YEREMIA 4:24 - Susula Malalaok Hehelu Palak Ma Hehelu Beuk

²⁴ Au ita letek ma pupuku mademaina-la langgengo matuainan-nanseli

YEREMIA 4:24 ပူးပေါင်းရင်းမြစ်များ

1RAJA-RAJA 19:11

Manetualain nafa'dan nae, “Kalua meme leak ndia dalek mai leon, fo mapadeik masale leo Au mai, nai letek lain.” Boema Manetualain tunga ndia, fo ani matuainan-nakahuluk, nalosa heaba'e pupukuk kala ma lete batu la hea ba'es. Tehu Manetualain ta natu'du aoinan-na nai anin ndia dalek fa. Lelek anin ndia nakamate, boema dae manggengo ka da'di, tehu Manetualain ta natu'du aoinan-na nai dae manggengok ndia dalek boen.

MAZMUR 18:7

Lelek au nai toto'a-tataak-ka dalek, au aloo bou-bou neu Manetualain, au aloo neu au Manetualaing-nga, fo au oke tutulu-fafalik. Ana namanene au halang-nga, neme Uman dale mai, ma ana tao afik neu au dokodoeng-nga.

MAZMUR 77:18

Ko'as-sa fe u'dan, ma mangguluk-ka nanggunggulu; Ndelas-sa tuti nato leo basa mamanak lala'ena.

MAZMUR 97:4

Mandelan-na, nangale'do-na daebafak-ka, daebafak-ka nitan, de ana dele ngge'be-ngge'be.

KELUARAN 19:18

Ha'imasuk-ka potin-na la'iesak letek ndia, nanahu Manetualain kona nai letek lain, nai ha'i dale. Ha'imasuk ndia masu-masu, sama leo ha'imasuk-ka namasu neme la'o dale mai, de letek ndia nanggengo matuaina nanseli.

YESAYA 13:13

Neukose, Au tao-a lalai-a dele, ma daebafak-ka keko neme mamanan-na, nai faik fo Au, Manetualain Fo Manakoasa, atu'du Au nasa-melung.

YESAYA 24:20

Daebafak-ka naleu-lilok, sama leo hataholi manamafuk-ka, ma naleuk sama leo moa nai sangu dale. Daebafak-ka hea neu, nanahu sala-singon belan-na. Ana nakalulutuk, de neukose, ana ta fo'a falik so'on.

YESAYA 5:25

Manetualain namanasa leoinan-na. Naheheleaon basa, soaneu Ana hukus so. Neukose letek-kala langgengo; hataholi manamatek-kala popolan-nala besenggela-besenggali sama leo kadafuk-ka nai enok-kala lain. Tehu Manetualain bei namanasa, de neukose ka'da Ana huku.

YEREMIA 10:10

Tehu O, Manetualain, Manetualain fo matetuk-ka, Manetualain fo manafe so'dak-ka, Manek fo manaketu basa tak. Metema O mamanasa soona, daebafak-ka nanggengo, metema O nasam-ma lua soona leoina-la ta lakatatak fa. (

YEREMIA 8:16

Musu-a, nai kota Dan-na so; ndalan-nala lakadii, de tamanenen so, de basa nusak-ka lala'en-na, bii-lamata'u. Musu-a ana mai, fo tao nakalulutuk la'iesak ita nusan-na, boeo ita kotan-na, no basa laun-na.”

YEREMIA 9:10

Au, fo Yeremia afa'da ae, “Au sanga kii ma teisusa dale he'dik, nanahu moo mana'uk manai moo solokaek-ka, ma manai letek-kala, lamatuu-tongo so, de hataholi ta tunga ndia fa Ta tamanene bana-manu halan-nala so'on, manupui ma bana-manu fe'e-fe'ek-kala lalai, de mopok-kasa so.”

YESKIAL 38:20

Basa I'ak ma manupui-la, basa bana ana-matua, ma basa hataholi manai daebafak-ka, neukose ala dele bengge'be no bibii-namata'uk, lasasalematak loo Au. Neukose letek-kala ndefa, felak-kala, ala fela, ma basa papala nanadamak-kala, balahenis.

MIKHA 1:4

Letek-kala noe henis nai ei tata'bu daen-na sama leo lilik-ka nai ha'i manapilak dale; daen-na ndefa, de ana tu'da leo bafak-kala dalek neu, sama leo oe faa neme pupukuk lain leo dae neu.

HABAKUK 3:10

Letek-kala lita O boema, langgengo, u'dan-na neme lalai mai, sama leo nanapo'ak-ka. Tasiina manai daebafak-ka buin-na, oen-na nangguu, de lii-la lapoponu ma nggu-nggu.

HABAKUK 3:6

Metema O hahae soona, daebafak-ka dele. Metema O mete soona, leoina-la lakalupu-lakasee. Lete matea-mahelek-kala hea ba'es, pupukuk fo namadema neme doon losa doon-na boeo, ala kaba'o, nai pupukuk sila-la lain nde O la'ok neme tepo-lelek makahulun eli mai.

NINITAK 6:14

Lalai mopo kana sama leo susula doo nanalunu ka, ma basa lete kala ma pulu la, ala ke'ko leme mamana nala mai.