YEREMIA 4:23 - Susula Malalaok Hehelu Palak Ma Hehelu Beuk

²³ Au mete leo daebafak-ka neu, au itan louk, ma tokotiik, au anganalo leo lalai neu, ta hapu hata nasalaa fa.

YEREMIA 4:23 ပူးပေါင်းရင်းမြစ်များ

KEJADIAN 1:2

daebafak-ka beita nalupa hata esa boen, ma beita nanaito-atok fa. Tasi matuaina liin-nala napoponu, de ana sa'e-na basa hata lala'en-na, ma makiu-makahatuk-ka potin-nan, tehu Manetualain koasan-na nakabale nai oe lain.

YESAYA 13:10

Neukose basa nduuk ma nduu bubuak-kala ta lasalaa fa; neukose le'do ta nasalaa nai lelek ana tii, ma neukose bulak-ka ta nasalaa so'on.

YESAYA 5:30

Nai faik ndia, nai Israel-lala'en-na, lamanene nasanggati natee-natatik-ka kao-kao, sama leo lii tasi-a. Mitak, nusak ndia lala'en-na makahatuk fo neni makase'ek-ka. Mangale'dok-ka da'di makahatu kiu-kiuk.

YEREMIA 2:12

Hu ndia de, hai lalai, makabale leona! Nggenge ma dele leona!

YEREMIA 9:10

Au, fo Yeremia afa'da ae, “Au sanga kii ma teisusa dale he'dik, nanahu moo mana'uk manai moo solokaek-ka, ma manai letek-kala, lamatuu-tongo so, de hataholi ta tunga ndia fa Ta tamanene bana-manu halan-nala so'on, manupui ma bana-manu fe'e-fe'ek-kala lalai, de mopok-kasa so.”

RATAPAN 3:2

Ana boetai lele'a-loloso au leo dook-ka neu fo leo mamana makahatuk kiu-kiuina dalek neu.

YOEL 2:10

Lelek ala bei tutulumatak te, daebafak-ka dele, ma lalai-a boeo, ana dele. Boema le'do ma bulak-ka makahatuk, ma nduuk-kala ta lasalaa fa.

AMOS 8:9

Neukose fain-na losa, Au fe le'do tenak nai lelek le'dohana, ma daebafak-ka makahatuk nai fai lele'don-na. Au, Manetualain Fo Mademaina, kokolak ae leo ndia.

ZAKHARIA 14:6

Metema, faik ndia losa soona, ta hapu makalenik do eis so'on.

MATEOS 24:29

“Lelek toto'a tataa ka nate'e beita doo ka boen te, le'do a neukose makahatuk, ma bula ka ta nasalaa so'on. Neukose nduu kala, ala tu'da leme lalai mai, ma mana koasa manai lalai maloa, neukose ta latetu-landaa so'on.

MATEOS 24:35

Lalai a no daebafa ka neukose mopos, tehu Au dede'a-kokolang lahele losa dodoo na.”

NINITAK 20:11

Basa ndia boema, au ita kandela manek dula fula matua esa ma Ndia fo manamangatuuk manai lai na. Lalai no daebafa ka mopo kasa neme mata na mai, nalosa ta nananitak so'on.