

1RAJA-RAJA 3:11

de nafa'dan nae, “Hu kande o moke dudu'a-aafi manatee-tenok soaneu o paleta no tunga ndoos ma matetuk, te ta fai nalu-le'do loak fa, do su'i-betes soaneu o aoinam-ma mesak-kana, do o musu no mala mamaten-na,

1RAJA-RAJA 3:9

Hu ndia de, ou Manetualain, ela leo been-na fe au dudu'a-aafi manatee-tenok fo au paluun soaneu paleta O anam ia la no tunga ndoos ma matetuk, ma soaneu au bisa mete kofe'ek bee kande malole ma bee kande mangalauk-ka. Metema ta leondiak fa soona, hapu nai bee au hapu paleta O anam fo matuaina ia la?”

2RAJA-RAJA 5:26

Tehu Elisa nae, “Au daleng-nga nai naa, nai lelek Naaman kona neme kaletan lain mai, fo natongon-no o. Fain-na ta nde ia, soaneu hapu doik, fo asa osi setun, osi angol, bi'ilopo ma sapi, boema ata fa!

MAZMUR 131:1

Dauk nakamee dodonge-dadaman. Manetualain, au ta amatutua-amadedema au aoinang-nga, ma ta koao-ndaeao fa. Au ta usi dede'a matuaina-la fa, do hata fo, tean-na seli ba'eneu au.

YESAYA 66:16

Nana Ana hapu-na, basa hataholi-la lasala, de neukose Ana hukus nenik ha'i ma tafaina, ma nanahuku nisak makadotok.

YEREMIA 21:9

Basa hataholi fo mana leo nai kota dalek-ka neukose mates nanahu natee-natatik-ka, la'a-ndoes-sa, do he'-laus matuaina. Tehu sila fo manakaluak soaneu lata neu hataholi Babel-la fo ala bei sapu-la kota ia, soona neukose ala laladeak ma nana tao nisa tak fa.

YEREMIA 25:15

Manetualain, Israel Manetualain-na, nafa'da neu au nae, “Ho'im-ma nggala angol ia fo Au isi basan nenik Au angol nasa-melung-nga. Menin lo basa leoina fo nai bee Au adenu o-a, fo madenus ala linu angol ia.

YEREMIA 25:16

Metema ala linun soona, neukose ala lapoka-lapangak ma mopo dudu'a-aafin-nala nanahu natee-natatik-ka fo Au uni fen neu sila.”

YEREMIA 25:31

Halan-na nadodolo neme daebafak-ka pe'da leu pe'dak neu; Manetualain tao dede'ak ndia neu basa leoina la. Neukose basa hataholi lala'en-na sese'an-na nanapalisak fo ela manatao mangalauk-ka neukose nana huku nisak.’ ”

YEREMIA 39:18

Neukose o nanatao nisa tak, nana neukose Au soi-tefa ala o. Neukose o samanem-ma naso'da nanahu o masalai deam-ma neu Au. Au, Manetualain, nde manakokolak-ka.”

ZEFANYA 3:8

Tehu manea besa-besa! Mahani ka'da fain-na losa, Au fo'a apadeik da'di leo manakalaak. Nana, Au aketu basa, soaneu aloo akabubua leoina-la, ma nusa-nusak-kala, fo Au po'a Au nasa melung neus. Neukose, Au ha'i nasa melung-nga, na'a heni basa daebafak-ka lala'en-na.

ROMA 12:16

Maso'da nai mole-dame a dalek. Boso koao-ndaeao, te tao aoina ma sama no hataholi ta nananita-nalela kala. Boso mafa'da mae emi hataholi malela kala, te se'kona ta leondiak fa.

IBRANI 13:5

Boso fe doi ka koasa emi so'da ma, tehu ela leo bee na emi mamahoko neu hata fo emi manuu ka. Nana Manetualain nafa'da basa nae, “Neukose Au ta po'ilotak emi do la'oela emi fa.”