YEREMIA 42:4 - Susula Malalaok Hehelu Palak Ma Hehelu Beuk

⁴ Au ata ae, “Malole! Metema leondiak. Au sipok emi nonoken ndia. Neukose au hule-haladoi neu ita Aman Manetualain-na fo nataan-na leo beek soona, neukose au afa'da la'iesak-kana neu emi; Esa boeo neukose au ta afunin lo emi neu fa.”

YEREMIA 42:4 ပူးပေါင်းရင်းမြစ်များ

MAZMUR 40:10

Nai O anam-mala makaluku-makatelen-na dalek, au tui-benga hala malole-a ae O soi-tefam-mala ami so. Au ta hahae, tui-benga dede'ak ndia fa, O bubuluk basa sila-la, ou Manetualain.

KELUARAN 8:29

Musa nataa nae, “Au la'o, fo no lai-laik au hule-haladoi neu Manetualain, fo ela balahaa soona, pena sila-la la'oela au Ama Maneng-nga, basa manapaleta-la, ma laun-nala. Tehu, boso ke'di-ndiu seluk ami bai, ma boso mapanggengge leoina Israel-la, fo leu tunu-hotu tutunu-hohotuk soaneu Manetualain.”

YEREMIA 23:28

Nabi fo manamalame'ik-ka muse nafa'danae, ‘Ia ka'da me'is-sa.’ Tehu nabi fo manahapu hala haituak neme Au mai-a, muse nanduku-nalosak hala haituak ndia no matetun-na. Te gandum-ma ta hapu nakasasamakana no ha'de aik-ka fa.

YEREMIA 23:35

Nasafalin-na, hataholi esa-esak muse natane neu nonon-na do neu uma isin-na, ‘Natatak neme Manetualain mai-a?’ do ‘Manetualain nafa'da nae leo bee?’

YEREMIA 26:2

Manetualain nafa'da neu au nae, “Mu mapadeik neu Au umang-nga so'dan-na, fo kokolak mo Yehuda laun fo manamai hule-haladoi manai ndia. Manduku-malosak neu sila basa hata fo Au paletak-ka neu o-a, soaneu mafa'dan neu sila. Boso mafa'da kulang esa boen.

YESKIAL 2:7

Manduku-malosak Au hala hehelung lala'en-na neus, su'di ala nau lamanene do ta. Mafandendelek te, hataholi sila-la, malenalanga-masabasook-kala.

HATAHOLI 20:20

Tolanoo kala bubuluk basa, au ta hiapenge tui-benga neu emi, hata fo masosoa-ndandaak ba'eneu emi. Au anoli emi nai mamana nakabua matua la, ma nai uma puni sa'e-sa'e kala.

HATAHOLI 20:27

Beita la'iesa fo au alai la'oela au bela-ba'ung boen, soaneu au afa'da mangalele'do emi, Manetualain dale tutu'un lala'ena fa.

ROMA 10:1

Tolano-tolanoo ngala lemin! Au ahiik alanseli, fo au hataholi ngala hapu nanasoi tefak. De au hule-haladoi te'e-te'e neu Manetualain soaneus.

SEMUEL SUSULAK-KA ESAN-NA 12:23

La'eneu au soona, sa'di leo been-na, boso nalosak au asala-asingo neu Manetualain nanahu au ta hule-haladoi fe emi fa. Nasafalin-na, neukose au boeo, au anoli akandoo emi nanolik malole ma ndoos.