YEREMIA 43:4 - Susula Malalaok Hehelu Palak Ma Hehelu Beuk

⁴ Leomae Yohanan no basa soloda'dun-nala, ma laun-nala ta nau tunga Manetualain palen-na soaneu leo nai Yehuda fa.

YEREMIA 43:4 ပူးပေါင်းရင်းမြစ်များ

2RAJA-RAJA 25:26

Boema, basa laun Yehuda lala'en-na, nau kamasu'i-makabetek, do nuu-taa hata-taak boe, sama-sama loo basa malanga solda'du manai lain-nala, lalai leo Masir leu, nanahu ala bii hataholi Babel-la.

2TAWARIKH 25:16

Amazia nae, “Denge-denge! Metema ta soona, ami taomisa o! Beita la'iesa fo ami so'u o da'di manek-ka manamanoli-mafa'dan fa!” Boema nabi ndia denge-denge, tehu ana bei hapu loak faa anak kokolak nae, “Besak ia au bubuluk ae Manetualain naketu basa soaneu tao namate-namopo Ama Manek, nanahu Ama Manek tatao-nono'in ndia, ma hu kande Ama Manek ta taoafik neu au nanoli-nafa'dang fa.”

MAZMUR 37:3

Mamahele neu Manetualain, ma tao-no'i hata fo malole-a, leo nai nusak ndia, ma makaboboi o aoinam-ma, no lilinekak.

PENGKHOTBAH 9:16

Da'di, au hahapung-nga la'en nae manatee-tenok-ka lena heni bei-balakaik-ka. Leomae leondiak boe, hataholi nuu-taa hata-taak-ka manatee-tenon-na ta nanataoafik fa. Ta hapu hataholi taoafik neu hala-kokolan fa.

YEREMIA 41:16

Makabiun-na boema Yohanan ma soloda'dun-nala tao lakabubua basa soloda'du anak-kala, inak-kala, ni'iana-la, ma basa uma manek-ka manana'a nggadin-nala fo nanafoonenik neme Ismael nai lelek ana tao nisa Gedalya.

YEREMIA 42:21

Hundia de, besak ia au anduku-alosak ita Aman Manetualain hala-haituan-na neu emi so. Tehu em ta nau tunga hala-haituak ndia fa.

YEREMIA 42:8

Boema au aloo-a Yohanan no soloda'dun-nala, ma hataholi fe'ek fo ala mai sama-sama lon nana.

YEREMIA 44:5

Tehu emi ta nau namanene fas, ma ta nau tao afik neu fas. Emi ta nau hahae tao mangalauk fa, fo nde fe tutunu-hohotuk neu lamatuak daebafak-kala.