YEREMIA 38:6 - Susula Malalaok Hehelu Palak Ma Hehelu Beuk

⁶ Boema ala ho'i-la au de lakona au nenik tali lo manek-ka ana manen Malkia oedolu dalek neu fo nai uma manek-ka so'dan-na. Oedolu ndia oen ta, te ka'da tane-tane mesan, de au masok lo tane ndia dale neu.

YEREMIA 38:6 ပူးပေါင်းရင်းမြစ်များ

KEJADIAN 37:24

Boema ala loso lenin de ala tapan leo oedolu ma'dak dale neu.

MAZMUR 109:5

Ala balas au maloleng-nga, nenik mangalauk, ma au susue-lalaing, nenik nakamumulu-nakamamaek.

MAZMUR 40:2

Au ahani Manetualain tutulu-fafalin no ta haelai amanasa fa; boema Ana taoafik neu au, ma namanene au dokodoeng-nga.

MAZMUR 69:2

Soi-tefa-mala au, ou Manetualain, nana oe-a losa nai au botoliing-nga so.

YEREMIA 32:2

Nai lelek ndia te manek Babel-la leu sapu-la Yerusalem. Ndia te au nanatahan nai uma manek-ka so'dan-na

YEREMIA 36:26

Nakalenak seluk bai, manek-ka nadenu ana manen-na, fo nde Yerahmeel, no Asriel anan-na, ma Abdeel anan Selemya, fo ela ala ho'u-la au ma Barukh fo au manasula sulang-nga. Tehu Manetualain nafuni ami.

YEREMIA 37:16

Ala tao au lo lifu esa dalek nai dae dale, ma ala tahan au dook-ka nai ndia.

YEREMIA 37:21

Boema manek Zedekia paleta fo ela au nanahukuk nai uma manek-ka so'dan-na. Da'di au leo nai ndia, de su'di faik ala fe loti neme mamana tatao loti-a losa loti nanasadiak manai kota ndia basa la'isak-kasa.

YEREMIA 38:13

Boema ala le'a au lo lain, kalua neme oedolu ndia mai. Basa ndia boema au nanatahan nai uma manek ndia so'dan-na.

YEREMIA 38:22

Nai ninitak ndia dalek, au ita inak-inak fo bei manai Yehuda uma manen-na basa-basas nanafoo nenik lo deak neu fo leo manek Babel-la mauli-malangan-nala neu. Ala bei la'ok, te lafa'da lae, ‘Manek-ka nananakadadaek neme tia-lai dedenan-nala mai, ma ala koasa-nan. Besak ia, basa ein-na sapi lo'do lo lane dale neu soona, sila basa-basas lakano'dok.’ ”

DANIAL 6:16

Basa boema, hataholi sila-la leu lafa'da manek-ka lae, “Ama Manek, ela leo been-na Ama Manek mafandendelek te, tunga Media ma Persia susula nakeketun-na, metema manek-ka kalua susula paleta soona, ta bisa ngati-nggati no fan.”

ZAKHARIA 9:11

Manetualain nafa'da anan-nala nae, “No hehelu-balatak fo Au taon no emi, hehelu-balatak fo nanapakunisak nenik bana tutunu-hohotuk daan-na, neukose Au soi-po'i o laum fo manadoi-doso nai mamana tu'u-tapak dalek sama leo hataholi nanalongak-ka nai oedolu ma'dak dale.

HATAHOLI 16:24

Hu ka nde paleta ndia de malanga bui taos duas leo bui a kama mate'e na neu, boema ala lange duas ei na ninik balok.

IBRANI 10:36

Paluu emi boso haelai mamanasa, fo ela emi hapu tao-no'i Manetualain hihii-nanaun, ma no enok ndia, emi sipo hata fo Ana helu ka.