YEREMIA 43:2 - Susula Malalaok Hehelu Palak Ma Hehelu Beuk

² Boema Azarya fo Hosaya anan-na, ma Yohanan fo Kareah anan-na no basa hataholi fe'ek fo manakoao-ndaeaok sila-la lafa'da neu au lae, “O masapepeko-masandandali. Ami Amam Manetualaim-ma ta nadenu o kena-ka'i ami soaneu meu lo Masir fa.

YEREMIA 43:2 ပူးပေါင်းရင်းမြစ်များ

KEJADIAN 19:14

Boema, Lot neu leo anan duas faren-nala neu, de nafa'das nae, “Lai-lai kalua meme mamanak ia mai leona, nana neukose Manetualain tao nakalulutuk kota ia.” Tehu, laedaenga, Lot ka'da nakasoe ndia.

2TAWARIKH 36:13

Manek Nebukadnezar-ra nakaseti Zedekia fo ana soo-supa nenik Manetualain na'den-na nae neukose ana lilineka neu Nebukadnezar. Tehu makabuin-na Zedekia tao nakabubua mangalauk la'ban Nebukadnezar. Zedekia nalanga bat neu Amak fo Israel Manetualain-na. Ana ta nau tuka tei-sale dale neme sala-singon mai, ma ana ta nau fali leo Manetualain mai fa.

MAZMUR 119:21

O ka'i hataholi manakoa-ndaeaok-ka, ma O supa-soo hataholi fo, ana singo neme O paletam-ma mai.

MAZMUR 12:3

Sila basa-basas, esa nasapepeko-nasandandali esa, esa tipu-dai esa, nenik hala-kokola makee-mamina.

MAZMUR 123:4

Ami makabete no hataholi kamasu'ik-kala hakinonolin-na, ma hataholi manakoao-ndaeaok-kala nakadadaen-na.

KELUARAN 5:2

Manek-ka natane nae, “See Manetualain ndia? Tao le'e de, au muse taoafik neun, fo au po'i leoina Israel-la la'o? Au ta alelak Manetualain ndia fa, de au ta po'i leoina Israel-la la'o fa.”

KELUARAN 9:17

Leomae leondiak boe, o bei koao-ndaeao boe, de o ta nau po'i Au anang-ngala la'o fa.

AMSAL 16:5

Manetualain ta hii basa hataholi manakoao-ndaeaok lala'en-na fa; Ana ta po'ilotak-kasa, lala huhukuk-ka deak fa.

AMSAL 30:9

Nana, metema au amasu'i soona, fafa'kama au afa'da, ae au ta paluu O so'on. Ma metema, au nuu-taa hata-taak soona, fafa'kama au amanako, nalosa au tao anggenggeo O na'dem-ma.”

AMSAL 8:13

Fe ha'da-holomata neu Manetualain soona sosoan-na nae, makamuu-makadau manatao mangalauk-ka; Au ta hii manakoao-ndaeaok-ka ma manamamatutua-mamadedema aok-ka fa. Au akamuu-akadau heheo-hihiluk mangalauk-ka, ma hala-kokolak manatipu-daik-ka.

YESAYA 7:9

Israel balakain-na, ta lena neme Samaria, fo Efraim nusan-na polon-na, ma Samaria balakain-na, ta lena neme Manek Pekah mai fa. Metema emi ta mamahele te'e-te'e neu Au fa soona, tao leo bee-o, emi ta bisa makatatakak fa.”

YESAYA 9:8

Leoina Israel-la lala'en-na, ma laun Samaria-la, neukose ala bubuluk lae Manetualain nde manatao-nana. Besak ia, ala koao-ndaeao ma lamatutua-lamadedema dalen-nala. Lafa'da lae,

YEREMIA 13:15

Hataholi Israel-la lemin, Manetualain kokolak nae! Boso koao, te mamanene neun!

YEREMIA 18:18

Hataholi-la lafa'da lae, “Mai fo ata tao naabua makahatuk soaneu la'ban Yeremia. Ta ka'da ndia mesak-kana kokolak no Manetualain fa. Te neukose hapu imam fo manamanoli-manamafa'da, hapu hataholi manatee-tenok fo ana hapu fe nanoli-nafa'da; ma hapu nabi fo ana bisa nanduku-nalosak hehelu-hoholok neme Manetualain neu ita. Mai fo ita kalak-kana lo manamaketu-mala'di-la neu, fo ela ita ta tamanene dede'a-kokolan seluk fa.”

YEREMIA 40:8

Boema Ismael fo etanya anan-na, Yohanan fo Kareah anan-na, Seraya fo Tanhumet anan-na, ma Efai neme Netofa anan-nala, boema Yezanya neme Maakha de basa-basas lo sila hataholin-nala leu lo Gedalya nai Mizpa.

YEREMIA 41:16

Makabiun-na boema Yohanan ma soloda'dun-nala tao lakabubua basa soloda'du anak-kala, inak-kala, ni'iana-la, ma basa uma manek-ka manana'a nggadin-nala fo nanafoonenik neme Ismael nai lelek ana tao nisa Gedalya.

YEREMIA 42:1

Basa ndia boema basa hataholi matua do ana, lo basa soloda'dun-nala, ma Yohanan Fo Kareah anan-na ma Azarya fo Hosaya anan-na mai

YEREMIA 42:20

ae, emi tao basa sala matuaina so. Emi moke fo ela au hule-haladoi neu ita Aman Manetualain-na soanau emi, ma em helu soaneu tao-no'i basa hata fo nananafa'dak neme Manetualain mai ndia.

YEREMIA 42:5

Ala lafa'da neu au lae, “Emi mokeama hule-haladoi neu ita Aman Manetualain-na, nanahu ami nau mamahele neun, fo ela ami heheo-hihilum-ma da'di malole. Da'di Manetualain hala haituan-na malole do mangalauk ndia boeo neukose ami tungan. Nemen-na fo Manetualain da'di sakasii fo ndos ma matetuk ma manalilinekak ba'eneu ami, metema ami ta nau tunga la'iesak paleta fo Manetualain fen neu ami tunga ama fa.”

YEREMIA 43:1

Manetualain fo Israel Manetualain-na hala haituan-na fo au muse anduku-alosak-kana neu laun-nala ndia, au anduku-alosak la'iesak-kana so.

YEREMIA 44:16

“Ami ta nau mamanene hata fo o mafa'dan neu ami pake Manetualain na'den-na fa.

YAKOBIS 4:6

Leomae leondiak boe, Manetualain susue-lalain fo Ana fen neu ita ndia, balakai na lena heni ita dale hihii na. Hu ndia de, nai Susula Malalaok dale boeo nanasulak nae, “Manetualain laban hataholi mana koao ka, tehu Ana sue-lai hataholi fo nakaloe-nakadae dale na.”

1 PETRUS 5:5

Leondiak boe, tolanoo muli solu kala lemin! Tunga lasi kala paleta na. Emi muse makaloe-makadae ao mala, ma esa nalalau-naoono esa no dale nakaloe aok. Nana nai Susula Malalaok dale nanasulak nae leo ia, “Manetualain la'ban hataholi mana koao-ndaeao ka, tehu Ana sue-lai hataholi mana makaloloe-makadae ao ka.”