YEREMIA 40:10 - Susula Malalaok Hehelu Palak Ma Hehelu Beuk

¹⁰ Leo neme kota-kota fo emi mahiik-kana, ma po'ilotak emi makaduduluk angol, ai boak ma mina zetun fo pe'da. Au mesang-nga neukose leo nai Mizpa fo asala'e laun-nala metema hataholi-hataholi Babel-lala mai leo ia mai.”

YEREMIA 40:10 ပူးပေါင်းရင်းမြစ်များ

2 SEMUEL 16:1

Lelek Dauk besak-ka nala pupukuk-ka selik boema, no kaiboik, Mefiboset atan Ziba, ana mai leona, de Dauk nitan, ana hela keledei dua, ala fua loti boak natun dua, angol boa tuuk, nggik natun esa, ai boa mamatak, puputuk natun esa, ma angol nai alukosu bana louk esa dalek.

1RAJA-RAJA 10:8

Tuan saoinan-nala laua-lanale lanseli! Ma nanala matuainan-nanseli ba'eneu hataholi mana'a ngga'di fo laue-lale'di tataas esa soaneu Tuan, nalosa lamanene matan neme Tuan mai, basa nanolik fo manatee tenok lala'en-na!

AMSAL 22:29

O mita hai, hataholi malelak-ka tao ue-le'din so do beik? Neukose, ala fe hataholi ndia, naue-nale'di nai manek-kala uma manen-na, te ta nai hataholi laun-na uman fa.

AMSAL 27:25

O ke'di na'u nai tina dale, ma nai letek lain, fo o fe o bana-manum sila-la, tehu basa soona, na'u-a moli seluk.

YESAYA 16:9

Besak ia, au kii-makaleleu ai angol Sibma, sama leo au kii-makaleleu Yaezer. Au luu oeng-nga ti'ti boto-boto, soaneu Hesybon ma Eleale, nanahu musu na'aheni pela-ha'den-nala.

YEREMIA 35:19

Hundia de, Au, Manetualain Fo Manakoasa, fo Israel Manetualain-na, helu nae, neme Rekhab anan Yonadab tititi-nonosin mai-a neukose hapu mahele hataholi touk fo nalalau-naoono Au.”

YEREMIA 39:10

Neme laun nggelok nuu taak nanseli-a ma hata-heto taak-kala, ala la'o elas nai Yehuda de ala fes osi angol ma tina-osi.

YEREMIA 40:12

Hundia de, ala la'o ela mamanak-mamanak fo nai bee sila nanatao tapasasalak-ka, boema ala fali le'us lo Yehuda neu. Ala mai leo Gedalya mai nai Mizpa, de lakaduduluk-la angol ma ai boak makadotok lanseli.

YEREMIA 40:6

Au u lo Gedalya neu nai Mizpa, de au leo on nai laun-nala tala'da, fo nanala'o elak mani nusak Yehuda.

YEREMIA 43:5

Yohanan, ma basa soloda'dun sila-la loo la'iesak hataholi fo bei hapuk manai Yehuda boema basa hataholi manafali ma'ik neme nusak fe'ek fo mamanak ala tapa sasalak lo Masir neu.

YEREMIA 48:32

Neukose au kii ba'uk-ka neu laun Sibna ma Au kii ka'da fa neu laun Yaezer. Kota Sibma sama leo ai angol-la fo ndanan-na ala losa leo Tasi Mates-sa selik, doon-na losa Yaezer. Tehu besak ia boa hanan-nala ma boa angol-la nanatao nakalulutuk so.

MIKHA 7:1

Au soe! Au sama leo hataholi kamala'ak fo neu sanga ai boak nai ai fo fai naboan-na seli so. Ta hapu ai boak nai ai-la so'on. Ala seu basa angol boak ma kaa boa malole-la so.

LUKAS 21:36

Manea mahele ma hule-haladoi tataas esa leon, fo ela emi makatatakak mabe'i nai basa manda'dik fo neukose ala da'di, ma fo ela emi hapu masasale matak mabe'i mo Ana Hataholi ka.”

ULANGAN 1:38

Tehu, matetea-mahehele o manatulu-manafalim Yosua, fo Nun anan ndia, dalen-na. Te neukose, ndia nde nauli-nalanga Israel, fo ala loso-la nusak ndia.’

ULANGAN 16:13

“Emi fepa basa gandum-mala, ma emi ka'bi basa emi angol-la soona, emi muse tao Feta Lalaa Akidook-ka, faik hitu dalen-na.