YEREMIA 38:4 - Susula Malalaok Hehelu Palak Ma Hehelu Beuk

⁴ Boema asa mauli-malangan sila-la leu lo manek-ka de lafa'da lae, “Hataholi ia muse nanahuku nisak. Nana no hala-kokolan leondiak-ka de, ana taon-na basa soloda'duk-kala ma hataholi fe'ek fo ala bei leo nai kota ia aon-nala ma'a. Ana ta tulu-fa laun-nala fa te, ka'da ana tao nakatoto'a-nakatatak-kasa.”

YEREMIA 38:4 ပူးပေါင်းရင်းမြစ်များ

1RAJA-RAJA 21:20

Lelek Ahab nita Elia boema nae, “Hai musunok konei, Mate'e na o matango moo au!” Elia nataa nae, “Tete'e ka. Hu kande Tuan nakikisak dalen-na, fo tao hata mangalauk nai Manetualain mata memeten-na,

2TAWARIKH 24:21

Tehu laun-na tao nakabua makahatuk soaneu la'ban Zakharia, de Manek Yoas-sa tunga nai nakabubuak ndia dalek. Ana ta nafandele Yoyada fo Zakharia aman tatao-nono'i malolen-na ma lilinekan fa. No manek-ka paletan-na de Zakharia nanapiak nenik batu losa maten nai Manetualain Uman-na so'dan-na. Nai lelek Zakharia sanga ketu hahae-na, naloo bou-bou nae, “Sa'di leo bee na Manetualain nita emi tatao-nono'im ia fo Ana balas-sana!”

EZRA 4:12

Ela leo been-na, Ama Manek bubuluk, mae hataholi Yahudi, fo mana la'o ela nggolo-nggolo fe'ek manai Ama Manek nusan ia dalek-ka, besak ia, ala leo lahele nai Yerusalem so, de lafofo'a falik kota mangalauk, ma ta manatunga paleta ndia fa. Ala mulai lafofo'a seluk papala nanadaman-nala, ma ta dook-ka so'on te, neukose basa bela-ba'uk ndia so.

NEHEMIA 6:9

Ala so'ba lakabibiik ami, fo ela ami hahae bela-ba'uk ndia. Boema au hule-haladoi ae, “Ou Manetualain, matetea-mahehele au!”

KELUARAN 5:4

Boema, manek-ka nafa'da Musa no Harun nae, “Emi mapalani manseli, taom-ma hataholi sila-la hahae ue-le'din-nala? Madenu ata sila-la, fo laue-lale'di lakandoo!

YEREMIA 11:21

Kota Anatot hataholin-nala hii ela leo been-na Au mate. Sila lafa'da lae, “Metema O tui benga Manetualain hehelu-balatan neu ami tataas esa soona, neukose ami taomisa o.”

YEREMIA 18:23

Tehu O. Manetualain, O bubuluk la'i esak sila dudu'a-dodok fo soaneu labasa au samaneng-nga. Hu ndia de boso fe do'o-do ampon neu sila. Boso lose heni sila salan-nala. Fepa-li'us losa ala tu'u. Laka-makaseti neu sila nai O nasa-melum-ma dalek”.

YEREMIA 26:11

Basa imam-mala, ma nabi-la lafa'da neu malangan sila-la, ma neu laun-nala nae, “Hataholi ia nad nanahuku nisak nanahu ana kalua hala-kokolak fo la'ban ita kotan ia. Emi mamanene matam so.”

YEREMIA 29:7

Maue-maosa soaneu kota-kota fo Au tu'u-tapa emi lo mamanak-ka meu-a tetu-teman. Hule-haladoi neu Au, soaneu kota-kota sila-la palun-na, nana metema kota-kota sila hapu-dai soona, neukose emi boeo hapu-dai.

YEREMIA 38:16

Manek Zedekia ana helu au no nafufunik, nae, “Nenik Manetualain fo maso'dak-ka, Manetualain fo manafe so'dak neu ita, au supa-soo ae, au ta tao isa o, do au fe o neu hataholi fo mananau tao nisa o-a.”

YEREMIA 38:25

Nai lelek basa mauli-malangan-nala lamanene lae, au kokolak o o, soona neukose ala mai malatane neu o la'eneu ita nakokola aon-na. Neukose laketu soaneu ala ta tao lisa o fa, metema o tui la'iesak basa-basan neu sila.

YEREMIA 43:3

Barukh fo Neria anan ndia nde nafa'da o soaneu fufu'di-oo'dok ami fo ela hataholi Babel-lala koasa ami, ma ala tao lisa ami, do foo leni ami lo Babel.”

YESKIAL 22:27

Manapaletan-nala sama leo busa fuik-ka, ana sisii-lulu'i nana'an-na. Ala lanisa, ka'da soaneu sanga nanalak.

AMOS 7:10

Amazia, imam nai Betel, ana haitua halak ia neu Yerobeam fo Israel manen-na nae leo ia, “Amos tutu'u eno mangalauk no laun-nala, fo ala la'ban Manek-ka. Neukose ana tao nakalulutuk nusak ia, nenik dede'a-kokola manadudungu-papau laun-nala.

LUKAS 23:2

Ala losa ndia boema, ala mulai kalaa kana lae, “Ami hapu ma Hataholi ia tao na lau nala latofa-latalak. Ana dudungu-papau hataholi la fo ala boso bae bea leo Kese la neu, nana nafa'da nae, Ndia nde bee na ami Mane ma, Manek Mana Fe So'dak fo Manetualain helu ka.”

HATAHOLI 16:20

Lo Paulus no Silas leu lataa mana paleta Roma de ala kalaak duas lae, “Hataholi ia la hataholi Yahudi. Ala mai tao tasi'bu nai ita kota na.

HATAHOLI 17:6

Tehu lelek fo ala ta hapu Paulus no Silas fa boema, ala lele'a-loloso Yason ma hataholi kamahehele fe'ek de'ubee leo mana-mana paleta fo mana koasa manai kota ndia matan leu. Ala eki ma lae, “Hataholi ia la tao tasi'bu nai basa mamanak lala'ena! De besak ia ala losa ita kota na so,

HATAHOLI 24:5

Ami ho'u ma hataholi ia hataholi mana tao tasi'bu mangalauk. Nai basa mamanak lala'ena nakadada'dik tasi'bu nai hataholi Yahudi la tala'da, ma ana da'di mauli-malangan nai hataholi Nazaret tala nakabua na.

HATAHOLI 28:22

Tehu ami hii bubuluk tolanoo ka namahehele na, nana ami basa-basa mala mamanene hataholi la lakamu-lakadau nanolik fo tolanoo ka namahelen ndia.”