YEREMIA 4:29 - Susula Malalaok Hehelu Palak Ma Hehelu Beuk

²⁹ Solda'du manasa'e ndala-la, ma manakouk-kala nakoten-nala, nananamanenek, de taon-na, hataholi-a esa-esak nalai, de bafan ka'u-ka'u. Ala masok leo nula-la dalek leu, ma ala kae pupuku batu-la. Basa kota-la, ala da'di nee-nee lino-linok, hataholi ta nau leo nai ndia so'on.

YEREMIA 4:29 ပူးပေါင်းရင်းမြစ်များ

2TAWARIKH 33:11

Hu ndia de Manetualain nadenu basa Asyur malanga solda'du matuaina-nala fo leu sapu-la Yehuda. Ala ho'u-la Manasye nenik ai kakaik, boema ala langen, de ala foo lenin leo Babel neu.

YESAYA 30:17

Metema musu-a hataholin esa, ana fe nasanene'da mahelek soona, neukose hataholi lifun esa lalai, ma metema hataholi lima fe nasanene'da mahelek soona, neukose emi basa-basam-mala malai. Neme emi solda'dum-mala mai, ela ka'da dii dedeo esa nai pupukuk lain.

YESAYA 6:12

Neukose, Au usi heni kota sila laun-nala leo mamana dook neu, nalosa basa dae lala'en-na, ala da'di dae nee-nee lino-linok.

YEREMIA 16:16

Manetualain nafa'da nae, “Au sanga alo manadolu-dala ba'uk-ka soaneu ala ho'u-la hataholi-hataholi ia la. Basa soona neukose Au aloo-a manasopu-danga ba'uk-ka soaneu ala sapu-la sila nai basa letek-kala ma pupukuk-kala ma nai basa lea-luak-kala nai batu piak-kala.

YEREMIA 4:7

Sama leo singa, ana kalua neme mamana keke'ken-na mai, leondiak boe, leoina fo manatao nakalulutuk-ka, ana la'o so ana mai, fo ana sanga tao namopo-namate Yehuda. Kota-kota manai Yehuda-la, neukose ala lakalulutuk da'di batu madodouk mamanak fo, hataholi ta leo fan.

YEREMIA 52:7

Papala-nanadamak-kala musu-la tao lalutun. Leomae le'odae ndia hataholi Babel-la okofefeo-la kota ndia, soloda'du Yehuda-la lalai leo Dokek Yarden. Ala la'ok tunga osi manek-ka matan-na, boema ala kalua tunga lelesu ina fo mananakatututik neme papala-nanadamak kaduak sila.

YEREMIA 6:23

Tafa-sisilon-nala nde kokouk ma tee; hataholi sila manalaun-na seli, ma ta lalelak do'o do ampon fa. Sama leo lii mapoponuk-ka ngguun-na, leondia boe, sila ndalan-nala ei ndu'un-na, nai lelek fo leu sapu-la Yerusalem-ma.”

AMOS 9:1

Au ita Manetualain napadeik deka no mei tunu-hotuk-ka. Ana fe paleta nde ia, “Fepa mapane'e basa dii lupek manai Au Uma nga, fo ela basa uma laten-na lala'en-na nanggengo. Soli matu'u dii sila-la leo hataholi-la langan lain neu. Ta mate see fa soona, neukose Au taoisan nai natee-natatik dale. Hataholi esa boen, ta hapu nalai fa, ma neukose ta hapu hataholi esa boen naladeak fa.

LUKAS 23:30

Nai lelek ndia nde neukose hataholi a nafa'da lete kala nae, ‘Mapaluni ma ami leona!’ Ma neu pupuku kala lae, ‘Mapaluni mala ami leona!’

SEMUEL SUSULAK-KA ESAN-NA 13:6

Basa boema, ala sapu-la hataholi Israel-la, nalosa lakahapi-la hataholi Israel-la. Hataholi Israel bubuak esa ke'ke nai leak-kala dalek, ma bolo-bolok manai letek-kala, do nai batu piak-kala lelan-nala, do nai oedolu-la dalek ma bolo dae-la dalek,