YEREMIA 4:28 - Susula Malalaok Hehelu Palak Ma Hehelu Beuk

²⁸ Neukose daebafak-ka teisusa dale he'dik, lalai-a makahatu kiu-kiun-na. Manetualain kokolak basa de neukose, ta nasafali dale tutu'un-na fa. Ana ho'i basa nakeketuk so, de neukose, ta nakadedeak nggani eik esa boen.

YEREMIA 4:28 ပူးပေါင်းရင်းမြစ်များ

YESAYA 24:4

Daebafak-ka, ana da'di tuuk, ma ana male, basa daebafak-ka lala'en-na ta napena fa. Lalai ma daebafak-ka, sama-sama ta lapena fa.

YESAYA 34:4

Le'do-a, bulak-ka, ma nduuk-kala, neukose lakalulutuk. Neukose nduuk-kala tu'da, sama leo akidook-kala tu'da bepoko leme ai lain mai.

YESAYA 5:30

Nai faik ndia, nai Israel-lala'en-na, lamanene nasanggati natee-natatik-ka kao-kao, sama leo lii tasi-a. Mitak, nusak ndia lala'en-na makahatuk fo neni makase'ek-ka. Mangale'dok-ka da'di makahatu kiu-kiuk.

YESAYA 50:3

Au tao-a lalai-a, da'di nggeo makahatuk, Au babaa ketun, nenik tema susa.”

YEREMIA 12:11

Memak tete'ek-ka Au ita ala tao Au nusang-nga da'di mamanak nes nan seli. Basa-basan lala'en-na lalengulanga pikok, te ta hapu manatao falik fa.

YEREMIA 12:4

Nusak ia tuk losa fai hi'da, ma na'un-nala male nai basa tina-la lala'en-na? Manupui-la ma bana-manu fe'ek-ka mates nanahu ami leoinam-mala tatao-nono'i mangalaun-nala. Sila lafa'da lae, neukose Au ta ita sila ua-nalen-na so'on.”

YEREMIA 14:2

“Yehuda dale he'dis kota-kota-nala hihi maten. Hataholim-mala langape'uk nai dae-a ma lasasaledale. Yerusalem lakadi beau loke tutulu-fafalik

YEREMIA 23:10

Ita nusa-namon-na henuk no hataholi fo ta manalilineka neu Manetualain fa. Sila so'dan-na mangalauk, ma ala tao sala sila ha'da palin-na. Nanahu Manetualain supa-soo de, na'u manai mook-ka ana da'di tuk, ma basa nusak lala'en-na kii-lamatani.

YEREMIA 23:20

Nasa-melun neukose ta naloe fa, metema Ana dudu'a-aafi nakala basa-basas beita da'di fa. Nai fai makabuin-na neukose Manetualain anan-nala bubuluk dede'ak ndia no mangale'dok.”

YEREMIA 51:12

Tao ta'du-tana neu papala-nanadamak Babel. Manea mahele. Pe'da manamanea. Nahani hohouk.!” Manetualain tao basa hata fo Ana sanga tao neu hataholi Babel.

YEREMIA 7:16

Manetualain nafa'da nae, “Yeremia, boso hule-haladoi fe hataholi ia-la. Boso moke tutulu-fafalik, do hule-haladoi soaneus; boso makaseti Au, nana Au ta nau amanene dokodoek ndia fa.

RATAPAN 2:17

Manetualain nakalala'ok basa Ana fe nasanene'dak fo makahulun-na Ana tutu'un ma Ana fe nasanene'dak neu ita so. Ana tao nakalulutuk ita ta no dale kasian fa, Ana fe musu-a sesengik. Ana tao-nalas lamahoko-setelee, lita ita tutu'dan-na.

YESKIAL 24:14

Au, Manetualain Fo Mademaina, kokolak basa so. Fain-na losa so, ba'eneu Au mulai tao hata esa. Neukose, Au ta afandele heni o sala-singom fa, ma Au ta fe do'o do ampon neu o, do Au sue-lai o fa. Neukose o nanahukuk, nandaa no o tatao-nono'im lala'en-na. Au Manetualain Fo Mademaina, nde manakokolak-ka.”

HOSEA 13:14

Neukose, Au ta soi-tefa leoina ia, neme hataholi manamatek-kala daebafan-na mai fa. Hai mamates, nggali o he'di-laum mai leona! Makalala'ok o tatao-nono'im fo maneni nakalulutuk ndia leona! Nana, Au ta sue-lai leoina ia so'on.

HOSEA 4:3

Hu ndia de, nusak ia neukose ana da'di dae ma'dak, ma neukose, mate la'iesak basa hata fo laso'da lai ndia. Neukose mopo-mate la'iesak bana-manu mata-matak manai lalai, dae ma'dak-ka, ma manai tasi dale-la.”

YOEL 1:10

Tina-la belutu so. Dae-a falu, nana mate basa gandum lala'en-na, angol-la boan-na lamatuu, ma basa mina setun-nala.

ZAKHARIA 8:14

Manetualain Fo Manakoasa nafa'da nae, “Lelek emi bei-ba'i kaim-mala tao-la Au amanasa, boema Au ho'i nakeketuk fo hukus no balakaik. Au ta hela falik Au nakeketung ndia fa, te Au akalala'o kana.

BILANGAN 23:19

Manetualain ta sama leo hataholi daebafak-ka fa, fo mu'dak la'iesak-kana, nasasale dale, ma Ana hii nasapepeko-nasandandali. Metema, Manetualain helu soona, tao leo bee-o, Ana tao natetun! Metema Ana kokolak soona, tao leo bee-o, neukose ana da'di!

MATEOS 27:45

Le'dohana boema makahatu ka poti na basa nusak ndia, dodoo na li'u telu.

MARKUS 15:33

Le'dohana boema, makahatu ka poti na nusak ndia lala'ena, dodoo na li'u telu.

LUKAS 23:44

Fafa'kama li'u sanahulu dua le'dohana na, boema le'do ta nasalaa so'ok, de basa nusak ndia lala'ena makahatuk nanseli losa li'u telu le'donoso na.

EFESUS 1:11

Manetualain tao basa hata lala'ena tunga hihii-nanaun, ma nakeketu mesa na. Neme makasososan mai a, Ana hele basa ita so, nana Ana nau ita da'di Ndia hataholi kamahehelen, hu ka nde ita da'di esa to Kristus so.

EFESUS 1:9

Tunga Manetualain hihii-nanau mesa na de, nafa'da dale tutu'u nafuni na neu ita; naketu basa nae, neukose Ana tao nakababasak dale tutu'u nafufunin ndia, tunga Kristus.

IBRANI 7:21

Tehu Yesus nanaso'uk da'di imam, pake soo-supak, nai lelek fo Manetualain nafa'da neun nae, “Au soo-supa basa so, de neukose Au ta asafali Au nakeketu nga fa, ‘O nde bee na imam losa dodoo na.’ ”

NINITAK 6:12

Boema au ita Bi'ilopo Ana ndia siiba'e segel kane. Dae maggengo matuaina ana da'di. Le'do da'di nggeok sama leo tema nggeo abasela, ma bula ka da'di pilas sama leo daa ka.

SEMUEL SUSULAK-KA ESAN-NA 15:29

Israel Manetualain Fo Mandela-masa'ak-ka, Ana ta nau nasapepeko-nasandandali fa, ma Ana ta nau nggati seluk nakeketun-na boen, nanahu hataholi daebafak ta Ndia fa.”