YEREMIA 42:5 - Susula Malalaok Hehelu Palak Ma Hehelu Beuk

^5-6 Ala lafa'da neu au lae, “Emi mokeama hule-haladoi neu ita Aman Manetualain-na, nanahu ami nau mamahele neun, fo ela ami heheo-hihilum-ma da'di malole. Da'di Manetualain hala haituan-na malole do mangalauk ndia boeo neukose ami tungan. Nemen-na fo Manetualain da'di sakasii fo ndos ma matetuk ma manalilinekak ba'eneu ami, metema ami ta nau tunga la'iesak paleta fo Manetualain fen neu ami tunga ama fa.”

YEREMIA 42:5 ပူးပေါင်းရင်းမြစ်များ

KEJADIAN 31:50

Laban nafa'da seluk nae, “Metema, o tao mangalauk neu au anang-ngala, do o sao ina fe'ek, leomae ta hapu hataholi bubuluk fa, tehu mafandendelek te, Manetualain nanea besa-besa no ita.

KELUARAN 20:19

Lafa'da Musa lae, “Nemen-na, fo o nde kokolak moo ami, te neukose ami mamanene; tehu Manetualain boso kokolak no ami te neukose mate ami.”

KELUARAN 20:7

Boso seseik Au na'deng-nga no sosoa-ndandaa tak, nana Au, fo emi Manetualain-na, huku su'di see fo ana pake sala Au na'deng-nga.

YEREMIA 42:20

ae, emi tao basa sala matuaina so. Emi moke fo ela au hule-haladoi neu ita Aman Manetualain-na soanau emi, ma em helu soaneu tao-no'i basa hata fo nananafa'dak neme Manetualain mai ndia.

YEREMIA 43:2

Boema Azarya fo Hosaya anan-na, ma Yohanan fo Kareah anan-na no basa hataholi fe'ek fo manakoao-ndaeaok sila-la lafa'da neu au lae, “O masapepeko-masandandali. Ami Amam Manetualaim-ma ta nadenu o kena-ka'i ami soaneu meu lo Masir fa.

YEREMIA 43:4

Leomae Yohanan no basa soloda'dun-nala, ma laun-nala ta nau tunga Manetualain palen-na soaneu leo nai Yehuda fa.

YEREMIA 5:2

Emi mafa'da mae emi sene-do'ok neu Manetualain, te se'kona emi dale dodoom-ma, ta leondiak fa.

MIKHA 1:2

Mamanene leon, hai leoina-la lemin! Taoafik leon, hai laun manai daebafak-ka lala'en-na lemin! Manetualain Fo Mademaina mai, da'dileo sakasii, fo la'ban emi basa-basam-mala! Mamanenen Ana kokolak neme Uma malalao-malalafun-na nai nusa so'dak-ka.

MALEAKHI 2:14

Emi matane mae, tao le'e de, Ana ta nau sipo fan? Hu kande Manetualain bubuluk, emi ta lilineka neu inak fo emi ka'bing moon, nai lelek emi muli-solum-ma. Emi tia-laim inak ndia, nai emi so'dam-ma dalek, tehu emi malelesin, leomae emi helu basa, soaneu lilineka mahele moon, nai Manetualain matan so.

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

ROMA 1:9

Metema au hule-haladoi soona, au afandele emi tataas esa. Manetualain nde sakasii au hala-kokolang ia la memak tete'e ka. Manetualain ndia nde, au alalau-aoonon no dale katematuak, ninik au tui-benga Hala Malole ndia la'eneu Ana na.

NINITAK 1:5

ma neme Yesus Kristus, sakasii fo manalilineka ka. Ndia nde makasososa naso'da falik neme mamate sa mai, ma Ndia nde manakoasa neu mane-mane daebafa kala. Yesus sue-lai ita, ma no mamate na de Ana soi-po'i ita teme ita sala-singon mai,

NINITAK 3:14

“Neu ata nusa so'da salanik manai Laodikia la sulakman leoiak: Ia nde hala heheluk neme Ndia fo loken lae Amin, sakasii fo mana lilinekak ma ndoos, oemata basa hata lala'ena fo nananakadada'dik neme Manetualain mai.

HAKIM-HAKIM 11:10

Boema lataa lae, “Ami makaheik, Manetualain nde da'di sakasii.”

SEMUEL SUSULAK-KA ESAN-NA 12:5

Boema, Semuel nafa'da nae, “Nai faik ia, Manetualain ma Ana hele manek-ka, da'di sakasii, lae se'kona au ta tao salak faaanak boen.” Boema, lataa lae, “Hei, tete'ek-ka, Manetualain da'di ita sakasiin.”

SEMUEL SUSULAK-KA ESAN-NA 20:42

Basa boema, Yonatan nafa'da Dauk nae, “Sa'di leo been-na, Manetualain tulu-fali o. Neukose Manetualain nai ita dua tala'da, ma nai ita dua tititi-nonosin tala'da, losa dodoon-na.” Basa ndia boema, Dauk la'o leona, ma Yonatan fali ne'un leo kota neu.