YEREMIA 36:3 - Susula Malalaok Hehelu Palak Ma Hehelu Beuk

³ Fafa'kama hataholi Yehuda-la neukose ala tao hahae mangalauk, metema ala lamanene la'eneu basa susa-soe fo neukose Au tuni-ndeni neu sila. Soona neukose Au fe do'o do ampong neu sila salan-nala, ma mangalaun-nala.”

YEREMIA 36:3 ပူးပေါင်းရင်းမြစ်များ

NEHEMIA 1:9

Tehu metema ami fali seluk leo O mai, ma ami tunga O paletam-ma soona ami fo manatapasasalak ia-la, neukose O tao makabubua seluk ami, leomae ami nai daebafak-ka pe'dan-nala boe. Boema neukose O moo falik ami leo mamanak fo O hele basan soaneu da'di mamana huhule-haladoik neu O.

MAZMUR 139:24

Mete te, fafa'kama hapu mangalauk nai au so'dang-nga dalek, fo hela-nole au leo enok manaketu-basa taak-ka neu.

YESAYA 6:10

Boema, nafa'da au nae, “Tao mapa'a hataholi sila-la dudu'a-aafin-nala, tao mapake di'idoon-nala, ma tao mapoke matan-nala, fo ela ala boso lita, lamanene do lalelak, soona ala fali ma'is leo Au mai, fo ala lea-hai.”

YEREMIA 18:11

Manetualain nafa'da neu au nae, “Besak ia mafa'da meu hataholi Yehuda-la ma Yerusalem laun-nala mae, Au sanga tao dudu'a-dodok soaneu la'ban sila, ma sadia huhukuk soaneu sila. Madenus fo ala hahae sila so'da-molen fo masala-masingok ndia, boema tao lahii sila ha'da-paliin ma tatao-nono'in-nala.

YEREMIA 18:8

boema leoina ndia tuka tei-sale dale neme ndia sala-singon-nala mai soona neukose Au pe'da tataak Au dudu'ang ndia.

YEREMIA 23:14

Tehu Au ita nai Yerusalem bai soona, nabi-nabi-la tao-no'i mangalauk lena seluk bai. Ala lasapepeko-lasandandali ma ala hohonge, boema ala tulu-fali hataholi fo manatao-no'i mangalauk-ka de nalosa ta hapu hataholi esa Taka Tei-sale dale boen. Ba'eneu Au soona, basa-basas mangalauk-ka sama leo Sodom ma Gomora.”

YEREMIA 24:7

Neukose Au fes dudu'a maneu soaneu lalelak lae, Au ia Manetualain. Soona neukose sila da'di Au anang-ngala, ma Au da'di sila Manetualain-na, nanahu ala fali lo Au-a mai no dale katematuak.

YEREMIA 26:3

Fafa'kama leoina ndia nau namanene boema ala hahae tao mangalauk soona, Au pe'da tatak Au dudu'ang-nga soaneu akatoto'a-akatatak sila nanda no sila tatao-nono'in fo mangalauk-ka.”

YEREMIA 35:15

Au adenu laiesak Au atang-ngala ma basa nabi-la neu emi tatas es, fo ala nasiat emi soaneu tao mahii emi ha'da-tataom-mala, ma bosobai tao mangalauk ba'in. Ala fe emi nasanene'dak fo boso sene-do'ok neu lamatua daebafak fe'ek ma boso makaluku-makatele neu sila, fo ela emi leo mahele nai nusak ia, fo Au fe basan neu emi bei ba'ikai manamatem-mala. Tehu emi ta nau tao afik ma ta nau mamanene neu Au fa.

YEREMIA 36:7

Fafa'kama no enok ndia, fo ala hule-haladoi neu Manetualain, ma ala tuka tei-sale dale neme sila tatao-nono'i mangalaun-nala mai. Manetualain namanasa nanseli nos, de ana fepa-li'us.”

YESKIAL 12:3

Hu ndia de, hai hataholi daebafak fo, manasapu-manalalok-konei, poti-ma o bua-lo'am neu popotik esa dalek, bei dai le'do-a beita tenak ia fa, sama leo hataholi nanatu'u-tapak-kala biasa taon. La'oela o umam-ma no le'do-le'dok, nai fai lele'don-na, sama leo hataholi fo loon leo mamana tu'u-tapak neu. Nai hataholi malenalanga-masa'basook sila-la matan, tao bolok neu o umam-ma papalan-na, soona ho'i-ma o popotim-ma, fo kalua tunga bolok ndia. Masaa-ma, popotik ndia, fo makahatu kiu-kiu soona, la'o leona; potiketu o mata-panam, fo ela o boso mete mita enok fo o tunga ndia. Nemen-na fo, basa leoina Israel-la lala'en-na, lita basa hata fo o taon ndia, fo ela ana da'di nasanene'dak ba'eneu sila. Fafa'kama ala bubuluk, lae sila nde malenalanga-masabasook-ka.”

YESKIAL 18:23

Ade, o dodoo mae, Au Manetualain Fo Mademaina, namahoko, metema mate hataholi mangalauk-ka do? Ta makandondook! Au hii, ana tukatei-saledale neme sala-singon-nala mai, fo ela naso'da nahele.

ZEFANYA 2:3

Fali ma'im-ma leo Manetualain mai leona, hai basa hataholi dale taidaek manai nusak ia, ma basa hataholi manatunga paletan-nala lemin! Tao tunga Manetualain dale hihiin-na, ma makaloe-makadae aom-ma nai matan-na. Fafa'kama, neukose emi mala huhukuk-ka deak, nai Manetualain fain fo natu'du nasa-melun-na.

MATEOS 13:15

Nanahu hataholi ia la, dudu'a-aafin nala pa'an so, di'idoo nala pakes so, ma mata nala lasusungu kana so. Dede'ak ia ana da'di, fo ela mata nala boso lita, ma di'idoo nala, boso lamanene, dudu'a aafin nala, boso lamatane, fo ela, ala boso fali leo Au mai, fo Au boso tao ahais.’ ”

MARKUS 4:12

fo ela ‘Ala taoafik lakandoo, tehu ala ta bubuluk hata fo ana dadi fa, neukose lamanene lakandoo, tehu ta lalelak fa, dede'ak ia ana dadi, fo ela ala boso lita ma lalelak, ma ala boso mai leo Manetualain mai, fo Manetualain fes do'o do ampon.’ ”

LUKAS 20:13

Mate'e na boema, osi lamatuak ndia nae, ‘Au muse tao beek bai? Neukose au adenu au ana susue nga neu. Tao leo bee o neukose ala fe ha'da-holomata neun!’

HATAHOLI 26:18

fo tao ma mata nala lalaak, fo daenga ala kalua leme makahatuk dale leo mangale'do ka dalek, ma latapo'i leme Nitu dudungu-papaun mai, fo ela Manetualain koasa nalas. Fo no namahehelek neu Au ndia, Au fe do'o do ampon neu sala-singo nala, fo ala da'di Manetualain hataholi kamahehele nanahelek.’ ”

HATAHOLI 26:20

Au kokolak no mangale'dok o hataholi la ae, sila muse tukatei-saledale leme sala-singo nala mai, fo ala fe so'da na leo Manetualain neu, ma latu'dun nai maso'da nala dalek lae, sila tukatei-saledale leme sala-singo nala mai so. Au afa'da dede'ak ndia makasososa na neme Damsyik, de basa boema neme Yerusalem, ma neme basa Yudea lala'ena, ma neme basa hataholi ta Yahudi la tala'da.

HATAHOLI 28:27

Nanahu leoina ia dudu'a-aafin, ta lamatane so'on, di'idoo nala da'di pakek so, ma mata nala lasusungu kana so. Dede'ak ia ana da'di, fo ela mata nala boso lita, di'idoo nala boso lamanene, dudu'a-aafi nala boso lalelak, fo ala boso fali leo Au mai, fo Au tao alea-ahais.’ ”

HATAHOLI 3:19

Hu ndia tolano-tolanoo ngala lemin, tukatei-saledale meme emi sala-singo mala mai leona, fo fali leo Manetualain mai, fo ela Ana kokaheni emi sala-singom sila la.

ULANGAN 30:2

Metema emi ma emi tititi-nonosim-mala, nau feli leo emi Manetualain-ma mai, ma emi tunga basa paletan fo, au fen neu emi, nai faik ia no emi dalek-katematuam-ma,

ULANGAN 30:8

Neukose emi tunga Manetualain seluk, ma emi makalala'ok basa paletan fo, au fen neu emi nai faik ia.

ULANGAN 5:29

So'ba metema sila lanuu dudu'a leondiak nahele! So'ba metema ala fe ha'da holomata tataas esa neu Au, ma ala tunga la'iesak Au paletang-ngala soona, sila ma sila tititi-nonosin laso'da no tetu-temak losa dodoon-na!

2 PETRUS 3:9

Amak Manetualain ta nakamama'ak fe hata fo Ana helu basa ka fa, leomae hataholi nggelok laedaenga leondiak. Dede'a nasafali na, Ana ta hae lai namanasa emi fa nana, Ana ta nau mate-mopo emi esa boen. Ana nau fo ela basa hataholi lala'ena, ala tuka tei-sale dale bee no'u leme sala-singo nala mai.

SEMUEL SUSULAK-KA ESAN-NA 7:3

Boema, Semuel nafa'da hataholi Israel-lala nae, “Metema, emi sanga fali leo Manetualain meu, fo sene-do'ok-kana no dalek-katematuak soona, emi muse tu'u-tapa heni basa nusa dea-la lamatua daebafan-na, ma lamatua daebafak inak Asytoret-ta dodoki-dudulan. Fe la'iesak emi aoinam-ma neu Manetualain ma ka'da sene-do'ok neun soona, neukose Ana soi-po'i emi neme hataholi Filistin-nala mai.”