YEREMIA 33:3 - Susula Malalaok Hehelu Palak Ma Hehelu Beuk

³ “Maloo bou-bou neu Au, soona neukose Au ataa; neukose Au afa'da neu emi dede'ak fo neulau ina-la, ma matua-madema-la fo emi beita bubuluk fa.

YEREMIA 33:3 ပူးပေါင်းရင်းမြစ်များ

MAZMUR 145:18

Ana deka no hataholi fo, naloo bou-bou neun, ma manadokodoen neun, no dale ndoos.

MAZMUR 25:14

Manetualain nde been-na, hataholi kamahehelek-ka tia-lain, nafa'da dudu'a-aafin neus.

MAZMUR 50:15

Maloo bou-bou neu Au, nai lelek fai toto'a-tataak-ka, neukose Au soi-po'i emi, ma neukose emi koa-kio Au.”

MAZMUR 91:15

Metema, ana naloo bou-bou neu Au soona, neukose Au ataan. Neukose Au tulu-falin, nai fai toto'a-tatan-na; ma neukose, Au atapo'in, ma Au fen ha'da-holomata.

YESAYA 45:3

Boema neukose Au fe o su'i-betes fo, nananafunik-ka, fo ela o bubuluk, Au nde Amak, fo Israel Manetualain, fo naloo basa o, nenik o na'dem-ma,

YESAYA 48:6

Basa Au dede'a nafa'da elang, fo o mamanenek-kala, ala da'di so; o muse manaku, mae Au hala-kokolang sila-la, la'en. Besak ia, Au tui-benga dede'a beuk-kala, nanabibila-babaak-kala, fo o beita bubuluk-kana fa.

YESAYA 65:24

Ala beita dokodoe fa te, Au ataa so; ala beita hule-haladoi basa fa te, Au sipok basa sila huhule-haladoin so.

YEREMIA 23:35

Nasafalin-na, hataholi esa-esak muse natane neu nonon-na do neu uma isin-na, ‘Natatak neme Manetualain mai-a?’ do ‘Manetualain nafa'da nae leo bee?’

YEREMIA 29:12

Boema neukose emi moke tutulu-fafalik neme Au-a mai. Neukose emi mai fo soaneu hule-haladoi neu Au, soona neukose Au ata emi huhule-haladoim.

YEREMIA 32:17

“Manetualain Fo Madema ina, O nde makadada'dik lalai-a ma daebafak-ka nenik O koasam-ma, ma O be'i-balakaim fo matuaina ndia. Ta hapu hata esa fo matea ba'eneu O fa.

YEREMIA 32:27

“Au nde been-na Manetualain, fo basa hataholi Manetualain-na. Ta hapu fo matea ba'eneu Au fa.

DANIAL 2:18

Nadenus fo ala hule-haladoi neu Manetualain nai nusa so'dak-ka, fo ela Ana sue-lai sila, ma nafa'das me'is ndia bibila-babaan leobeek. No enok ndia, neukose ala ta hukulisa sila loo hataholi malelaina fe'ek-kala fa.

DANIAL 2:22

Ndia nde nafa'da bibila-babaak mademaina. Ndia bubuluk basa hata lala'en fo ana da'di nai makahatuk dale. Mandela-masa'an-na poti-nan.

DANIAL 2:23

Ou, Manetualain fo au be'i-ba'i kaing sene-do'ok-ka. O nde au koa-kio ma amatutua-amadedemak-ka. Nana O fe au manatee-tenok ma be'i-balakaik. O sipok ami dokodoem-ma. Ma O matu'du basa natataak soaneu manek-ka so.”

YOEL 2:32

Tehu ba'eneu see, fo ana dokodoe noke Manetualain tutulu-fafalin soona, neukose ana hapu so'dak. Manetualain nafa'da nae, “Au hele hataholi manai Yerusalem-mala, neukose laso'da.”

AMOS 3:7

Manetualain Fo Mademaina, metema beita nafa'da dale tutu'un-na neu basa nabi la, fo atan-nala fa soona, Ana beita tao hata esa boen.

MIKHA 7:15

Tao manada'di beuk soaneu ami leon, ou Manetualain, sama leo makahulun-na O taon, nai lelek O moo falik ami neme Masir mai.

MATEOS 13:35

No enok ndia, hata fo nabi la lafa'da basa ka ana da'di nae, “Metema Au kokolak o hataholi sila la soona, Au pake nakandandaak; neukose Au tui-benga dede'a nananafuni kala, mulai neme daebafak ia dada'di na mai.”

HATAHOLI 2:21

Neu faik ndia te metema see nalo neu Lamatua ka soona, neukose naso'da.’

EFESUS 3:20

No Manetualain koasan fo Ana tao-no'i no mahelek nai ita dalen dale a, Manetualain hapu tao-no'i ba'u ka seluk bai, neme hata fo ita token do ita dudu'a-dodoo nana.

ULANGAN 4:29

Boema, neukose emi sanga emi Manetualaim-ma, fo metema emi sangan no emi dale katematuam-ma soona, neukose emi hapun.

ULANGAN 4:7

Leoina matuaina beek-kande, nanuu lamatua daebafak fo metema paluun soona, ana deka nanseli, sama leo ita Manetualain-na Ana deka no ita? Metema ita taloo bou-bou toke tutulu-fafalik soona, nataa ita, su'di neu fai beek ndia boe.

NINITAK 2:17

Ba'eneu see fo ana hapu namanene soona, ela leo bee na ana taoafik neu hata fo Manetualain Dula Dale na nafa'dan neu hataholi kamahehele nala! Sila fo manasengi kala, neukose Au po'i fes la'a loti manna fo nananafuni ka, ma esa-esak neukose ana sipo batu fulak esa neme Au mai. Nai batu ndia, nanasulak na'de beuk esa fo esa boeo ta bubulu kana fa, ka'da hataholi mana sipo nana.”