YEREMIA 38:23 - Susula Malalaok Hehelu Palak Ma Hehelu Beuk

²³ Au afa'da seluk ae, “Basa Ama Manek sao anan lala'en-na neukose nananenik lo deak neu, lo hataholi Babel-lala. Ama Manek boeo neukose ta mala deak neme sila mai fa. Ama Manek-ka neukose nanaho'u nak neme manek Babel-la mai, ma kota ia nanahotu-heni la'isak-kana.”

YEREMIA 38:23 ပူးပေါင်းရင်းမြစ်များ

2RAJA-RAJA 25:7

Ala taolisa solda'dun-nala, neme matan-na. Basa ndia boema, ala e'do heni Zedekia mata de'en-nala, boema ala langen, de loon leo Babel neu.

YEREMIA 21:10

Au aketu basa so, soaneu tao akalulutuk kota ia, te au ta sue-lain fa. Neukose kota ia nanafeek neu manek Babel-la; neukose au ot heni la'i esak-kana makandondook. Au, Manetualain, nde manakokolak-ka.”

YEREMIA 32:4

de manek Zedekia ta nala deak fa. Neukose ndia nanafek lo manek Babel-la neu, fo nasasale matak no manek ndia fo ana kokolak matan non.

YEREMIA 34:3

Neukose o ta mala deak fa, te nanaho'u nak de nanafek leo ndia neu. Neukose o motongo mon de o kokolak matan mon, boema neukose leni o leu Babel.

YEREMIA 37:8

Boema neukose hataholi Babel-lala fali ma ala sapu-la kota ia, boema ala tao lakalan ma ala hotuhenin.

YEREMIA 38:18

Tehu metema o ta nau sene-do'ok neu fas soona, neukose kota ia ana tu'da lo hataholi Babel-lala liman dale neu. Neukose ala hotuhenis losa basa la'iesak-kana, ma neukose o ta maladeak fa.”

YEREMIA 38:24

Boema Zedekia nafa'da nae, “Boso mafa'da neu esa boen la'eneu ita dua nakokola aon ia, fo ela o aopam-ma boso nanafepa-li'uk.

YEREMIA 39:5

Tehu soloda'du Babel-lala usi laheles den ala ho'u-la Zedekia neme mook matetuk Yerikho-a. Basa boema lon lo manek Nebukadnezar-ra nai kota Ribla fo nai Hamat nggolo-ta'dun, boema laketu huhuku nisak neun.

YEREMIA 39:6

Nai kota ndia boe, anan-nala basa nanatao nisak nai matan-na, ma basa mauli-malangan manapaletak manai Yehuda boeo nanatao nisak-kala.

YEREMIA 41:10

Makabuin-na boema Ismael ho'un-na la'iesak manek-ka ana fe'on-nala ma basa hataholi fo bei elak manai Mizpa, fo Nebuzaradan fes leu Gedalya paletas-sala. Ismael foonenis boema ana la'ok nos de lalanga lo Amon leu.

YEREMIA 6:12

Neukose, uman-nala nanafe henik, leo hataholi fe'ek neu, leondiak boe, tina-nala ma saoinan-nala boe. Laun nusak ndia, neukose Au hukus.

YESKIAL 14:9

Metema, nabi esa nanake'di-ndiu basak, nalosa ana fe natataa masalak soona, Au nde ke'di-ndiu nana. Au, Manetualain Fo Mademaina, neukose kalua henin neme hataholi Israel-la dalek mai.

YESKIAL 17:15

Tehu mane Yehuda lena-la'ban, boema nadenu hataholi neu leo Masir neu, fo mane Masir-ra fen ndala ma solda'du makadotok. Tehu, ade ana hapu buna-boan do ta? Ade, nadenu hataholi-la, laso'da do ta? Hataholi manamalelesi hehelu-balataak-ka, muse hukun!

YESKIAL 43:3

Ninitak ndia, sama leo au itan nai lelek, Manetualain mai tao nakalulutuk Yerusalem-ma, ma sama leo au itan neme Lee Kebar-ra. Boema au bala u dae, de au sene-do'ok.