YEREMIA 4:8 - Susula Malalaok Hehelu Palak Ma Hehelu Beuk

⁸ Hu ndia de, kii ma makaleleu leona, pake lafa lapik, da'di leo ta'du-tana dale he'dik. Nanahu Manetualain nasa-melun manalua pono-ponun-na, ana beita tenak neme Yehuda mai fa.

YEREMIA 4:8 ပူးပေါင်းရင်းမြစ်များ

MAZMUR 78:49

Ana po'ilotak nasa-melun fo, manalua ponu-ponun-na, nenik nadenu solda'du, ata nusa so'dak bubuak esa, fo ala tao lalas, ketu namahehenan-nala.

YESAYA 10:4

Emi ua-nalem, nde ka'da nanataonisak nai natee-natatik dale, ma nanafook da'di leo hataholi nanafook. Tehu Manetualain bei namanasa, de Ana huku nahele.

YESAYA 13:6

Kii-makaleleu leona, nana Manetualain fain-na deka so, fo nde Manetualain fe fai momopo-mamatek-ka.

YESAYA 22:12

Nai lelek ndia, Manetualain Fo Mademaina, ma Manakoasa, nadenu emi kii ma makaleleu, nggeuheni emi langam-mala, ma pake si'di lafa lapik.

YESAYA 32:11

Losa hatematak ia, emi so'dam-ma malole, ma ta hapu toto'a-tataak fa. Tehu besak ia, emi dele ngge'be-ngge'be no bibii-namata'uk-ka! O'duheni emi bua papakem-ma, fo pa'a si'di lafa lapik neu emi tala'dam-ma.

YESAYA 5:25

Manetualain namanasa leoinan-na. Naheheleaon basa, soaneu Ana hukus so. Neukose letek-kala langgengo; hataholi manamatek-kala popolan-nala besenggela-besenggali sama leo kadafuk-ka nai enok-kala lain. Tehu Manetualain bei namanasa, de neukose ka'da Ana huku.

YESAYA 9:12

Leoina Israel-la beita sale-dale boen, leomae Manetualain Fo Manakoasa, Ana hukus so; ala beita tukatei-saledale neun boen.

YESAYA 9:17

Leoina ndia, tatao-nono'i mangalaun-na nana'a, sama leo ha'i na'a nisa makatema dila-nggauk-ka. Ana pila sama leo ha'i na'a nula, fo ha'i masuk-ka masu-masu.

YEREMIA 25:34

Hai mauli-malangan-nala lemin, hai basa manafo Manetualain anan-nala lemin, ki-namatani mapane'e! Loli fali nai afu dale, nana fain-na losa emi nanado'dok, ma mananaladeak-ka neukose nanatao tapasasalak. Neukose emi sama leo ule dae kabelik-ka fo tu'da henin de ba'en.

YEREMIA 48:20

Soona neukose ala lata lae, ‘Moab nakalulutuk so dean-na tada'di neu hata esasoboen, hundia de kii-mamatani soaneun. Po'a benga nai besa le Arnon nanalun-na mae Moab nakalulutuk so.’ ”

YEREMIA 6:26

Manetualain nafa'da anan-nala nae, “Pake lafa lapik, fo lololi meu afu dale. Kii makaleleu no dale he'dik, sama leo hataholi-a, ana kii-makaleleu ana kisan-na mamaten-na, nana manatao namopo-namate emi-a, neukose ana sapu-na emi no kaiboik.”

RATAPAN 1:12

“Hai hataholi manala'ok tunga enok-ka lemin, mete leon ma taoafik! Ade fefepa-lili'uk baba'un-na sama no besak ia au doidosok-ka, fefepa-lili'uk fo Manetualain tunin neu au, nanahu nasa-melun manapila lo'a-lo'an ndia do?

YESKIAL 21:12

Hai hataholi daebafak fo, manasapu-manalalok-konei, kii-makaleleu, ma maloo bou-bou leona! Nana tafaina ndia, naheheleaon la'ban Au anang-ngala. Basa mauli-malangan Israel-la, sama-sama loo basa leoina lala'en-na, neukose nanapauk nenik tafaina ndia, losa mate-mopos, Soona toko emi fanam-mala, da'di leo ta'du-tana susa,

YESKIAL 30:2

“Hai hataholi daebafak fo, manasapu-manalalok-konei, mafa'da leoina Masir-ra, hata fo Au Manetualain Mademaina nafa'da neus. Maloo bou-bou, ma kii-makaleleu mae leo ia: Awii! Manetualain fain-na deka so! Neukose Ana naketu-nala'di no lai-laik. Faik ndia, makahatuk nasakoko'a, Lelek leoina-la, ala sipo sila huhukun-na.

YOEL 1:13

Hai basa imam fo nalalau-naoono nai mei tunu-hotuk-ka, pake lafa kalong, da'di neu ta'du-tana fafaluk, fo kii leona. Masok leo Manetualain Uman dale meu, fo kii-makaleleu le'odaek esa, nana ta hapu tunu-hotu angol ma gandum ba'eneu o Manetualaim fa.

AMOS 8:10

Neukose Au tao asafali emi fai malolem-mala da'di fai manafaluk, ma emi nakameem-mala, da'di kikii-makaleleuk. Neukose Au tao-a emi nggeu heni emi langadoom-ma ma pake si'di kalong, fo da'di neu ta'du-tana dale he'dik. Neukose emi da'di sama leo ina-amak fo ala kii makaleleu ana kisan-na, mamaten-na. Neukose faik ndia nate'e no dale he'dik nanseli.

MIKHA 1:16

Hai hataholi Yehuda-la lemin, nggute heni emi langadoom-ma, fo da'dileo ta'du-tana manafaluk, ba'eneu emi anam fo emi sue-laik-kala. Nggeu heni emi langadoom-ma losa dilak, sama leo manupui mana'a popolak-ka, nana neukose emi anam-mala, nanafook leo mamana tu'u-tapak neu.

BILANGAN 25:4

“Ho'u-ma la'iesak hataholi manada'di malangan neu leoina ndia, fo taomisas nai lea matan, fo da'di natutu'duk nae, Au paletang-nga nananakalala'ok, fo ela Au boso boe, amanasa leoina ndia bai.”