YEREMIA 41:7 - Susula Malalaok Hehelu Palak Ma Hehelu Beuk

^7-8 Ala losa kota tala'da tutika, Ismael no hataholin-nala mulai tao lisas. Tehu neme sila mai-a, sila sanahulu nafa'da neu Ismael lae, “Boso tao nisa ami! Te ami bei manuu gandum matak dua, mina zetun boe, ma fani oe. Ami bei mafunis lai kota deak.” Hundia, de ismael ta tao nisa fsa, tehu fe'ek-kala soona, ana tao nisas de popolan-nala nanatapak lo oedolu dale neu.

YEREMIA 41:7 ပူးပေါင်းရင်းမြစ်များ

2RAJA-RAJA 15:25

Malanga solda'du manai lain esa, fo nde Pekah, fo Remalya anan-na, ana tao nakabubua makahatuk no hataholi 50, leme Gilead mai. Boema, ala taolisa Pekahya, sama-sama no hataholi fe'ek 2, fo nde Argob ma Arye, neme kama esa dalek, fo nai uma manek manai Samaria. Basa boema, Pekah da'di manek nggati Pekahya.

MAZMUR 55:23

Fe o dale manaba'ihanam-ma neu Manetualain, soona neukose Ana tia-to'ba o; nana hataholi dale ndoos-sa, Ana ta po'ilotak-kana kala fa.

AMSAL 1:16

Metema ala beita tao tatao-nono'i mangalauk fa soona, ala ta sungu-la matan-nala fa. Dalen-nala lahiik, no lai-laik lanisa.

YESAYA 14:19

tehu o loo-latem ta; o popolam-ma nanatapa henik, sama leo nupuk fo nanatipa henik, fo palani tati batu manamatek manai natee-natatik-ka dalek, popolan-nala lapaluni ketun, ma nanatapak sama-sama nos, leo bolo mamates batu dale neu, sama leo popolak fo nanaheheta-aa'ik.

YESAYA 59:7

Emi tutu'u tatao-nono'i mangalauk nakandondoo henin, de emi mahiik taon no lai-laik. Emi ta bii-mamata'u, soaneu taomisa hataholi sala tak-ka. Emi meu su'di leo bee meu soona, emi la'oela nakalulutuk-ka, ma mamate-momopok-ka nai ndia.

YESKIAL 22:27

Manapaletan-nala sama leo busa fuik-ka, ana sisii-lulu'i nana'an-na. Ala lanisa, ka'da soaneu sanga nanalak.

ROMA 3:15

Ala la'ok lai-lai metema ala sanga fepa-li'u ma taolisa hataholi.