YEREMIA 41:10 - Susula Malalaok Hehelu Palak Ma Hehelu Beuk

¹⁰ Makabuin-na boema Ismael ho'un-na la'iesak manek-ka ana fe'on-nala ma basa hataholi fo bei elak manai Mizpa, fo Nebuzaradan fes leu Gedalya paletas-sala. Ismael foonenis boema ana la'ok nos de lalanga lo Amon leu.

YEREMIA 41:10 ပူးပေါင်းရင်းမြစ်များ

NEHEMIA 2:10

Tehu lelek Sanbalat, fo hataholi Bet-Heron ndia, ma Tobia, fo manapaleta esa neme Amon mai, namanene lae au mai soaneu leoina Israel-la paluun-na boema lasasale dale lanseli.

NEHEMIA 2:19

Lelek Sanbalat, Tobia, ma Gesyem, fo hataholi Arab ndia, bubuluk ami dale tutu'um ndia boema, ala hika ma hakinonoli ami. Lafa'da lae, “Emi sanga tao beek? Ade emi sanga la'ban manek-ka paletan-na do?”

YEREMIA 22:30

“Nananaketu basak soaneu hataholi ndia mopo anan-nala ma nai so'dan-na dalek ana ta hapu dai hata esa fa boen. Neme ndia tititi-nonosin mai ta hapu da'dik manapaleta nai Yehuda da'di leo manek fo Dauk tititi-nonosin-na. Au, Manetualain, nde manakokolak-ka.”

YEREMIA 38:23

Au afa'da seluk ae, “Basa Ama Manek sao anan lala'en-na neukose nananenik lo deak neu, lo hataholi Babel-lala. Ama Manek boeo neukose ta mala deak neme sila mai fa. Ama Manek-ka neukose nanaho'u nak neme manek Babel-la mai, ma kota ia nanahotu-heni la'isak-kana.”

YEREMIA 39:6

Nai kota ndia boe, anan-nala basa nanatao nisak nai matan-na, ma basa mauli-malangan manapaletak manai Yehuda boeo nanatao nisak-kala.

YEREMIA 40:14

de lafa'da lae, “Ade o bubuluk do ta de, Baalis fo manek Amon-na ana nadenu Ismael tao nisa o do ta?” Tehu Gedalya ta namahele neu sila kokolan ndia fa.

YEREMIA 40:7

Manek Babel-la ana so'u basa Gedalya da'dik gobelnol nai Yehuda, soneu ana paleta la'iesak hataholi fo bei elak manai Yehuda, fonde hataholi-hataholi nuu-taak-hatataak nanseli-a. Basa malanga soloda'du ma soloda'du Yehuda nggelok fo ala ta fe aoinan-nala lo Babel neu fa lamanene la'eneu Gedalya soso'un fo da'dik gobelnol ndia.