YEREMIA 4:1 - Susula Malalaok Hehelu Palak Ma Hehelu Beuk

¹ Manetualain nafa'da nae, “Au anang Israel, metema emi nau fali ma'im-ma soona, fali ma'im-ma, leo Au mai leona. Tu'u-tapa heni sosongo-tatangok fo, makahulun-na Au ta ahiik-kasa ndia, fo lilineka neu Au leona.

YEREMIA 4:1 ပူးပေါင်းရင်းမြစ်များ

KEJADIAN 35:2

Boema Yakob nafa'da teidale-bobongin-nala ma basa hataholi manasama-sama loo nana nae, “Neukose ata la'o teme ia mai fo teu leo Betel teu. Nai ndia, neukose au apadedeik mei tunu-hotuk ba'eneu Manetualain fo manatulu-fali basa au nai tepo lelek au to'a taa ma manamasulu-mahapa basa au nai lelek au leo su'di bee u a. Da'di tu'u-tapaheni dodoki-dudula lamatua daebafak nusa dea fo emi ho'uk-kala; tao feta tao nalalao aoinak-ka ma pake bua-lo'a balisi leona.”

2RAJA-RAJA 23:13

Boeo, ana tao nanggenggeo basa mei tunu-hotuk manai Yerusalem boboan dulu, fo nai Pupukuk Mangalauk-ka boboan kona. Mane Salomo-a, tao mei tutunu-hohotuk sila-la, fo ana sene-do'ok neu lamatua daebafak nanamaluak ndia – fo nde Asytoret, fo leoina Sidon-na, lamatua inan-na, Kamos, fo leoina Moab-pa, lamatua daebafan-na, ma Milkom, fo leoina Amon-na, lamatua daebafan-na.

2RAJA-RAJA 23:24

Soaneu lakalala'ok hoholo-lalanek, fo nanasulak nai susulak fo Imam Matuaina Hilkia hapun neme Manetualain Uman dale-a, de Mane Yosia usi heni basa hataholi manamaloo samanek-kala, hataholi manasiula-tongonok-kala leme Yerusalem, ma leme Yehuda lala'en-na mai, boema ana tapa heni, basa lamatua daebafak-ka, sosongo-tatangon manai uma loo-la dalek, ma bua-lo'as fo ala paken, soaneu sene-do'ok neu lamatua daebafak-ka.

2TAWARIKH 15:8

Lelek fo Asa namanene Azarya fo Obed anan ndia hala-kokolan boema, natetea-nahehele dalen-na. Ana si'uheni basa sosongo-tatangok manai nusak Yehuda ma Benyamin, ma nai ana sengi kota-kota manai letelepak Efraim-ma, boema ana tao nahii Manetualain mei tunu-hotun fo nanape'dak nai Manetualain Uman-na so'dan-na.

2TAWARIKH 33:8

Metema hataholi Israel-la tunga basa Au paletang-ngala, ma ala tunga hoholo-lalanek fo Au atang Musa fe neus-sala, soona neukose Au ta po'ilotak sila nanausihenik neme nusak fo Au fe basan neu sila bei-ba'i kain-nala fa.”

2TAWARIKH 34:33

Sosongo-tatangok nanamaluak manai basa mamanak-kala, fo nai hataholi Israel-la nusan-na boe, Manek Yosia tao nakalulutuk la'iesak-kasa. Boema nakaseti laun-na fo sene-do'ok neu Amak, fo sila bei-ba'i kain Manetualain-na. Boema nai Yosia fai maso'dan-na dalek, laun-na lilineka lahele neu Manetualain.

YESAYA 31:6

Manetualain nafa'da nae, “Hai leoina Israel-la lemin, emi la'ban basa Au, mamasala-masingo neu Au so. Tehu besak ia, fali ma'im-ma, leo Au mai leona!

YEREMIA 15:19

Manetualain nataa nae, “Metema o fali ma'im-ma soona, neukose Au sipok o. Neukose o da'di Au atang seluk bai. Metema o tui-benga dede'a-dede'ak fo masosoa-ndandaak, te ta kokolak bafa louk fa soona, o bole da'di Au nabing seluk ai. Neukose hataholi mai seluk leu o-a mai bai, te ta palu o mu leo sila fa.

YEREMIA 15:4

Neukose Au tao basa leoina manai dabafak ia, ala mete seoona, langgenggengo ao. Au tao basa sila-la nanahu Manasye fo Hizkia ana manen-na tatao-nono'in nai Yerusalem, fo nai lelek ana da'di Yehuda manen-na.”

YEREMIA 18:11

Manetualain nafa'da neu au nae, “Besak ia mafa'da meu hataholi Yehuda-la ma Yerusalem laun-nala mae, Au sanga tao dudu'a-dodok soaneu la'ban sila, ma sadia huhukuk soaneu sila. Madenus fo ala hahae sila so'da-molen fo masala-masingok ndia, boema tao lahii sila ha'da-paliin ma tatao-nono'in-nala.

YEREMIA 24:9

Neukose Au tao akatoto'a-akatatak-kasa tao taoleondiak, de nalosa basa leoina manai daebafak-ka ia lala'en-na da'di manabi-mamata'uk. Au fes lai mamanak bee ndia boeo, neukose sila nanahakinonolik, nanataok da'di hata nanahika-humek ma nananakamu-nakadauk. Sila na'den-na neukose nanapakek da'di soo-supak.

YEREMIA 25:5

Ala ladenu emi la'o ela emi ha'da-tataom fo mangalauk-ka, ma emi tatao-nono'im fo masala-masingok-ka, fo ela emi hapu leo mahele nai nusak fo nanafek neme Manetualain neu emi bei-ba'i kai manamatem-mala ma neu emi da'di leo hata pusaka.

YEREMIA 3:1

Manetualain nafa'da nae, “Metema touk esa elaheni saoinan-na, boema tou fe'ek saon-na inak ndia, soona touk fo inak ndia sao elan-na, ta bole ho'i falik-kana, da'di leo saoinan fa, nana dede'ak ndia, neukose tao nalutu nusak ia. O fo Israel, o manuu susue tou-ta'ek ma ina anafe'ok makadotok nanseli so, hapu nai bee, besak ia, o nau fali ma'im-ma leo Au mai!

YEREMIA 3:12

Manetualain nadenu au u, fo afa'da dede'ak ia neu Israel nae: “Hei Israel, fo ta mana lilinekak-konei, fali ma'im-ma, leo Au mai leona! Au daleng-nga henuk no susue-lalaik, de neukose Au ta amanasa o losa dodoon-na fa.

YEREMIA 3:14

Manetualain nafa'da nae, “Hei Au anang fo, ta mana lilinekak-konei, fali ma'im-ma, leo Au mai leona! Emi nde been-na Au nuung. Neukose, neme kota esa mai soona, Au ho'i-a, emi hataholim esa, neme teidalek esa mai soona, Au ho'i-a hataholi dua, ma Au o falik emi leo Pupuku Sion-na meu.

YEREMIA 3:22

Hei basa emi fo, manala'oela Manetualain so, fali ma'im-ma leona! Neukose, Ana tao nalea-nahai emi, ma Ana taon-na emi da'di manalilinekak. Emi mafa'da mae, “Ya, besak ia ami mai leo Manetualain, nanahu ami Manetualain ndia.

YEREMIA 35:15

Au adenu laiesak Au atang-ngala ma basa nabi-la neu emi tatas es, fo ala nasiat emi soaneu tao mahii emi ha'da-tataom-mala, ma bosobai tao mangalauk ba'in. Ala fe emi nasanene'dak fo boso sene-do'ok neu lamatua daebafak fe'ek ma boso makaluku-makatele neu sila, fo ela emi leo mahele nai nusak ia, fo Au fe basan neu emi bei ba'ikai manamatem-mala. Tehu emi ta nau tao afik ma ta nau mamanene neu Au fa.

YEREMIA 36:3

Fafa'kama hataholi Yehuda-la neukose ala tao hahae mangalauk, metema ala lamanene la'eneu basa susa-soe fo neukose Au tuni-ndeni neu sila. Soona neukose Au fe do'o do ampong neu sila salan-nala, ma mangalaun-nala.”

YEREMIA 4:4

Hei laun Yehuda ma laun Yerusalem-mala lemin! Ho'u mahele emi hehelu-balataam moo Au, fo emi Manetualaim-ma, ma fe hehelik o aoinam-ma neu Au. Metema ta, soona neukose Au nasa-melung ana lua ponu-ponu fo nana'a, sama leo ha'i-a, fo su'di see boe, ana ta hapu taonisa fan. Neukose basa sila-la, tuni-la emi, nanahu emi tatao-nono'i mangalaum-mala.”

YEREMIA 7:5

Tuka emi so'dam-ma, ma emi ha'da-tataom. Esa tao ndoos ma matetuk neu esa.

YEREMIA 7:7

Metema emi tuka emi so'dam-ma eno-dalan, ma emi ha'da-tataom, boema hahae tao basa sila-la soona, neukose Au fe emi loak, leo mahele nai nusak ia, nusak fo Au fen neu emi bei-ba'i kaim-mala, da'di leo dae pusaka.

YESKIAL 11:18

Metema ala fali soona, neukose ala tu'u-tapaheni basa sosongo-tatangok fo, ta kandaak ma nanamaluak manai nusak ndia dalek-ka.

YESKIAL 18:13

Ana fe hataholi manatonak-kala, fe bunak. Ade, hataholi leondiak-ka, neukose naso'da do ta? Ta naso'da fa! Ana tao basa tatao-nono'ik fo, nanamaluak sila-la so, de neukose maten! Tatao-nono'in nenenin-na nde, mamates ndia.

YESKIAL 43:9

Tehu neme besak ia, sila muse hahae sene-do'ok neu sosongo-tatangok, ma ala pe'daheok sila manen-nala popolan-nala. Basa ndia soona, neukose Au leo nai sila tala'da heon, losa dodoon-na.”

HOSEA 14:1

Muse huku Samaria, nanahu ana lena-la'ban Au. Neukose mate laun-nala nai natee-natatik dale, ma neukose lona lisa ana beuanan-nala, ma ina kailun-nala, nanasai teik.”

HOSEA 2:2

Manetualain nafa'da nae, “Hai Au anang-ngala lemin, au saong ta emi inam so'on, ma ndia saon ta Au fa. Hu ndia de madede'a moon, fo ela ana boso hohonge ma ana boso boe da'di manasosoa-piaok seluk bai.

HOSEA 7:16

Ala tunga lahele ka'da lamatua daebafak fo ta lanuu koasa hata-hata fa. Ta bisa namahena fas, nana sila sama leo kokouk fo tali-na nakama'a. Sila mauli-malangan kokolak no koao-ndaeaok, hu ndia de, neukose taonisas nenik tafaina, fo hataholi Masir-rala hikas.”

YOEL 2:12

Manetualain nafa'da nae, “Tehu besak ia, fali leo Au mai leon no dale katematuak, boema oka aom-ma, kii ma makaleleu.

ZAKHARIA 1:4

Boso sama leo emi bei-ba'i kaim. Makahulun eli, basa nabi-la landuku-lalosak Au hala hehelung-nga neus, fo ela ala boso boe tao seluk tatao-nono'i mangalauk, ma tao sala-singok bai. Tehu ala ta lafaduli ma ala ta nau tunga Au fa.

ULANGAN 27:15

Hataholi Lewi-la, ala kokolak lae, ‘Nanasoo-supak ba'eneu hataholi fo, ana tao dodoki-dudulak neme batu, ai, do liti-a mai, fo ana sene-do'ok neun, no nafufunik; Manetualain ta hii sosongo-tatangok fa!’ Basa laun Israel-la lala'en-na lataa lae: ‘Tete'ek-ka!’ (Amin)

ULANGAN 4:30

Metema, basa soe sila-la tuni-ndeni-la emi, ma emi nai toto'a-sosotak-ka dalek, soona neukose emi fali ma'im-ma, leo emi Manetualaim-ma mai, fo emi tungan.

YOSUA 24:14

Yosua kokolak nakandoo nae, “Da'di, besak ia, fe ha'da-holomata neu Manetualain. Mamahele neun no dalek-katematuak ma no lilinekak. Si'u heni basa lamatua daebafak, fo makahulun-na, emi bei-ba'i kaim-mala sene-do'ok-kasa neme Mesopotamia ma Masir. Ka'da mamahele neu Manetualain.

HAKIM-HAKIM 10:16

Basa boema, ala tu'u-tapa heni basa dodoki-dudulak sosongo kala, de ala sene-do'ok neu Manetualain. Boema Manetualain boeo, dalen-na tu'da, metes lai toto'a-tataak-ka dalek.

SEMUEL SUSULAK-KA ESAN-NA 7:3

Boema, Semuel nafa'da hataholi Israel-lala nae, “Metema, emi sanga fali leo Manetualain meu, fo sene-do'ok-kana no dalek-katematuak soona, emi muse tu'u-tapa heni basa nusa dea-la lamatua daebafan-na, ma lamatua daebafak inak Asytoret-ta dodoki-dudulan. Fe la'iesak emi aoinam-ma neu Manetualain ma ka'da sene-do'ok neun soona, neukose Ana soi-po'i emi neme hataholi Filistin-nala mai.”