YEREMIA 42:11 - Susula Malalaok Hehelu Palak Ma Hehelu Beuk

¹¹ Bosobai bii neu manek Babel ndia. Hapu Au nai emi tala'da soaneu tulu-fali ma soi-po'i emi neme ndia koasan-na mai.

YEREMIA 42:11 ပူးပေါင်းရင်းမြစ်များ

2RAJA-RAJA 25:26

Boema, basa laun Yehuda lala'en-na, nau kamasu'i-makabetek, do nuu-taa hata-taak boe, sama-sama loo basa malanga solda'du manai lain-nala, lalai leo Masir leu, nanahu ala bii hataholi Babel-la.

MAZMUR 118:6

Au ta bii-amata'u fa, nana Manetualain no au, hataholi daebafak-ka, ta hapu tao hata esa boen soaneu au.

MAZMUR 46:11

Nafa'da nae, “Natee-nata'tik-ka, nate'e leona; bubuluk leona, te au ia Manetualain, Au matua-madema nai leoina-la tala'da matua-madema nai daebafak-ka lala'ena.”

MAZMUR 46:7

Manetualain nanggulu, boema daebafak-ka nakalulutuk; leoina-la lakalupu, nusak-kala lakalulutuk.

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

YESAYA 43:2

Metema, o lena tunga oe dale soona, neukose Au sama-sama o o, neukose, o ta bolo nai, o toto'a-tataam dale fa. Metema, o la'ok tunga ha'i dale soona, neukose ha'i-a, ta na'a naputu o fa, Soso'ba-susu'di mabelaina-la, neukose ta tao soe o fa.

YESAYA 43:5

Boso bii, nana Au asulu-ahapa o. Neme dulu ma neme muli mai, Au adenu o upu-anam, mai lakabubua.

YEREMIA 1:8

Boso bii-mamata'u neus, nana neukose Au sama-sama o o, fo Au asulu-ahapa o. Au, fo Manetualain nde manakokolak-ka!”

YEREMIA 15:20

Neukose Au tao o da'di lutu batu mahelek soaneu sila. Neukose ala latee-latati lo o tehu neukose ala ta hapu tao lakala o fa. Neukose Au ook o, ma asulu-ahapa ma soi-tefa ala o.

YEREMIA 27:11

Tehu leoina fo ala nau lakaluku-lakatele ma ala nau sene-do'ok neu manek Babel-lasoona, neukose Au po'ilotak-kasa ala leo lapasala nai sila nusa-namon-na ma ala foi-fala nai ndia. Au, Manetualain nde manakokolak-ka.”

YEREMIA 27:12

Soaneu Zedekia fo manek Babel-la soona, au, Yeremia, anduku-alosak dede'ak matak esa. Au afa'da ae, “Bii neu menek Babel-la. Mahele neun, ma neu ndia leoinan-na fo ela Ama maek naso'da.

YEREMIA 27:17

De bosos mamanene neu sila! Bii neu manek Babel-la, fo ela emi maso'da. Sosoak hata kota ia muse nakalulutuk?

BILANGAN 14:9

Boso la'ban Manetualain, ma boso bii-mamata'u neu hataholi manaleo manai nusak ndia, nana neukose ita sengis, no mu'dak. Nana manamasulu-mahapas-sala, ana la'oelas so, de Manetualain nook ita. Da'di boso bii-mamata'u.”

MATEOS 10:28

Boso bii neu hataholi kanisa ao paa ka, nana sila ta lanuu koasa, fo tao lisa samane ka fa. Bii neu ka'da Manetualain, fo nanuu koasa taonisa la'iesak emi ao paa samanem nai tasi ha'ik dale.

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

HATAHOLI 18:10

Nana Au ok o. Ta hapu hataholi esa boen tao mangalauk neu o fa, nana Au hataholing makadotok nai kota ia dalek.”

ROMA 8:31

Ade besak ia ita tae le'e bai? Metema Manetualain nok ita soona, see kande napalani laban ita?

ULANGAN 20:4

Emi Manetualaim-ma, Ana tunga fo Ana tulu-fali emi, fo Ana fe emi sengi.’

2 TIMOTIUS 4:17

Tehu Lamatua ka no nahele au, nai au boboa nga. Ana fe au be'i balakaik, de nalosa au apalani tui-benga la'i esak Hala Malole ndia, fo ela basa hataholi ta Yahudi la, lamanene beno'u. Ma au ala soe mamate sa deak.

YOSUA 1:5

Ta hapu hataholi esa boen, neukose bisa sengi o fa Yosua, nai o fai maso'dam-ma dalek. Nana neukose Au nai o boboam-ma tataas esa, sama leo makahulun-na, Au nai Musa boboan-na. Neukose, Au ta la'oela o fa.

YOSUA 1:9

Mafandendelek, te Au paleta basa o, fo ela te'e-te'e o mamahele, ma mapalani! O boso bii-mamata'u, do pela-bale, nana Au, fo o Manetualaim-ma, nai o boboam-ma, nai lelek o muu leo su'di bee muu.”