YEREMIA 42:2 - Susula Malalaok Hehelu Palak Ma Hehelu Beuk

² lo au-a mai de lafa'da lae, “Ama, samaleo Ama mita matan, ami ia makahulun-na ba'uk-ka te besak ia ela ka'da lumuanak so. Ami dokodoe Ama hule-haladoi soaneu ami, neu Amak Manetualain fo sene-do'ok-ka. Hule-haladoi fe ami fo be elak iala,

YEREMIA 42:2 ပူးပေါင်းရင်းမြစ်များ

1RAJA-RAJA 13:6

Boema Yerobeam nafa'da nabi ndia nae, “Suen-na hule-haladoi neu o Manetualain soaneu au. Moke susue-lalain leona, fo nakahahaik au limang-nga!” Nabi ndia hule-haladoi neu Manetualain, boema manek-ka liman-na hai.

MAZMUR 119:170

Nemen-na fo, au dokodoeng-nga losa O, fo soi-tefa-mala au, nandaa no O hehelum-ma.

KELUARAN 8:28

Boema manek-ka nafa'da nae, “Hei, au po'i emi meu leo mook solokaek-ka meu, fo tunu-hotu tutunu-hohotuk soaneu Manetualain, fo emi Manetualaim-ma, sa'di boso meu leo dook-ka meu. Mafandendelek, fo hule-haladoi fe au!”

KELUARAN 9:28

Hule-haladoi neu Manetualain leona; ami doi-dosom-ma dai so, nanahu mangguluk ma u'da eis ia. Neukose, au po'i emi la'o. Emi boso boe leo meme ia bai.”

YESAYA 1:15

Metema, emi so'uk emi limam-ma, fo emi hule-haladoi soona, Au ta nau taoafik neu fan. Au ta paluu emi huhule-haladoim dede'un-na de'ubee fa, ma Au ta nau amanene fan, nana emi manisa la'i ba'uk-ka nenik emi limam ndia so.

YESAYA 1:9

Leounik-ka, Manetualain Fo Manakoasa, Ana ta fe ita hataholi de'ubee laladeak fa soona, mopo-mate basa ita, sama leo Sodom ma Gomora so.

YESAYA 37:4

Manek Asyur-ra, nadenu basa malanga solda'du matuainan-na so, fo nakamumulu-nakamamaek Manetualain fo maso'dak-ka. See bubuluk, fafa'kama Manetualain namanene basa nakamumulu-nakamamaek ndia so, de neukose Ana huku hataholi manakokolak-ka! Hu ndia de, hule-haladoi leon neu Manetualain, soaneu ita hataholin fo bei maso'dak-kala.”

YESAYA 42:20

Israel, o mita makadotok, tehu o ta taoafik neu fan, o madi'idook, tehu o ta mamanene fa.”

YEREMIA 15:11

Manetualain, metema tete'ek au ta tao-no'i bela-ba'ung no malole fa, ma au ta sala'e musu-a nai O matam-ma fa nai lelek ala hapu toto'a-tataak-ka ma susa-soe fa soona, nemena fo hataholi sila-la supa-son te'e-te'e ana da'di. (

YEREMIA 2:27

Neukose emi nananakamamaek, nana emi maloo ai bibiak esa soona, emi mae ama, ma emi maloo batu esa soona, emi mae ina. Emi ta mai leo Au mai fa, te emi la'oela Au. Tehu, metema toto'a-tataak-ka ana mai soona, Au nde emi malook-ka, fo mai soi-tefa emi.

YEREMIA 21:2

“Moke natutu'duk neme Manetualain soaneu ita, nana Nebukadnezar fo Babel manen mo soloda'dun-nala sanga sapu ita kotan. Fafa'kama neukose Manetualain tao manada'di beuk soaneu ita, fo ana laka-nakaseti. Nebukadnezar le'a heok ndia soloda'dun-na.”

YEREMIA 36:7

Fafa'kama no enok ndia, fo ala hule-haladoi neu Manetualain, ma ala tuka tei-sale dale neme sila tatao-nono'i mangalaun-nala mai. Manetualain namanasa nanseli nos, de ana fepa-li'us.”

YEREMIA 37:20

Besak ia, Ama Manek fo mandela-masa'sak, sa'di leo been-na mamanen au dokodoeng ia. Ama Manek boso haitua falik au fali lo bui manai Yonatan uman ndia, te boso nalosak mate au nai na.”

YEREMIA 37:3

Manek Zedekia nadenu Yukhal fo Selemya anan-na, ma Imam Zefanya fo Maaseya anan-na soaneu noke au hule-haladoi neu Amak Manetualain soaneu leoina paluk-ka.

YEREMIA 38:14

La'e fai fe'ek esa boema manek Zedekia nadenu hataholi mai nala au, fo au u atan nai lelesu ina katelu-a nai Manetualain Uman. Ana nafa'da au nae, “Au nau atane neu o, de o muse matan no mangale'dok. Boso mafuni hata esa boen.”

YEREMIA 40:15

Boema Yohanan nafa'da neu Gedalya nenik nakakukutuk nae, “Malole lenak au u tao isa Ismael; fo ela hataholi esa boen ta bubuluk nae sekande tataon ndia fa. Tao le'e de po'ilotak-kana ana tao nisa o? Neukose ndia nenenin-na basa hataholi Yehuda fo manamakabubuak lo o manai iala ala tapasasala seluk bai, ma dedeak ndia tao nalutu laiesak laun fo bei elak manai Yehuda.”

YEREMIA 42:20

ae, emi tao basa sala matuaina so. Emi moke fo ela au hule-haladoi neu ita Aman Manetualain-na soanau emi, ma em helu soaneu tao-no'i basa hata fo nananafa'dak neme Manetualain mai ndia.

RATAPAN 1:1

Besak ia, Yerusalem nee-nee lino-linok nanseli, kota fo makahulun-na henuk no makaseek nanseli. Makahulun-na nai leoina-la uluk, tehu besak ia, ana da'di sama leo inafalu so. Makahulun-na kota fo nanakoa-nanakiok nanseli, besak ia, ana da'di ata so.

YESKIAL 12:16

Neukose Au soi-tefa ala, sila lumanak leme natee-natatik dale, leme la'a-ndoes-sa, ma leme he'di-laus-sa mai, fo ela nai leoina nusa dea sila-la tala'daheon, neukose ala bubuluk, lae sila tatao-nono'in ta kandaak makandondook fa. Soona neukose, ala manaku, lae Au nde Manetualain-na.”

HOSEA 8:10

Leomae leondiak boe, neukose Au tao akabubuas, fo Au hukus. Ta dook-ka so'on te, metema mane Asyur-ra tuni-ndenis soona, lahoo he'dis.

IMAMAT 26:22

Neukose, Au fe bana makaa-makisuk-kala leu leo emi tala'da heom leu. Neukose, bana sila-la kaa-la emi anam-mala, taolisa emi bana-manum, ma la'aheni emi, nalosa ela ka'da emi lumanak nanseli, ma enok manai emi nusam dale-la, da'di nee-nee lino-linok.

AMOS 7:2

Lamak sila hii-hii nae la'a basa na'u-aiana manai dae lain-na. Boema au afa'da ae, “Manetualain Fo Mademaina, fe do'o do ampon neu O anam-mala! Sila kome'doana nanseli, ma tapandoes-sala, de tao leo bee fo bisa lakatatakak?”

MATEOS 24:22

Leo uni ka Manetualain ta tao keke'u fai na fa soona, ta hapu hataholi esa boen hapu naso'da fa. Te hu ka nde hataholi kamahehele nala, de Manetualain tao keke'u le'do-fai ndia.

HATAHOLI 8:24

Boema Simon nafa'da Petrus no Yohanis nae, “Sue na moke Lamatua ka, fo emi mafa'da basa dede'ak sila la, esa boeo ana boso da'di neu au.”

ULANGAN 28:62

Leomae, emi dede'um-ma, de'u nduuk manai lalai-a so boe, tehu nai emi dalek, hapu maso'dak, ka'da lumanak mesak-kana, nanahu emi ta tunga neu emi Manetualaim-ma fa.

ULANGAN 28:63

Sama leo Manetualain nahiik tao malole soaneu emi, ma Ana fe emi mamade'u, leondiak boe, neukose nahiik tao namate-namopo emi, ma tao nakalulutuk emi boe. Neukose, Ana usiheni emi neme nusak fo, ta dook-ka so'on te, emi mangatuu-malan ndia, dalek mai.

ULANGAN 4:27

Neukose Manetualain tao tapasasala emi nai leoina fe'ek-kala tala'da, de ela ka'da emi hataholim lumanak laso'da lahele.

YAKOBIS 5:16

Hu ndia de, ela leo bee na, esa nafa'da sala na neu esa, ma esa hule-haladoi fe esa, fo ela emi hapu lea-hai. Hataholi fo ana hule-haladoi tunga Manetualain hihii-nanau na, nanuu koasa matua ina.

SEMUEL SUSULAK-KA ESAN-NA 12:19

Boema, lafa'da Semuel lae, “Fali-ma, ami dei Ama, hule-haladoi neu Manetualain fo o Manetualaim-ma, fo ela boso mate ami. Besak ia, ami mame'da mae fe'ek neme ami sala-singom makahulun-na mai, ami masala-masingo seluk, nanahu ami moke manek esa.”

SEMUEL SUSULAK-KA ESAN-NA 12:23

La'eneu au soona, sa'di leo been-na, boso nalosak au asala-asingo neu Manetualain nanahu au ta hule-haladoi fe emi fa. Nasafalin-na, neukose au boeo, au anoli akandoo emi nanolik malole ma ndoos.

SEMUEL SUSULAK-KA ESAN-NA 7:8

Semuel nafa'das nae, “Boso hahae hule-haladoi neu Manetualain fo ita Manetualain-na, fo ela Ana soi-tefa-na ita teme hataholi Filistin-nala mai.”