YEREMIA 4:27 - Susula Malalaok Hehelu Palak Ma Hehelu Beuk

²⁷ Manetualain nafa'da, nae neukose daebafak-ka lala'en-na, ana da'di moo solokaek, tehu neukose, Ana ta tao namopo-namaten makandondook fa.)

YEREMIA 4:27 ပူးပေါင်းရင်းမြစ်များ

2TAWARIKH 36:21

Leondiak hata fo Manetualain nafa'dan tunga Yeremia, ana da'di nae neukose nusak ndia ana da'di dae tokotiik teuk hituhulu dalen-na da'di leo ngganggatik neu teu-teuk Sabat fo ala ta taoafik-kana fa.

NEHEMIA 9:31

Tehu, hu kande O susue-lalai matuainam-ma, de O ta la'o ela do tao makalulutuk-kasa fa. Memak, O nde Manetualain fo nakasasaman ta; O susue-lalaim ba'un-na seli, henuk no dale kasian!

YESAYA 17:6

Sama leo ai setun-na, boan-na nanaseu basak, de ela ka'da boak de'ubee lai ndana pe'dan-nala, leondiak boe, nai Israel, neukose hataholi maso'dak ka'da lumanak. Au, Amak fo Israel Manetualain-na, nde manakokolak-ka.”

YESAYA 24:1

Neukose Manetualain tao nakalulutuk daebafak-ka, nalosa ana da'di dae tuuk ma nee-nee lino-linok. Neukose nasafali poin-na, ma Ana tao tapasasala laun-na.

YEREMIA 18:16

Nusak ia ala taon da'dik mamanak fo mangalau ina nan seli, ma ana da'di dede'a muu-dauk losa do doon-na. Basa mana la'ok tunga ndia neukose lakakale langa nau lame'da mangalauk-ka.

YEREMIA 25:11

Basa nusak ia lala'en-na neukose Au po'ilotak-kana nakalulutuk ma ana da'di nenee-lino-linok. Leoina manai boboa-kaisun-nala neukose ala sene-do'ok neu manek Babel teuk hituhulu dodoon-na.

YEREMIA 30:11

Neukose Au mai, fo neukose Au soi-po'i emi. Leoina-leoina, fo mamanak Au tao tapasasala emik-ka, basas neukose Au tao amopo-amates, tehu Au ta tao emi tao leondiak fa. Tete'ek-ka neukose emi ta maladeak neme huhukuk-ka mai fa, tehu Au huhukung neu emi-a nde been-na ndos matetuk, ma nanda no nakeketun-na. Au, Manetualain, nde manakokolak-ka.”

YEREMIA 4:20

Soe-a, ana mai la'inono'ik de ana tao nakalulutuk nusak-ka lala'en-na. No kaiboik, au lalaa temang-nga nanatao nalutuk, teman-nala nanasisii nakalulutuk.

YEREMIA 4:7

Sama leo singa, ana kalua neme mamana keke'ken-na mai, leondiak boe, leoina fo manatao nakalulutuk-ka, ana la'o so ana mai, fo ana sanga tao namopo-namate Yehuda. Kota-kota manai Yehuda-la, neukose ala lakalulutuk da'di batu madodouk mamanak fo, hataholi ta leo fan.

YEREMIA 44:6

Hundia de, Au po'a Au nasa-melung neu Yehuda kotan-nala, ma eno-enok manai Yerusalem. Au hotuheni la'iesak-kasa de nalosa da'di ai-batu madodouk, ma tokotik sama leo hata fo mana mitak besak ia.

YEREMIA 46:28

Da'di boso bii-mamata'u, hai Au anang-ngala lemin: neukose Au mai soaneu soi po'i emi. Mamanak fo Au tao tapasasala emi nai leoina-la, neukose Au tao amate-amopo la'i esak-kasa, tehu Au ta tao emi tao leondiak fa. Memak emi ta maladeak neme huku-doki-ka mai fa, tehu Au huhuku-dodoking neu emi-a ndebeen-na ndos ma matetuk nanda no makeketun-na.” Au Manetualain nde manakokolak-ka.

YEREMIA 5:10

Neukose Au adenu musu-a neu, fo ana tao nalutu sila osi angol-la, tehu ana ta tao nakalulutuk-kana fa. Neukose, Au adenu musu ndia, fo ana ta'ti heni sila ai angol-la ndanan-nala, nana ndanak sila-la, Au nuung ta sila fa.

YEREMIA 5:18

Manetualain nafa'da nae, “Leomae leondiak boe, nai lelek ndia boe, neukose Au ta tao amopo-amate Au anang-ngala fa.

YEREMIA 7:34

Neukose nusak ia, ana da'di moo tokotiik. Neukose Au tao amopo hala namahoko-seteleek, ma halak manai feta ka'bing-nga, nai kota-kota Yehuda, ma nai eno-enok manai Yerusalem-mala.

YEREMIA 9:11

Manetualain nafa'da nae, “Neukose Au tao Yerusalem da'di ai-batu madodouk, fo ana da'di, busa fuik-kala mamana keke'ken. Kota-kota Yehuda-la, neukose ala da'di nee-nee lino-linok, mamanak fo, hataholi ta leon so'on.”

RATAPAN 2:7

Manetualain ta sipok mei tunu-hotun fo malalao-malalafuk-ka fa, Ana la'oela Uman-na; Ana po'ilotak musu-a tao natu'u papala nanadaman-nala. Nai mamanak fo makahulun-na ita sene-do'ok ma tao feta, musu-a eki nanahu lamahoko-setelee.

YESKIAL 11:13

Au bei kokolak dede'ak sila-la te, no kaiboik, Pelaca tu'u neu, de maten. Boema au senek, de au aloo bou-bou ae, “Awi, Manetualain Fo Mademaina! Ade, O sanga taomisa la'iesak hataholi Israel fo, bei elak ia-la lala'en-na do?”

YESKIAL 20:17

Tehu basa boema, Au daleng-nga tu'da kasian neus, nalosa Au ta da'di taoisa fas, leme moo solokaek-ka fa.

YESKIAL 33:28

Neukose Au tao nusak ndia, da'di moo solokaek fo, nee-nee lino-lino, boema neukose mopok sila koao-ndaeaon, hu kande sila be'i-balakain-na. Basa letek manai Israel-la, neukose nee-nee lino-lino, nalosa hataholi ta napalani la'ok tunga ndia fa.

YESKIAL 6:14

Hei, neukose Au so'uk au limang-nga, fo Au tao akalulutuk sila nusan-na, mulai neme Mook Solokaek Kona, losa kota Ribla nai kii. Nai hataholi Israel-la mamana leleon-nala, neukose ta hapu hataholi maso'dak esa boen. Soona besak-ka basa hataholi-la, ala bubuluk lae Au nde Manetualain-na.”

IMAMAT 26:31

Au tao akalulutuk emi kotam-mala, fo da'di ai-batu madodouk, Au tao akalulutuk emi mamana sosongo-tatangom, ma Au ta sipok emi tutunu-hohotum-mala fa.

IMAMAT 26:44

Tehu, leomae sila bei lai musu nusan-na boeo, neukose Au ta la'oela fas, do Au tao amopo-amates makandondook fa. Nana metema Au tao amopo-amates soona, ndia sosoa-ndandaan nae Au tao ketu Au hehelu-balatang no sila, te se'kona Au ia Manetualain, fo sila Manetualain-na.

ZEFANYA 1:18

Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.