YEREMIA 4:20 - Susula Malalaok Hehelu Palak Ma Hehelu Beuk

²⁰ Soe-a, ana mai la'inono'ik de ana tao nakalulutuk nusak-ka lala'en-na. No kaiboik, au lalaa temang-nga nanatao nalutuk, teman-nala nanasisii nakalulutuk.

YEREMIA 4:20 ပူးပေါင်းရင်းမြစ်များ

MAZMUR 42:7

Nai mamana okak ia, au daleng-nga nakalulutuk, hu ndia de, au afandele neu Manetualain. Au samaneng-nga bolo nai faa dale he'dik dale faa tasi'bu-a sa'e-na au; sama leo Lee Yarden-na oe lili'don-na nggun-na neme Lete Hermon ma Lete Mizar-ra mai.

MAZMUR 72:19

Kokoa-kikiok ba'eneu na'den fo matua-madema losa dodoon-na; ela leo been-na, daebafak-ka lalaena, henuk no mandela-masa'an! Da'di leondiak leona. Amin! (Tete'ek-ka)

YESAYA 13:6

Kii-makaleleu leona, nana Manetualain fain-na deka so, fo nde Manetualain fe fai momopo-mamatek-ka.

YESAYA 15:5

Au daleng-nga he'dis neu Moab! Laun-nala lalai leo kota Zoar-ra ma leo kota Eglat-Selisia leu. Nggelok nda'e leo enok manaleo Luhit neu, boema ala kii; nggelok lalai leo Horonaim leu, boema lakadii-lakau, nanahu soe-a tuni-ndenis.

YESAYA 33:20

Makanae kota Sion, mamanak fo ita tao feta agama. Makanae Yerusalem leona! Mamanak ndia nee-nee lino-linok nanseli, soaneu leo nai ndia, sama leo lalaa temak fo, beita nanalali heok nita fa, ai papakun-na beita nanafe'ak henik nita fa, ma talin-na, beita ketu nita fan.

YESAYA 47:9

Tehu, ka'da hatematak esa, fo nai faik esa dalen-na, dede'a ka duak sila-la, ala da'di landaa. Leomae, o pake suangi, ma mo'do-akidook, o saom-ma, ma o anam-mala nanaloso nenik boe.

YESAYA 54:2

Tao mamaloa, o lalaa temam fo o leok-ka; tuti manalu talin-nala, ma tutu mahele ai papakun-nala!

YEREMIA 12:11

Memak tete'ek-ka Au ita ala tao Au nusang-nga da'di mamanak nes nan seli. Basa-basan lala'en-na lalengulanga pikok, te ta hapu manatao falik fa.

YEREMIA 17:18

Sa'di bole manausi au-a, ma manatuni-ndeni au-a, O tao makamamaek-kana ma O tao mahenu dalen-na nenik bibi-namata'uk. Tehu boso tao leondiak ba'eneu au, O Manetualain. Muni fes mamate-mamopok neu sila losa sila lakalulutuk lanseli.

YEREMIA 4:21

Au muse sakasii hataholi-a natee-natati neni mamate-momopon, losa faihi'da? Au muse amanene pupuuk-ka lii matanen-na losa faihi'da?

YEREMIA 4:27

Manetualain nafa'da, nae neukose daebafak-ka lala'en-na, ana da'di moo solokaek, tehu neukose, Ana ta tao namopo-namaten makandondook fa.)

YEREMIA 4:6

Matu'du enok leo Sion, fo Manetualain Pupukun-na neu, la-lai, malai la'oela nusak-ka, boso ka'da pe'daaom. Manetualain fe soe-a mai ma nakalulutuk matuaina neme kii mai.

YEREMIA 9:18

Hataholi Yehuda-la lafa'da lae, “Madenus, fo no lai-laik lakamee fe emi basa-basam-mala nakamee fafaluk, fo ela luuoe-a ana faa, fo nakadoe ita nasebu'un-na.”

RATAPAN 3:47

Susa-soe ma nakalulutuk-ka tuni-nala ami, boema ami maso'da nai soe ma bibii-namata'uk-ka dalek.

YESKIAL 14:21

Manetualain Fo Mademaina nafa'da nae, “Neukose, Au huku Yerusalem nenik Au huhukung haa, belan-na seli, fo Au tao amate-amopo, nau hataholi do bana-manu boe. Huhuku ka haak sila-la nde: natee-natatik-ka, la'a-ndoes-sa, bana makaa-makisuk-ka, ma he'di-laus-sa.

YOEL 1:15

Manetualain fain-na deka so, faik fo neni bibii-namata'uk; faik Fo Manakoasa fe nakalulutuk-ka mai.

IMAMAT 26:18

Metema, emi la'ola'di basa huhukuk sila-la, te emi beita nau tunga Au boen soona, neukose Au popo-tama seluk emi huhuku-ma la'i hitu.

IMAMAT 26:21

Metema, emi bei lena-la'ban mahele Au boe, ma ta nau tunga Au fa, soona neukose, Au popo-tama seluk emi huhukum-ma la'i hitu.

IMAMAT 26:24

soona neukose, Au anoli emi, ma Au huku emi la'i hitu, fo belan-na lena huhuku makahuluk-kala.

IMAMAT 26:28

soona neukose Au anoli emi no nasak, ma Au huku emi la'i hitu, fo belan-na lena neme huhukuk makahuluk-kala mai.

HABAKUK 3:7

Au ita bibii-namata'uk-ka, sa'e-na Kusyan laun-nala, ma hataholi Midian nala dele bengge'be.

BILANGAN 16:21

“Makadedeak meme hataholi sila-la matan-na mai; Au sanga tao amopo-amates, besak ia boe.”

BILANGAN 16:45

“Makadedeak meme hataholi sila-la mai. Te neukose Au tao amopo-amates lai mamanak ndia boe!” Duas senek

MATEOS 10:28

Boso bii neu hataholi kanisa ao paa ka, nana sila ta lanuu koasa, fo tao lisa samane ka fa. Bii neu ka'da Manetualain, fo nanuu koasa taonisa la'iesak emi ao paa samanem nai tasi ha'ik dale.

2 TESALONIKA 1:9

Neukose Manetualain huku hataholi sila la, fo ala doidoso losa dodoo na. Neukose hataholi sila la, nanatapa henik leo deak leu fo, ala doo ka leme Lamatua ka no koasa matua-mademan mai.