YEREMIA 39:14 - Susula Malalaok Hehelu Palak Ma Hehelu Beuk

¹⁴ ho'i-la au neme uma manek-ka so'dan-na. Boema ala fe au lo Gedalya fo Ahikam anan-na fo Safan upun ndia, fo muse ana no falik au u'ung-nga naso'da molek. Boema au leo nai laun-nala tala'da.

YEREMIA 39:14 ပူးပေါင်းရင်းမြစ်များ

2RAJA-RAJA 22:12

Boema, manek-ka fe paleta nde ia, neu Imam Hilkia, Ahikam, fo Safan anan-na, Akhbor, fo Mikha anan-na, Safan, fo nusaina hataholi manasulak susulan-na, ma Asaya, fo solda'du manamanea manek-ka nae:

2RAJA-RAJA 22:14

Boema, Hilkia, Ahikam, Akhbor, Safan ma Asaya leu loke natutu'duk neme inak esa, na'de Hulda. Inak ndia, nabi esa, fo ana leo nai nggolo beuk manai Yerusalem-ma. Saon-na, na'de Salum, fo Tikwa anan-na, ma Harhas upun-na; Salum ia, nde ito-ato papake-ngganggaok makaluku-makatele-a, nai Manetualain Uman. Lelek Hulda namanene, sila hala nafa'dan ndia boema,

2TAWARIKH 34:20

Boema manek-ka fe paleta nde ia neu Hilkia, Ahikam, fo Safan anan-na, Abdon fo Mikha anan-na, Safan fo nusaina hataholi manasulak susulan-na, ma Asaya fo manek-ka manamanea-na nae.

MAZMUR 105:19

Mate'en-na, ana da'di sama leo ana neuk basak-ka, Manetualain dede'a-kokolan, nafa'da nae, ana la'en.

YEREMIA 26:22

Tehu Mane Yoyakim-ma nadenu Elnatan fo Akhbor anan-na no hataholi fe'ek de'ubee leu Masir leu fo ala lalafalik Uria.

YEREMIA 26:24

Tehu besak ia, Ahikam fo Safan anan-na baba'e-papala tutulu-fafalin de, au, Yeremia, ta nanafek lo laun-nala leu fo soaneu tao lisa au fa.

YEREMIA 32:2

Nai lelek ndia te manek Babel-la leu sapu-la Yerusalem. Ndia te au nanatahan nai uma manek-ka so'dan-na

YEREMIA 37:21

Boema manek Zedekia paleta fo ela au nanahukuk nai uma manek-ka so'dan-na. Da'di au leo nai ndia, de su'di faik ala fe loti neme mamana tatao loti-a losa loti nanasadiak manai kota ndia basa la'isak-kasa.

YEREMIA 38:13

Boema ala le'a au lo lain, kalua neme oedolu ndia mai. Basa ndia boema au nanatahan nai uma manek ndia so'dan-na.

YEREMIA 38:28

Au nanatahan nahelek nai uma manek-ka so'dan-na, losa faik fo musu-a natona-na Yerusalem.

YEREMIA 39:13

Boema Nebuzaradan no malanga soloda'du kaduan-nala, fo nde, Nebusyazban ma Nergal-Sarezer, ma basa malanga soloda'du fe'en-nala,

YEREMIA 39:15

Lelek ala bei huku au nai uma manek-ka so'dan-na te, Manetualain nadenu au

YEREMIA 40:1

Manetualain kokolak no au ndek Nebuzaradan, fo malanga mat-matatik ndia, soi-po'i au neme Rama. Ala lo au nu te au nanalangek sama-sama o hataholi fe'ek neme Yerusalem ma Yehuda, fo nanafoo nenik da'di leo hataholi nanatahan lo Babel neu.

YEREMIA 40:5

Au beita la'o fa te, Nebuzaradan nafa'da nae, “Metema o nau soona, o bole fali leo Gedalya, fo Ahikam anan-na fo Safan upun-na neu, fo nanaso'uk neme manek Babel-la da'di gobelnol nai Yehuda kotan-nala. O bole leo mon nai laun-nala tala'da, ado o bole mu su'di leo beem-mu tunga o dale hihiim-ma.” Boema ana fe tua-lepa ma bua-lo'a palsen fe au, de ana po'i au la'o.

YEREMIA 40:6

Au u lo Gedalya neu nai Mizpa, de au leo on nai laun-nala tala'da, fo nanala'o elak mani nusak Yehuda.

YEREMIA 40:7

Manek Babel-la ana so'u basa Gedalya da'dik gobelnol nai Yehuda, soneu ana paleta la'iesak hataholi fo bei elak manai Yehuda, fonde hataholi-hataholi nuu-taak-hatataak nanseli-a. Basa malanga soloda'du ma soloda'du Yehuda nggelok fo ala ta fe aoinan-nala lo Babel neu fa lamanene la'eneu Gedalya soso'un fo da'dik gobelnol ndia.

YEREMIA 41:1

Nai teuk ndia bulak kahitun-na Ismael fo Netanya anan-na fo Elisama upun-na no hataholi sanahulu leu lo Mizpa leu soaneu latongo lo Gedalya. (Ismael nde been-na hataholi esa tititi-nonosi manek, hataholi esa nde been-na soloda'du pangkat matuaina nai nusak-ka.) Ala bei la'a-la'a te,