YEREMIA 4:19 - Susula Malalaok Hehelu Palak Ma Hehelu Beuk

¹⁹ Au daleng-nga doi-doso nanseli, au ta akatatakak doidosok-ka so'on. Au ta ka'i abe'i au daleng-nga fa au teneng-nga hako, nai au fanang dale. Nana au amanene pupuuk-ka nalii, ma eeki musu-a, nadodolo

YEREMIA 4:19 ပူးပေါင်းရင်းမြစ်များ

KEJADIAN 49:6

Au ta tunga nai sila lalahalan-na dalek fa, ma boeo, ta nai sila nakabubuan-na dalek fa. Nana sila lanisa nai nasa-meluk-ka dalek, ala ke'di ketu meoasu ei uan-na hu kande namahoko-setelek-ka.

2RAJA-RAJA 4:19

No kaiboik, ni'iana ndia nggasi, ma naloo aman nae, “Awi! Au langang-nga he'dis-sa!” Boema aman nafa'da atan esa nae, “Moo ni'iana ia leo inan neu.”

2RAJA-RAJA 8:11

Basa boema, Elisa nanganalo Hazael no mata memeten-na, namatane, nalosa Hazael dalen-na, ta tesa-tama fa. No kaiboik, Elisa kii.

MAZMUR 103:1

Neme Dauk mai. Koa-kio Manetualain, hai au samaneng-nga, koa-kio na'den fo, malalao-malafuk-ka, hai au dale katematuang-nga.

MAZMUR 116:7

Au daleng-nga tesa-tama, nana Manetualain malole neu au.

MAZMUR 119:136

Au luuoeng-nga faa sama leo lee-a, nanahu ta hapu hataholi tunga O hoholo-lalanem fa.

MAZMUR 119:53

Au amanasa hataholi mangalauk-ka nanseli, nanahu ala la'o ela O hoholo-lalanem.

MAZMUR 146:1

Koa-kio Manetualain leona! Hai au samaneng-ngonei, koa-kio Manetualain leona!

MAZMUR 16:2

Au afa'da ae, “O nde au Manetualaing-nga, au ua-naleng-nga, ta hapu hata esa boen, fo lena heni O fa!”

YESAYA 15:5

Au daleng-nga he'dis neu Moab! Laun-nala lalai leo kota Zoar-ra ma leo kota Eglat-Selisia leu. Nggelok nda'e leo enok manaleo Luhit neu, boema ala kii; nggelok lalai leo Horonaim leu, boema lakadii-lakau, nanahu soe-a tuni-ndenis.

YESAYA 16:11

Au daleng-nga he'dis-sa ma nakalulutuk, mete Moab ma Kir-Heres so'dan-na.

YESAYA 21:3

Ninitak ndia, ana taon-na au apangamak, nalosa au ta hapu ita, do amanene so'on. Au bii-amata'u ma ame'da he'dis, sama leo inak manabongik-ka.

YESAYA 21:4

Au daleng-nga ta tesa-tama fa; au ame'da bibii-namata'uk, de ana taon-na au dele. Le'odaek fo au ahiik-kana, ka'da neni dedele nuku-nukuk.

YESAYA 22:4

Boso taoafik neu au; nemen-na fo au kii-makaleleu, au leoinang manamate basak-kala so. Boso so'ba kokoe-nanasi au.

YEREMIA 13:17

Metema o ta nau mamanene fa, neukose au kii amanininok. Au kii amatani neu O nakatutuam ndia no dale nameme'dak. Au lu'uoeng-nga nasalalalok nanahu Manetualain anan-nala nanafua sama leo hataholi nanafook.

YEREMIA 20:9

Tehu au afa'da nai au daleng dale ae, “Nemena fo ka'da au asanggango heni Manetualain, au ta nau kokolak unik ndia na'den-na fa,” boema O hala-hehelum-ma nono'kabai ha'i-a pila lo'a-lo'a nai au dale bobongon anang-nga. Au akatatakak so'bak-kana, te sekona au ta akatatakak ala fa.

YEREMIA 23:9

Au hala haituang-nga nde ia la'eneu nabi-la; Au daleng-nga nakalulutuk ma au ndele nggebe-nggebe. Nanahu Manetualain ma hala kokolan fo malalao-malalafuk-ka, taon-na au sama leo hataholi manamafuk fo mananinu angol ba'uk.

YEREMIA 4:21

Au muse sakasii hataholi-a natee-natati neni mamate-momopon, losa faihi'da? Au muse amanene pupuuk-ka lii matanen-na losa faihi'da?

YEREMIA 4:5

Puu pupuuk-ka leona, nai basa nusak-ka lala'en-na! Maloo bou-bou no mangale'dok, ma mapane'e. Madenu laun Yehuda, ma laun Yerusalem-mala, fo lalai leo kota-kota fo, makota musuk-kala leu.

YEREMIA 49:2

Tehu losa fain-na Au tao-a laun Raba, Amon kota inan ndia lamanene hala natee-natatik. Kota ndia da'di nakalulutuk ma nggolok-nggolok manai na-la nanahotu henik. Boema neukose Israel-la ho'i falik dae-na fo neme hataholi manaho'i na makahuluk-kala.

YEREMIA 50:22

Hala musu nanggulu nai nusak ia ma ana da'di nakalulutuk.

YEREMIA 6:24

Laun Yerusalem-mala lamanenehalak ndia boema, bendole-bendaku. Bibii-namata'uk-ka sa'e-nalas, de ala doi-doso, sama leo inak-ka ana sanga bongi.

YEREMIA 8:18

Au daleng-nga nono'ka bai nanasasa'dak, de he'dis-sa, au dale he'ding-nga, mo'do-akidoon ta.

YEREMIA 8:21

Au daleng-nga nakalulutuk, nanahu au nggileo bobonging namahe'di belak; au daleng-nga he'dik, ma au daleng-nga ta tesa-tama fa.

YEREMIA 9:1

Malole lenak, au langang-nga sama leo oedolu, fo oe henun, ma au matang-nga da'di oelolok, fo ana faa nakandoo! Boema au kii lele'do-le'odaen, kii-makaleleu hataholi fo, ami leoina esa, de musu nok-ka taonisas.

YEREMIA 9:10

Au, fo Yeremia afa'da ae, “Au sanga kii ma teisusa dale he'dik, nanahu moo mana'uk manai moo solokaek-ka, ma manai letek-kala, lamatuu-tongo so, de hataholi ta tunga ndia fa Ta tamanene bana-manu halan-nala so'on, manupui ma bana-manu fe'e-fe'ek-kala lalai, de mopok-kasa so.”

RATAPAN 1:16

Hu ndia de, au luuoeng-nga titi henin, ta hapu hataholi fe au manggatek ma kokoe-nanasik fa. Au leoinang-nga lamopo hata lala'en-na so, nanahu musu-a koasan-na lena.

RATAPAN 1:20

Ou, Manetualain! Taoafik neu au, nana au daleng-nga ta tesa-tama ma tasibu, nakalulutuk nanahu au nalelesi makahulung-nga. Nai enok-kala lain, hapu kanisak, Nai uma dale, hapu mamates.

RATAPAN 2:11

Au matang-nga peta, nanahu ta hahae kikiik-ka fa, au samaneng-nga doi-doso nanseli. Au daleng-nga nakalulutuk mete leoina tutu'dan-na; mete ni'iana-la boema ni'iana manasu'uk-kala sapala'o nai kota enon-nala.

DANIAL 4:19

Danial fo loken lae Beltsazar boe, namanene dede'ak ndia boema, ana nggenge ma ana dodoo doak-kana. Boema au fo Mane Nebukadnezar-ra, afa'dan ae, “Beltsazar, o dalem-ma boso susa nanahu me'is ndia sosoa-ndandaan.” Boema Beltsazar nataa nae, “Ama Manek, malolen-na seli, metema leouni'ka me'is ndia neuk manada'dik-kala, tuni la'e Ama Manek musun-nala, te ta la'e Ama Manek fa.

DANIAL 7:15

Au ita ninitak sila-la, leni napangamak ma ala tao-la au daleng-nga ta tesa-tama fa.

DANIAL 7:28

Hala nafafa'dak ia ba'u ka'da ndia. Au daleng-nga ta tesa-tama nanseli fa, nalosa au mata-panang fula, tehu au ta afa'da basa sila-la neu hataholi esa boen.

DANIAL 8:27

Basa boema, au ame'da au aong-nga male, boema au amahe'di faik de'ubee dalen-na. Basa ndia boema, au fo'a de au tao-no'i seluk au bela-ba'ung soaneu manek-ka. Tehu au hela-hae no dudu'a-dodoo ninitak sila-la, tehu au ta alak sosoa-ndandaan fa.

AMOS 3:6

Metema hataholi manai kota dale-la, lamanene pupuu musu liin-na soona, ala dele ngge'be-ngge'be do ta? Metema Manetualain ta haitua susa-soe leo kota esa neu fa soona, kota ndia hapu susa-soe do ta?

HABAKUK 3:16

Au amanene ndia boema au daleng-nga dele ma au difadoong-nga dele ngge'be-ngge'be. Au aong-nga none-na'u, de balakaik ta so au la'ok su'di nai bee boe, au eing-nga nakatunu. Neukose au ahani no dale tesa-tamak Manetualain huhukun-na neu hataholi manamusu no ami.

BILANGAN 10:9

Ma metema emi matee-mata'ti nai emi nusam-ma, fo emi masala'e emi aoinam-ma neme musu-a mamain-na soona, puu pupuuk sila-la. Soona Au Manetualain, fo emi Manetualaim-ma neukose tulu-fali, ma soi-tefa emi neme emi musum-ma mai.

ROMA 10:1

Tolano-tolanoo ngala lemin! Au ahiik alanseli, fo au hataholi ngala hapu nanasoi tefak. De au hule-haladoi te'e-te'e neu Manetualain soaneus.

1 KORINTUS 14:8

Natutu'du fe'ek esa seluk nae, metema pupuu musu nanapuu lu'ilapak soona, see ka nde nahehele aon fo neu natee-natati?

GALATIA 4:19

Au ana susue-lalai ngala lemin! Besak ia, au doidoso seluk, nanahu emi. Au doidoso sama leoinak esa doidoso, nai lelek ana bongi ana na. Neukose au doidoso akandoo, metema Kristus ha'da-tataon, beita nanaselek nai emi ao inam dale fa!

HAKIM-HAKIM 5:21

Lee Kison-na, lua ponu-ponu, de nabolo musu nok-ka. Tutulumatak, tutulumatak leon no napalanik, hai au samaneng-ngonei!