YEREMIA 43:5 - Susula Malalaok Hehelu Palak Ma Hehelu Beuk

⁵ Yohanan, ma basa soloda'dun sila-la loo la'iesak hataholi fo bei hapuk manai Yehuda boema basa hataholi manafali ma'ik neme nusak fe'ek fo mamanak ala tapa sasalak lo Masir neu.

YEREMIA 43:5 ပူးပေါင်းရင်းမြစ်များ

2RAJA-RAJA 25:22

Basa ndia boema, Mane Nebukadnezar-ra so'u Gedalya, fo Ahikam anan-na, Safan upun-na, da'di filana nai Yehuda, fo ana paleta bei ela hataholi manai naa-la.

YEREMIA 40:10

Leo neme kota-kota fo emi mahiik-kana, ma po'ilotak emi makaduduluk angol, ai boak ma mina zetun fo pe'da. Au mesang-nga neukose leo nai Mizpa fo asala'e laun-nala metema hataholi-hataholi Babel-lala mai leo ia mai.”

YEREMIA 41:10

Makabuin-na boema Ismael ho'un-na la'iesak manek-ka ana fe'on-nala ma basa hataholi fo bei elak manai Mizpa, fo Nebuzaradan fes leu Gedalya paletas-sala. Ismael foonenis boema ana la'ok nos de lalanga lo Amon leu.

YEREMIA 41:17

Sila basa-basas da'di manabik leu hataholi Babel-lala, nanahu Ismael tao lisa Gedalya fo nanaso'uk neme manek Babel-la da'dik nusak ndia gobelnol-la. Da'di sila lalai lo Masir neu. Nai eno tala'dak, ala late'e neme Kimham dekak no Betlehem.

SEMUEL SUSULAK-KA ESAN-NA 26:19

Ama Manek, mamanene atam-ma dokodoen ia. Leounik-ka, Manetualain nde nadenu Ama Manek, fo daenga la'ban atam-ma soona, tunu-hotu tutunu-hohotuk esa, fo neukose ana hapu tao natenak heni nasa-melun neu atam-ma. Tehu, leounik-ka, manamadenu Ama Manek ndia, nde been-na, hataholi daebafak soona, sa'di leo been-na, Manetualain soo-supas! Nanahu no sila tatao-nono'in ndia de, atam-ma nanausi henik neme Manetualain dae-na mai, de no nakasetik, atam-ma muse neu leo mamana fe'ek, fo nai bee, atam-ma muse sene-do'ok neu lamatua daebafak nusa dea-la.