YEREMIA 38:16 - Susula Malalaok Hehelu Palak Ma Hehelu Beuk

¹⁶ Manek Zedekia ana helu au no nafufunik, nae, “Nenik Manetualain fo maso'dak-ka, Manetualain fo manafe so'dak neu ita, au supa-soo ae, au ta tao isa o, do au fe o neu hataholi fo mananau tao nisa o-a.”

YEREMIA 38:16 ပူးပေါင်းရင်းမြစ်များ

PENGKHOTBAH 12:7

Neukose ita aopaan-na ana fali, fo ana da'di afu nai daebafak-ka. Neukose ita ani hahaen-na, ana fali leo Manetualain neu. Ndia nde manafe-ka, fo da'di leo baba'e-babatik.

YESAYA 42:5

Amak Manetualain nakadada'dik, ma nakapepela lalai-a; Ana nakadada'dik daebafak-ka, ma basa manamolik manai lain lala'en-na. Ana fe hataholi daebafak-ka, ani hahae maso'dak ma samanek. Ana nanduku-nalosak hala heheluk ia, neu atan-na.

YESAYA 57:16

Au ta fe salak neu Au anang-ngala, losa dodoon-na fa; Au ta amanasa akandondoo henin fa, fo ela ala manggate lakandoo, te se'kona, Au nde fes maso'dak-ka.

YEREMIA 34:20

Neukose Au fe emi lo musu-a fo lahik tao lisa emi-a. Neukose manupui-la ma bana makisu-makak-kala la'a emi popolam-mala.

YEREMIA 37:17

Makabuin-na boema manek Zedekia nadenu hataholi no au u ata nai uma manek-ka. Nai ndia no nafufunik ana natane neu au, ade hapu hala-haituak neme Manetualain mai. Au ata ae “Hapu.” Boema au tama seluk ae neukose “Ama Manek nanafek lo manek Babel-la.”

ZAKHARIA 12:1

Manetualain hala hehelun la'eneu Israel nde ia. Manetualain fo nakapepela lalai-a, ma nakadada'dik daebafak-ka, boema manafe maso'dak neu hataholi daebafak-ka, nafa'da nae,

BILANGAN 16:22

Tehu Musa no Harun senek, de lafa'da lae, “Ou Manetualain, O nde fe maso'dak neu basa hata maso'dak lala'en-na. Metema ka'da hataholi esa mesak-kana nde nasala-nasingo soona, ade O mamanasa basa hataholi Israel-la lala'en-na do?”

BILANGAN 27:16

“Ou Manetualain, fo manafe maso'dak neu basa maso'dak lala'en-na, au dokodoe, fo matu'du hataholi esa, soaneu nauli-nalanga leoina ia;

YOHANIS 3:2

Le'odaek esa boema, neu leo Yesus neu, de natanen nae, “Ama Mesen, ami bubuluk Manetualain nde nadenu Ama mai. Nanahu hataholi ta hapu tao manda'di beuk, sama na leo Ama tao kala fa, metema Manetualain ta nok hataholi ndia fa.”

HATAHOLI 17:25

Ndia boeo ta paluu hataholi daebafa ka tutulu-fafalin fa, nana Ndia nde mana fe maso'da ka, ani hahae ka, ma basa hata lala'ena neu hataholi daebafa ka.

HATAHOLI 17:28

Sama leo hataholi la lafa'da basan lae, ‘Ita taso'da ma ita takababale nai daebafak ia, nana Manetualain koasa na.’ Sama leo emi hataholi mana tao binim de'ubee lafa'da lae, ‘Ita basa-basa tala nde bee na, Manetualain anan.’

IBRANI 12:9

Ita tanuu amak nai daebafa ka. Ana nanoli ita, ma ita fe ha'da-holomata neun. Naa, muda hata no ita Ama samanen manai nusa so'da ka bai, tao leo bee o ita muse takatele neun, fo ela ita taso'da.