YEREMIA 4:6 - Susula Malalaok Hehelu Palak Ma Hehelu Beuk

⁶ Matu'du enok leo Sion, fo Manetualain Pupukun-na neu, la-lai, malai la'oela nusak-ka, boso ka'da pe'daaom. Manetualain fe soe-a mai ma nakalulutuk matuaina neme kii mai.

YEREMIA 4:6 ပူးပေါင်းရင်းမြစ်များ

YESAYA 62:10

Laun Yerusalem-ma, ala kalua tunga lelesuina, fo sadia enok, ba'eneu hataholi manafalik-kala. Tao okofoo, fo soliheni batun-nala, falak dedeo-la leu, soaneu leoinak-kala.

YEREMIA 10:22

Mamanene dei! Hapu tutuik lae leoina esa nai kii ana sanga tao nale'a-napilik. Neukose soloda'dun-nala tao-la Yehuda kotan-nala da'di nenee lino-linok ma ta hapu manaleo-mapalasa fa. Neukose busa fuik-kala lafuni lai na.”

YEREMIA 18:11

Manetualain nafa'da neu au nae, “Besak ia mafa'da meu hataholi Yehuda-la ma Yerusalem laun-nala mae, Au sanga tao dudu'a-dodok soaneu la'ban sila, ma sadia huhukuk soaneu sila. Madenus fo ala hahae sila so'da-molen fo masala-masingok ndia, boema tao lahii sila ha'da-paliin ma tatao-nono'in-nala.

YEREMIA 21:7

O mo basa o mana'anggadi-la ma basa hataholi-hataholi fo lala deak neme natee-natatik-ka, la'a-ndoes-sa, ma he'di-laus matuaina, basa basas neukose au po'ilotak-kasa nanaho'u-nak neme manek Nebukadnezar-ra ma neme musu mok fo ala nau tao lisa emi-a. Neukose Nebukadnezar tao nisa emi basa no ta pake do'o do ampong fa, ma ta pake susue-lalaik fa. Au, Manetualain, nde manakokolak.”

YEREMIA 22:7

Neukose Au haita hataholi soaneu tao nakalulutuk. Neukose ala leni taka, fo ala lo'o labu diin-na fo mana'ahiik sila-la fo nanataok neme ai kaiyou Libanon. Boema neukose ala tapas leo ha'i dale neu.

YEREMIA 25:9

‘Neukose Au alo basa leoina manai neme ki mai-a, ma Au atang Nebukadnezar fo manek Babel-la boe. Neukose Au fe sila soaneu latee-latati la'ban Yehuda no laun-nala, ma basa leoina manai boboa-kaisun-nala. Leiona Yehuda no leoina titia-tatain-nala neukose Au tao akatoto'a-akatatak-kasa ma Au po'ilotak-kasa lakalulutuk soaneu losa dodoon-na. Hataholi fo manamitas-sala neukose ala nggenge-la ma lame'da bibi-namata'uk. Au, Manetualain nde manakokolak-ka.

YEREMIA 4:21

Au muse sakasii hataholi-a natee-natati neni mamate-momopon, losa faihi'da? Au muse amanene pupuuk-ka lii matanen-na losa faihi'da?

YEREMIA 50:2

“Tao ta'du-tana ma mafa'da basa nggileom-mala mae Babel tu'da so! Boso mafuni dede'ak ndia! Merodakh sila lamatuan-na nakalulutuk so, ma tao naba'e dodoki-dudulak hohongek-kala, no basa sosongok-tatangok nananakadadaek-ka.

YEREMIA 50:22

Hala musu nanggulu nai nusak ia ma ana da'di nakalulutuk.

YEREMIA 51:12

Tao ta'du-tana neu papala-nanadamak Babel. Manea mahele. Pe'da manamanea. Nahani hohouk.!” Manetualain tao basa hata fo Ana sanga tao neu hataholi Babel.

YEREMIA 51:27

“Hei Manek Kii! Tao ta'du tana sapu-nak. Fuu ma lii trompet fo basa leoinak-kala lamanene! Madenu leoinak-kala fo leu sapu-la Babel! Mafa'da nusa Ararat, Mini ma Askenas sapu-las. So'u ma malangan soloda'du esa fo nalanga nate-natatik-ka. Fe ndala-la de'u lamak-kala lakabubua.

YEREMIA 51:54

Kokolak nae, “Mamanene! Hataholi-la doi doso ma ala ki nai Babel hu ka nde makalulutuk-ka da'di nai nusak ndia.

YEREMIA 6:1

Hai hataholi Benyamin-nala lemin! Meu leo mamana fe'ek meu. La'oela Yerusalem leona! Puu pupuuk-ka nai Tekoa, ma tao mapila ha'i ta'du-tana nai Bet-Kerem! Soe matuaina, ana mai neme kii mai.

YEREMIA 6:22

Manetualain nafa'da nae, “Leoina esa, ana mai neme nusa dook, fo nai kii. Ala mai fo latee-latati.

YESKIAL 9:1

Basa boema, au amanene Manetualain naloo bou-bou nae, “Mai leo ia mai leona, hai hataholi-hataholi fo, neukose lakalala'ok Au huhukung-nga neu kota ia. Ho'i meni emi tafa-sisilom.”

YESKIAL 9:2

Tutik-ka, hataholi nee, ala to'da liik esa leme deak mai, fo leme Manetualain Uman-na, lelesuinan Kii mai; basa-basas leni tafa-sisilo. Ala mai sama-sama loo hataholi esa, ana pake tema abalutu, neni buku enge. Leu leo dalek leu, de lapadeik deka loo mei tutunu-hohotu liti-a.

ZEFANYA 1:10

Manetualain, nafa'da nae, “Leo ndia, nai faik ndia; neukose kii-kiik-ka nananamanenek nai Lelesuina I'ak-ka. Hala makaleleuk-kala, neukose nananamanenek neme nggolo beuk-kala mai, ma manandefa matuaina-la nggun-na, neukose nanggu neme pupukuk-kala mai.

ZAKHARIA 6:6

Ndala nggeok-ka hela kaleta natee-natatik-ka, neu leo Babel boboan kii neu. Ndala fulak-ka, neu leo muli neu, ma ndala keke'ak-ka, neu leo nusak manai kona neu.”