YEREMIA 4:18 - Susula Malalaok Hehelu Palak Ma Hehelu Beuk

¹⁸ Yehuda, o nde tataom soe ndia la'e o-a. O so'dam-ma eno-dalan, ma o tatao-nono'im nde taon-na basa doidosok sila-la, ala papau o dalem-ma.

YEREMIA 4:18 ပူးပေါင်းရင်းမြစ်များ

MAZMUR 107:17

Hapu nggelok nggoak-panganaa, ma doi-doso, nanahu sala-singon-nala, boema, nanafepa-li'uk, nanahu sila salan-nala.

AMSAL 1:31

Hu ndia de, neukose emi mame'da mita, emi tatao-nono'im ma emi dale tutu'u mangalaum-mala buna-boan.

AMSAL 5:22

Hataholi mangalauk-ka sala-singon, sama leo hihi'ik-ka, fo nala seluk hataholi ndia.

YESAYA 50:1

Manetualain nafa'da Israel nae, “Hai Au anang-ngo nei, o maedaenga, Au usiheni o sama leo saotouk esa, usiheni saoinan-na do? Metema leondiak soona, susulan-naelak-ka, nai bee? O maedaenga, Au ase'oheni o, sama leo amak esa, nase'o anan-na, leo manala'ok hutak-ka neu do? Ta! O nanafook, ma nanatu'u-tapak, hu kande o sala-singom, ma o tatao-nono'i mangalaum-ma!

YEREMIA 14:16

Hataholi-hataholi fo ala sipi basa sila neuk-kala boeo neukose nanataonisak nenik enok matak esa. Neukose sila popolan-nala nana tu'u-tapak leo Yerusalem enon-nala lain neu, nana hapu mana matoi fa. Sila lo sao anan-nala ua-nalen-nala leondiak. Neukose Au tao-a sila lame'da lita sila tatao-nono'i mangalaun-nala sasaina.”

YEREMIA 2:17

O nde tataom basa manda'dik manala'e o aoinam-ma, nanahu nai lelek Au hela-nole o nai leleo-lala'ok-ka dalek, o masadea Au, fo Amam Manetualaim-ma.

YEREMIA 2:19

O tatao-nono'i mangalau-ma, nde huku o aoinam-ma, O nanatao doidosok, nanahu o tipa Au, fo o Manetualaim-ma. Besak ia, mame'da mita makahe'duk-ka, ma he'din-na ba'un-na seli metema Au asadea o, ma Au ta fe ha'da-holomata neu o fa. Au, fo Manetualain nde manakokolak-ka; Au nde Manetualain, Fo Mademaina ma Manakoasa matuaina.”

YEREMIA 26:19

Tehu manek Hizkia ma hataholi Yehuda-la ta tao lisa Mikha fa. Nakalenak seluk bai, Hizkia bi neu Manetualain ma noke Manetualain sue lain. Tutika Manetualain helafalik nasa melun fo manatao namate-namopos-sala. Ma besak ia isabaina ita ia teni susa soe matuaina neu ita aoinan.”

YEREMIA 5:19

Tehu metema, ala latane lae, tao le'e de Au tao basa sila-la soaneus soona, hei Yeremia mafa'da leon, mae sama leo sila la'oela Au nai sila nusa mesan-na, fo da'di ata neu leoina fe'ek-kala lamatua daebafan-nala, leondiak boe, neukose sila da'di ata neu hataholi nusa dea-la, nai nusa fe'ek.”

YEREMIA 5:25

Tehu emi sala-singom sila-la, nde lapangge basa hata malole sila, nalosa emi ta hapu fan.

YEREMIA 6:19

Taoafik leon, hai daebafak-konei! Au anang-ngala, ta nau sipok Au nanoling-nga, ma ala ta nau tunga Au fa. Au fe soe-a la'es, fo da'di leo sila dale tutu'un-na, buna-boan.

RATAPAN 3:15

Ana fe au ka'da makahe'duk fo da'di au nana'a-nininung.

YESKIAL 39:24

Au taos nandaa no sila manggenggeon-na, ma tatao-nono'i mangalaun-nala, boema Au la'oelas.”

HOSEA 7:2

Ala ta hapu dudu'a-lan nai dudu'a-aafin-nala dalek, lae neukose Au afandele-a basa sila tatao-nono'i mangalaun sila-la fa. Tehu sala-singon-nala lakahapi-lalas, nalosa Au itas no mangale'dok.”