YEREMIA 4:5 - Susula Malalaok Hehelu Palak Ma Hehelu Beuk

⁵ Puu pupuuk-ka leona, nai basa nusak-ka lala'en-na! Maloo bou-bou no mangale'dok, ma mapane'e. Madenu laun Yehuda, ma laun Yerusalem-mala, fo lalai leo kota-kota fo, makota musuk-kala leu.

YEREMIA 4:5 ပူးပေါင်းရင်းမြစ်များ

YESAYA 28:19

Neukose soe-a, tuni-ndeni emi tataas esa, de emi muse lu'a-lepan tunga faik, fafaik, le'dohanak ma le'odaek. Metema emi malelak Manetualain hala hehelun-na soona, neukose emi bii-namata'u.

YEREMIA 11:2

“Taoafik neu hehelu-hoholok fo Au taon neu Au anang-ngala eno-dalan. Mafa'da neu hataholi Yehuda-la ma Yerusalem laun-nala mae

YEREMIA 35:11

Tehu nai lelek manek Nebukadnezar sapun-na nusak ia boema, ami maketu mae, ami mulai neme Babel no Siria soloda'dun-nala, de ami malai lo Yerusalem neu. Hundia de besak ia ami leo nai ia.”

YEREMIA 5:20

Manetualain nadenu au, anduku-alosak hala hehelun ia, neu Yakob tititi-nonosin fo manaleo nai Yehuda, nae

YEREMIA 6:1

Hai hataholi Benyamin-nala lemin! Meu leo mamana fe'ek meu. La'oela Yerusalem leona! Puu pupuuk-ka nai Tekoa, ma tao mapila ha'i ta'du-tana nai Bet-Kerem! Soe matuaina, ana mai neme kii mai.

YEREMIA 8:14

Manetualain anan-nala bekola lae, “Tao le'e de, ita ta tao hata-hata fa? Mai fo, basa-basa tala, talai leo nusa fe'ek, fo kotan-nala makota musuk, nemen-na ata mate nai naa. Ita Amam Manetualain naketu basa, nae muse mopo-mate ita. Ana fe basa ita laso, fo ita tinu, nana ita tasala-tasingo neun.

YEREMIA 9:12

Boema au atane ae, “Manetualain, tao le'e de, po'ilotak nusak ia, ana da'di nusa tokotiik ma tuuk, sama leo moo solokaek-ka, nalosa ta hapu hataholi la'ok tunga ndia fa? Ade hapu hataholi malelan-na dai, soaneu nalelak basa ia-la do? Au afa'da mangalele'don neu see, fo ela ana hapu nakalala'ok-kana leo hataholi fe'ek neu?”

YESKIAL 7:14

Pupuuk-ka nalii, fo basa hataholi-la laheheleao. Tehu ta hapu hataholi esa boen, neu leo natee-natatik dale neu, nana Manetualain nasa-melun, la'e basa hataholi lala'en-na.

HOSEA 8:1

Manetualain nafa'da nae, “puu pupuuk-ka, te soe-a mai! Musu sapun-na Au nusang-ngala, sama leo manupui balupua la'u manuana! Au anang-ngala, la'olena Au hehelu-balataang no sila, ma ala la'ban Au nanoling-ngala.

YOEL 2:1

Puu pupuuk-ka, ma fepa malii besi ta'du-tana soe-a nai pupuku Sion fo malalao-malalafuk fo Manetualain mamana leleon-na. Dele bengge'be leon, hai laun Yehuda-la lemin! Nana Manetualain, Fain-na deka, de ana losa lai-lai.

AMOS 3:6

Metema hataholi manai kota dale-la, lamanene pupuu musu liin-na soona, ala dele ngge'be-ngge'be do ta? Metema Manetualain ta haitua susa-soe leo kota esa neu fa soona, kota ndia hapu susa-soe do ta?

AMOS 3:8

Metema singa nangao soona, see kande ta bii fa? Metema Manetualain Fo Mademaina, kokolak soona, see kande bisa denge-denge fo ta tui-benga hala hehelun-na fa?

BILANGAN 10:2

“Tao-ma pupuuk dua neme lilofulak nanatutuk-ka mai, fo maloo laun-na lakabubua, do soaneu madenus fo ala la'o.

BILANGAN 10:3

Metema puu la'iesak duas, fo liin-nala dook-ka besak-ka nate'e soona, sosoan-na nae, hataholi-la lala'en-na muse lakabubua nai o boboa-kaisum, nai Au Lalaa Temang-nga lelesu bafan-na.

YOSUA 10:20

Yosua ma hataholi Israel-la, taolisa hataholi Amori sila, tehu bei hapu nggelok lalai, fo leu sanga nasulu-nahapak nai sila kotan-na, nalosa ala ta taolisa fas.