YEREMIA 45:4 - Susula Malalaok Hehelu Palak Ma Hehelu Beuk

⁴ Hai Barukh! Boema Manetualain dede'a-kokolan nae leo ia: Te'e-te'e hata fo Au afofo'ak-kala neukose Au tao atu'us, ma hata fo Au sele-tanik-kala neukose Au fe'a henis, nakalenak leomae basa nusak-ka lala'en-na!

YEREMIA 45:4 ပူးပေါင်းရင်းမြစ်များ

PENGKHOTBAH 3:3

faik soaneu nanisa, ma faik soaneu nakahahaik, faik soaneu ofe henin, ma faik soaneu nafofo'an.

YEREMIA 1:10

Faik ia, Au fe o koasa neu leoinak-kala, ma nusa-nusak-kala – koasa soaneu tao matu'u henin, ma tao mandefa henin, soaneu loli henin, ma tao mamopo-mamate, soaneu mafofo'a ma sele-nggali.”

YEREMIA 11:17

Au nde apadedeik Israel ma Yehuda, Au, Manetualain Fo Manakoasa. Tehu besak ia Au dudu'a basa soaneu Au eni fe susa-soe neu sila. Sila nde tao aon basa sila-la, nanahu la tao basa mangalauk so, fo nde ala fe tutunu-hohotuk neu Baal-la, de nalosa Au amanasa.”

YEREMIA 12:2

O sele-tanis sama leo bubu'u-palusa, boema ala lahu-laoka, de ala moli ma labuna-laboa. Ala kokolak soona, ka'da malole-malole mesa-mesan, la'eneu O aoinam-ma, tehu nai dalen-nala dalek soona, tunga ndon-na ala ta mete-lakanae O fa.

YEREMIA 31:28

Sama leo makahulun-na Au aneas fo ela neu makabuin-na soona, Au fe'a henis Au tao atu'us ma Au tao akalulutuk-kasa, leoniak boe neukose Au aneas fo ela Au tao atetea-aheles ma au afofo'a falik-kasa.

RATAPAN 2:6

Ana tao nakalulutuk Uman-na ma Anan-nala mamana nakabubuan soaneu sene-do'ok neun. Ana tao-na hataholi-a nafandele heni fai Sabat-ta ma fai malole-la. Nanahu Manetualain namanasa nanseli, Ana ta sipok imam ma manek fa.

HOSEA 2:14

Manetualain Manakoasa nafa'da nae, “Hu ndia de, neukose Au on leo moo solokaek-ka neu. Nai naa, neukose Au fufu'din nenik dede'a tou-ta'ek.

ULANGAN 28:63

Sama leo Manetualain nahiik tao malole soaneu emi, ma Ana fe emi mamade'u, leondiak boe, neukose nahiik tao namate-namopo emi, ma tao nakalulutuk emi boe. Neukose, Ana usiheni emi neme nusak fo, ta dook-ka so'on te, emi mangatuu-malan ndia, dalek mai.