YEREMIA 38:21 - Susula Malalaok Hehelu Palak Ma Hehelu Beuk

²¹ Tehu metema Ama manek ta solokao inan-na neu fa soona, Manetualain fe basa ninitak neu au so, la'eneu hata fo neukose ana da'di.

YEREMIA 38:21 ပူးပေါင်းရင်းမြစ်များ

2TAWARIKH 36:12

Ndia boeo nasala-nasingo neu Manetualain Ana ta nau nakaloe-nakadae aoinan-na ma ana ta nau tunga Nabi Yeremia fo manamanduku-malosak hala heheluk neme Manetualain mai soaneun fa.

AYUB 23:13

Manetualain ndia, ta nasafali fa; ta hapu hataholi bisa la'ban-nana fa. Ana tao su'di beek, fo nahiik-kana.

AYUB 34:33

Masa bole Manetualain tao natetu hata fo o mahiik-kana, te sekona Manetualain tatao-nono'in soona o ta mahiik-kana? Besak ia, o nde maketu, te ta Au fa. Mafa'da o hahapum-ma ndene-bee!

KELUARAN 16:28

Boema, Manetualain, nafa'da Musa nae, “Emi ta nau tunga Au paletang-ngala losa faihi'da?

YEREMIA 26:15

Tehu mafandendelek te, metema emi tao misa au soona,, emi ma kota ia laun-nala neukose lu'a-lepa sala singok neme hataholi sala taak ndia nakanisan-na mai. Nana, Manetualain nde nadenu au soaneu fe nasanene'dak ndia neu emi.”

YEREMIA 38:20

Boema au ataa ae, “Ta, Neukose ala ta fe Ama Manek lo sila neu fa. Au dokodoe no namahehenak, fo ela Ama Manek tunga Manetualain hala haituan-na; meten te basa lala'en-na lamadai, ma neukose ala ta tao lisa Ama Manek fa.

YEREMIA 38:22

Nai ninitak ndia dalek, au ita inak-inak fo bei manai Yehuda uma manen-na basa-basas nanafoo nenik lo deak neu fo leo manek Babel-la mauli-malangan-nala neu. Ala bei la'ok, te lafa'da lae, ‘Manek-ka nananakadadaek neme tia-lai dedenan-nala mai, ma ala koasa-nan. Besak ia, basa ein-na sapi lo'do lo lane dale neu soona, sila basa-basas lakano'dok.’ ”

YEREMIA 5:3

Te'e-te'e, Manetualain nokek-ka nde, lilinekak-ka. Manetualain fepa emi, tehu emi ta mafaduli fa. Ana tao nakalulutuk emi, tehu emi ta nau nanoli emi fa. Emi langa batu, ma ta nau tuka tei-sale dale meme emi sala-singom mai fa.

YESKIAL 2:7

Manduku-malosak Au hala hehelung lala'en-na neus, su'di ala nau lamanene do ta. Mafandendelek te, hataholi sila-la, malenalanga-masabasook-kala.

BILANGAN 24:13

leomae Tuan fe la'iesak lilofulak, ma lilopilas manai Tuan uma manen-na boeo, au ta bisa la'olena Manetualain paletan-na, fo au tao hata esa, tunga ka'da au dale hihiing-nga fa do? Ka'da au bole afa'da hata fo, Manetualain nadenu au afa'dan.”

HATAHOLI 18:6

Tehu, hu ka nde hataholi la ka'da ala la'ban lakandoon ma lakamumulu-lakamamae kana boema, ana ngganggafuheni daesopuk manai bua-lo'a papake na, fo ana da'di neu ta'du-tana soaneu ana fe nasanene'dak neu hataholi sila sala-singo nala. Paulus nae, “Metema emi hapu susa-soe soona emi salam ndia! Te au po'i au lima nga! Mulai besak ia, au sanga u leo hataholi ta Yahudi la.”

IBRANI 12:25

Hu ndia de, masanene'dak fo boso nalosak emi ta nau mamanene Ndia fo mana kokolak neu emi a. Sila fo ta nau lamanene Ndia fo mana maik leo daebafa ka mai, ma nanduku-nalosak halak maneme Manetualai na mai, ana ta bisa nalai fa. Mu'da hata no ita ia fo mana mamanene Ndia fo mana kokolak neme nusa so'da ka mai a. Metema ita ta nau tamanene fan soona, hapu nai bee ita bisa taladeak!