YEREMIA 38:7 - Susula Malalaok Hehelu Palak Ma Hehelu Beuk

⁷ Nai lelek ndia hapu hataholi Sudan esa na ito-ato nai manek-ka uma manen-na. Na'den-na Ebed-Melekh. Ana namanene nae ala tao au lo oedolu ndia dalekneu. Ndia te manek-ka bei mauli-malanga laun-nala nai Benyamin lelesu ina-na.

YEREMIA 38:7 ပူးပေါင်းရင်းမြစ်များ

MAZMUR 68:31

Tao manggenggek Masir leona, fo bana makaa-makisuk ndia, nai tasi gelagah tala'da. Kena-ka'i leoina-la, fo banteng bubuak ndia no anan-nala, fo esa heheta-aa'i esa soaneu hapu lilofulak. Manetualain tao tapasasala leoina fo ala hii latee-latati.

AMSAL 29:10

Hataholi manamaa ma'da daak-ka, ta hii hataholi dale ndoos-sa fa, tehu, hataholi malole-a, nasulu-nahapan.

YESAYA 56:3

Hataholi nusa dea, fo ala da'di esa lo Manetualainanan-nala, ta bole lafa'da lae, “Manetualain ta fe au loak, fo sene-do'ok neun, sama-sama o anan-nala fa.” Hataholi fo, mamae loun-na nanakee henik soona, ana ta bole dudu'a-dodoo nae, “Au ta hapu da'di Manetualain anan fa, nana au ta bisa hapu tititi-nonosik fa.”

YEREMIA 13:23

Hapu hataholi lou nggeok-ka tao nasafali loon-na dulan-na do meoasu namopo molin-na? Tao leo beeo ta! Leondiak boe, emi fo manatao mangalauk-ka tao leo beeo ta tao malole fa.

YEREMIA 20:2

ana paleta fo ela au nanafepa-li'uk ma nana langek nai Lelesu Ina Benyamin, lelesu manatia-lain-na nai Manetualain Uman.

YEREMIA 26:16

Boema basa malanga manapaletak-kala ma laun-nala lafa'da neu imam-mala ma nabi sila-la lae, “Hataholi ia kokolak pake ita Aman Manetualain na'den-na; de ta nanda huku nisa fan.”

YEREMIA 29:2

Manada'dik ndia basa ndek Manek Yoyakhin no ina bongin-na, uma manek-ka manana'a ngga'din-nala, lasik-lasik Yehuda-la ma Yerusalem, tuka-la ma tuka besi-la, fo manakaluak neme Yerusalem mai-a.

YEREMIA 37:13

Tehu nai lelek au losa Benyamin lelesu inan-na boema, malangan soloda'du fo manamanea manai ndia, ana ka'i-na auma nafa'da nae, “O sanga malai fo mu mok hataholi Babel-lala!” (Malanga soloda'du manamanea ndia na'de Yeria; ndia nde been-na Selemya anan fo Hananya upun.)

YEREMIA 38:8

Ebed-Melekh neu lo na de nafa'da neu manek-ka nae,

AMOS 5:10

Emi makamuu-makadau hataholi fo ana la'ban ndoos ma matetuk-ka, ma manakokolak ndoos nai manakee-manafula matan.

ZAKHARIA 14:10

Basa nusak-ka lala'en-na, neme Geba nai kii, losa Rimon nai kona, neukose da'di dae ma'dak. Tehu neukose, Yerusalem boetai namadema fo dema lena dae manai boboa-kaisun-na; neukose, kota ndia namaloa neme Lelesuina Benyamin-na, losa Lelesuina Sudut, fo nde lelesuina Pertama mamanan-na, ma neme Uma Puni Madema Hananeel, losa manek-ka mamana kaka'bi angol-la.

MATEOS 20:16

Boema Yesus kokolak seluk nae, “Leondiak boe hataholi makabui ka, neukose ana da'di hataholi makahuluk, ma hataholi makahulu ka, neukose ana da'di hataholi makabuik.”

ULANGAN 21:19

Soona, ina-aman muse loon leo lasi nggolok manai kota fo, ala leo lai ndia, fo ela laketu-lala'di huhukuk soaneu ni'iana ndia.

YOSUA 20:4

Ana bole nalai leo kota esa neme kota sila-la mai, fo neu leo mamana naketu-nala'dik-ka nai kota ndia lelesuinan-na, fo nafa'da mangalele'do neu basa mauli-malangan manai sila-la, hata fo ana da'di so. Neukose mauli-malangan sila-la, sipok-kana, masok kota ndia, ma ala fen mamanak fo ana leo.