YEREMIA 4:7 - Susula Malalaok Hehelu Palak Ma Hehelu Beuk

⁷ Sama leo singa, ana kalua neme mamana keke'ken-na mai, leondiak boe, leoina fo manatao nakalulutuk-ka, ana la'o so ana mai, fo ana sanga tao namopo-namate Yehuda. Kota-kota manai Yehuda-la, neukose ala lakalulutuk da'di batu madodouk mamanak fo, hataholi ta leo fan.

YEREMIA 4:7 ပူးပေါင်းရင်းမြစ်များ

2RAJA-RAJA 24:1

Nai tepo-lelek fo Manek Yoyakim-ma paleta, Nebukadnezar, fo manek Babel-la, neu sapu-na Yehuda, de ana sengin. Yoyakim nakatele neu Nebukadnezar, teuk 3 dalen-na, tehu basa boema, ana ta tunga paletan-na so'on, de ana la'ban-nana.

2RAJA-RAJA 25:1

Basa boema Zedekia la'ban Nebukadnezar, fo manek Babel-la paletan-na. Hu ndia de, Nebukadnezar no basa solda'dun-nala lala'en-na ala mai, de sapu-la Yerusalem, nai hataholi Yahudi-la bula ka 12-na, fain 10, fo nai lelek Zedekia paleta neu teuk-ka 9-na. Ala ofu leme kota deak, de lapadedeik papala nanadamak, okofeo kota Yerusalem-ma,

YESAYA 1:7

Emi nusam-ma, nanatao namopo-namatek so; emi kotam-mala, nanahotu henik. Hataholi nusa dea-la, ho'i-la emi daem-ma, de ala tao lakalulutuk la'iesak-kasa nai emi matam.

YESAYA 5:9

Au amanene Manetualain Fo Manakoasa soo-supa nae, “Uma matuaina mana'ahiik ia-la, neukose basa-basas louk, nana hataholi ta leo nai dalek fa.

YESAYA 6:11

Boema au atane ae, “Manada'dik ia, ana da'di losa faihi'da Manetualain?” Boema nataa nae, “Losa kota-la da'di batu nananaunuk, fo ala da'di kota louk, hataholi ta leo uma-la so'on, ma dae-a da'di louk ma tokotik,

YEREMIA 2:15

Musu non-na, nangao soaneun sama leo singa, daen-na nanataok da'di dae tokotiik, ma louk, ha'i-a na'a heni kotan-nala, laun-na ta leon so'on.

YEREMIA 22:6

Ba'eneu Au soona, manek Yehuda mamana manen-na mana'ahiik nan seli, mana'an-na leo dae Gilead-ta ma letek-letek Libanon; tehu mamanak ndia Au taon sama leo mok solokaek fo ta hapu hataholi esa boen leon fa.

YEREMIA 22:7

Neukose Au haita hataholi soaneu tao nakalulutuk. Neukose ala leni taka, fo ala lo'o labu diin-na fo mana'ahiik sila-la fo nanataok neme ai kaiyou Libanon. Boema neukose ala tapas leo ha'i dale neu.

YEREMIA 25:38

Sama leo singa kalua neme bolon dale mai, leondiak boe Manetualain kalua soaneu Ana huku anan-nala. Natee-natatik-ka ha'i-ha'i no Manetualain nasa-melun tao nasafali nusak ia da'di mok solokaek.

YEREMIA 25:9

‘Neukose Au alo basa leoina manai neme ki mai-a, ma Au atang Nebukadnezar fo manek Babel-la boe. Neukose Au fe sila soaneu latee-latati la'ban Yehuda no laun-nala, ma basa leoina manai boboa-kaisun-nala. Leiona Yehuda no leoina titia-tatain-nala neukose Au tao akatoto'a-akatatak-kasa ma Au po'ilotak-kasa lakalulutuk soaneu losa dodoon-na. Hataholi fo manamitas-sala neukose ala nggenge-la ma lame'da bibi-namata'uk. Au, Manetualain nde manakokolak-ka.

YEREMIA 26:9

O mapalani manseli mafa'da nenik Manetualain na'den-na mae, neukose umania da'di sama leo Silo, ma mafa'da mae neukose kota ia nanatao nakalulutuk, ma ana da'di mamanak fo ta leo-napalasan.” Tutika hataholi ba'u lakamomotu-la au.

YEREMIA 27:8

Leoina do dedeo-la fo ala ta nau lakaluku-lakatele neu Nebukadnezar fa soona, neukose Au hukus nenik natee-natatik, la'a-ndoes, ma he'di-laus matuaina, losa makabuin-na leoina ndia nakaluluku-nakatele neun.

YEREMIA 33:10

Manetualain nafa'da nae, “Hataholi-la lafa'da lae, mamanak ia sama lao mook-solokaek-ka, de ta hapu hataholi do bana-manu leo lai ndia fa. Sila hala-kokolan-nala memak tete'ek-ka, nana Yehuda kotan-nala ma eno-enok manai Yerusalem louk-kala beno'u so; ta hapu bana-manu do hataholi leo lai ndia fa.

YEREMIA 34:22

Neukose Au fes paleta fo ela ala fali ma'is lo kota ia mai, fo ala sapu-lan, ma latona-la, ma ala hotu heni Yehuda kotan-nala neukose Au ao an sama leo mook solokaek-ka fo ta hapu hataholi leo fan. Au, Manetualain, nde manakokolak-ka.”

YEREMIA 4:29

Solda'du manasa'e ndala-la, ma manakouk-kala nakoten-nala, nananamanenek, de taon-na, hataholi-a esa-esak nalai, de bafan ka'u-ka'u. Ala masok leo nula-la dalek leu, ma ala kae pupuku batu-la. Basa kota-la, ala da'di nee-nee lino-linok, hataholi ta nau leo nai ndia so'on.

YEREMIA 44:2

Manetualain Fo Manakoasa, fo Israel Manetualain-na hala-haituan-na nde ia neu sila, “Emi sakasii matam susa-soe fo Au tuni-ndeni neu Yerusalem ma basa kota fe'ek manai Yehuda. De losa besak ia boe kota-kota sila bei nai nakalulutuk-ka dalek de ta hapu hataholi leo fan.

YEREMIA 46:18

Au, Manetualain Fo Maso'dak, Au Manek, Manetualain Fo Manakoasa. Sama leo letek Tabor-ra poin-na to'de nai letek-kala tala'da ma sama leo letek Karmel-la poin-na to'de nai tasi-a bafan-na, ndia fo manasapun-na o-a be'i-balakaim leondiak.

YEREMIA 49:19

Sama leo meoasu to'da neme lasi dale deka no Lee Yarden ma ana neu leo mook fo bi'i lopo-la mamana nana'an-nala, neukose au mai sama leondiak fo hataholi Edom-mala lalai la'o ela nusan no kaiboik anak. Boema neukose au hele hataholi malanga esa fo ana nalanga nusak ndia. Hapu see fo nakasasamak no au? See napalani tao dede'ak neu au? Ade hapu malangan esa fo ana bisa lena-la'ban au?

YEREMIA 5:6

Hu ndia de, neukose singa neme nula dale mai, fo taonisas, ma busa fuik-ka neme moo solokaek-ka mai, fo sii-sii lulu'is. Neukose meoasu-la lapanggela, fo ala sanga nana'an-na, nai deka no sila kotan-nala, fo ba'eneu hataholi see, fo ana kalua soona, neukose ala kaa-nan. Basa sila-la ala da'di, nanahu ala tao sala-singok makadotok so, ma lasadea Manetualain la'inono'ik.

YEREMIA 50:17

Manetualain nafa'da nae, “Hataholi Israel-la sama leo bi'i lopo nanausik-kala ma nanabibinga-baba'ek neme meoasu-a mai. Makahulun-na manek Asyur de sapu-na sila, boema Nebukadnezar manek Babel-la napangge na sila duin-nala.

YEREMIA 50:44

Sama leo meo asu to'da neme lasi ina dale fo deka no Lee Yarden, ma ana mai leo mook fo bi'i lopo-la mamana nana'a na'u-nala, neukose Au leondiak, Manetualain mai fo ana tao-na hataholi Babel-la lalai la'o ela sila kota no kaiboianak. Boema neukose Au hele malangan esa fo ana paleta leoina ndia. Hapu se fo nananakasasamak no Au? See napalani tao dede'ak neu Au? Ade hapu malangan esa fo la'ban Au?

YEREMIA 8:16

Musu-a, nai kota Dan-na so; ndalan-nala lakadii, de tamanenen so, de basa nusak-ka lala'en-na, bii-lamata'u. Musu-a ana mai, fo tao nakalulutuk la'iesak ita nusan-na, boeo ita kotan-na, no basa laun-na.”

YEREMIA 9:11

Manetualain nafa'da nae, “Neukose Au tao Yerusalem da'di ai-batu madodouk, fo ana da'di, busa fuik-kala mamana keke'ken. Kota-kota Yehuda-la, neukose ala da'di nee-nee lino-linok, mamanak fo, hataholi ta leon so'on.”

YESKIAL 12:20

Kota-kota fo, besak ia henuk no laun-na, neukose nanatao nakalulutuk, ma tina-osin-nala, neukose ala da'di moo solokaek. Soona besak-ka ala bubuluk, lae Au nde Manetualain-na.”

YESKIAL 21:31

Neukose, Au kaluaheni Au nasa-melung fo, manalua ponu-ponung-nga neu emi. Neukose, Au fe emi leo hataholi fo, dale susue-lalai tak-kala neu, fo ala tao lamate-lamopo emi.

YESKIAL 32:2

“Hai hataholi daebafak fo, manasapu-manalalok-konei, fe nasanene'da mahelek neu Mane Masir-ra. Fo manduku-malosak Au hala hehelung-nga nde ia neun mae, ‘O heo-haam sama leo singa molisoluk-ka nai leoina-la tala'da, tehu o lupam-ma sama leo beis-sa naso'da nai oe dale. O tao kelupua basa lee lala'en-na oen-na nenik o eim-ma.

DANIAL 5:19

No matua-mademan ndia, nalosa hataholi-la leme basa leoina, leo ma basa dede'ak lala'en-na dele ma ala biin. Metema nahiik taonisa hataholi, soona, ka'da ana taonisa hataholi ndia. Metema ana nau fe so'dak neu hataholi esa soona, ana fe so'dak neu hataholi ndia. Ana so'u namadema do nakadadaek su'di see tunga hihii-nanaun.

DANIAL 7:4

Bana makasososak-ka, lupan-na sama leo singa, tehu nanuu manupui garuda li'dan-na Lelek au anganalon boema, no kaiboik li'dan-na nanafe'ahenik de natapo'i; nanandoo eik neme dae lain mai, de napadeik natetu nai eik 2 lain, sama leo hataholi-a.

IMAMAT 26:31

Au tao akalulutuk emi kotam-mala, fo da'di ai-batu madodouk, Au tao akalulutuk emi mamana sosongo-tatangom, ma Au ta sipok emi tutunu-hohotum-mala fa.

IMAMAT 26:33

Neukose, Au fe natee-natatik-ka, da'di nai emi nusam-ma, fo ana tao tapasasala emi, nai nusa dea-la. Neukose, emi tinam-mala, ma emi kotam-mala nanapo'ilotak, fo ala da'di ai-batu madodouk.