YEREMIA 42:16 - Susula Malalaok Hehelu Palak Ma Hehelu Beuk

¹⁶ “Natee-natatik ma la'a-ndoes-sa fo emi bii-mamata'uk ndia, neukose usi nahele emi losa Masir, ma neukose mate-mopo emi nai nusak ndia.

YEREMIA 42:16 ပူးပေါင်းရင်းမြစ်များ

AMSAL 13:21

Ua-nale poke-pake-a, usi-bulu tataas esa no hataholi masala-masingok-ka tehu hataholi malole-a, ana sipo ua-nale malole tataas esa.

YEREMIA 27:8

Leoina do dedeo-la fo ala ta nau lakaluku-lakatele neu Nebukadnezar fa soona, neukose Au hukus nenik natee-natatik, la'a-ndoes, ma he'di-laus matuaina, losa makabuin-na leoina ndia nakaluluku-nakatele neun.

YEREMIA 42:13

Tehu emi fo be elak manai Yehuda soona, boso ko'bo-ketu emi bafam-ma neu emi Amam Manetualaim-ma boso mafa'da mae, “Ami ta nau leo nai nusak ia fa. Ami nau meu lo Masir fo ami leo nai nusak ndia. Nai na ami ta la'ola'di natee-natatik, ta mamanene pupuk-ka nalii soaneu naloo neu musu, ma ta hapu toto'a-tataak, la'a ndoes fa.” Metema emi dalem-ma natea soona meu lo Masir fo leo nai na soona, Manetualain Fo Manakoasa, fo Israel Manetualain-na hala-haituan-na nde ia ba'eneu emi:

YEREMIA 44:27

Nekose Au ulepo'de fo ela emi tu'da-monu ma so'dam-mala ta neulauk fa, losa mate la'iesak emi nai natee-natatik-ka dalek do nau hukande hedi-laus matua ina.

YESKIAL 11:8

Ade, emi bii-mamata'u neu tafaina do ta? Neukose, Au adenu hataholi neni tafaina, fo ana sapu-na emi.

ZAKHARIA 1:6

Au anduku-alosak Au paletang-ngala, ma Au hala nasanene'dang-ngala neu emi bei-ba'i kaim, tunga basa nabi-nabi fo Au atang sila-la. Tehu ala ta taoafik-kana fa, nalosa ala muse lu'a-lepa buna-boan. Boema lasasale dale, ma ala manaku lae Au, Manetualain Fo Manakoasa, huku basa sila, nandaa no sala-singon-nala, ma nandaa no Au nakeketung-nga.”

YOHANIS 11:48

Makanaema ita po'ilota kana leoiak nakandoo soona, neukose basa hataholi la lamahelen. Fo neu mate'e na te, neukose manakoasa Roma mai fo ana tao nakalulutuk Manetualain Uma na no basa ita leoina na lala'ena!”

ULANGAN 28:15

“Tehu metema, emi ta tunga emi Manetualaim-ma, ma emi ta tunga no emi dalek katematuam-ma, neu basa paletan ma hoholo-lalanen fo faik ia, au fen neu emi fa, soona basa soo-supak ia-la, neukose ala tuni-ndeni-la emi:

ULANGAN 28:22

Neukose, Manetualain huku emi nenik he'di madaik-ka, petaaok-ka ma sumaik-ka. Neukose, Ana fe dae-a namatuu, ma Ana fe ani mato'bik-ka mai, nalosa emi dae-oem buna-boan nalutus. Soe sila-la, ala tuni-ndeni lahele emi, losa mate-mopo emi.

ULANGAN 28:45

Basa soe sila-la lala'en-na, neukose ala mai lakandoo fo, ala tuni-ndeni-la emi, losa mate-mopo emi; nanahu emi ta tunga emi Manetualaim-ma, ma emi ta tao tunga hoholo-lalanek fo, Ana fen neu emi-a fa.