YEREMIA 32:30 - Susula Malalaok Hehelu Palak Ma Hehelu Beuk

³⁰ Neme hataholi Israel ma hataholi Yehuda-la tutui makasososan-na mai-a, ala tao-la Au daleng-nga ta namahoko fa. Ala tao lafo'a Au nasang-nga nenik sila tatao-nono'i mangalaun-nala.

YEREMIA 32:30 ပူးပေါင်းရင်းမြစ်များ

KEJADIAN 8:21

Tutunu-hohotuk ndia, boomenin-na tao namahoko Manetualain dalen-na, boema Ana dodoo nai dalen dalen-nae, “Neukose Au ta soo-supa seluk daebafak ia so'on, hu kande hataholi daebafak-ka tatao-nono'in; Au bubuluk, hataholi daebafak-ka dudu'a-aafin ndia, mangalauk neme bei muli-solun-na mai. Neukose, Au ta tao amopo-amate basa mahahae maso'dak, fo bei kaso'dak-kala so'on, sama leo besak-ka Au taok ia.

YESAYA 63:10

Tehu ala lena-la'ban, de ala tao lakahehe'dik, Manetualain dalen-na. Boema, Ana nasafali da'di sila musun, de Ndia mesak-kana, natee-natati la'ban-nasa.

YEREMIA 11:17

Au nde apadedeik Israel ma Yehuda, Au, Manetualain Fo Manakoasa. Tehu besak ia Au dudu'a basa soaneu Au eni fe susa-soe neu sila. Sila nde tao aon basa sila-la, nanahu la tao basa mangalauk so, fo nde ala fe tutunu-hohotuk neu Baal-la, de nalosa Au amanasa.”

YEREMIA 2:7

Au os leo, nusa maoe-maisik-ka neu fo la'a buna-boak, ma basa hata malole lala'en manai naa-la. Tehu ala losa ndia boema, ala tao langgenggeo Au daeng-nga, ma ala tao Au hata-hetong da'di hata esa fo nanamaluak.

YEREMIA 22:21

Au kokolak basa neu emi nai lelek emi so'da molen-na malole, tehu emi ta nau mamanene. Memak emi ha'da tataom neme makahulun eli mai losa besak ia leondiak; beita la'i esa fo emi tunga Au paletang-nga fa.

YEREMIA 25:6

Nabi sila-la kena-ka'i emi boso sene-do'ok ma hule-haladoi neu lamatua daebafak fe'ek-kala. Ala kena-ka'i emi boso sene-do'ok neu sosongok-tatangok fo emi taom-mala sila, nana dede'ak sila-la tao-la Manetualain namanasa. Metema emi tao tunga Manetualain paletan sila soona, Ana ta huku emi fa.

YEREMIA 25:7

Tehu Manetualain nde nafa'da nae, emi ta nau mamanene fan. Nakalenak emi tao mafo'a nasan-na nanahu emi sosongo-tatangom sila-la. Emi nde tao aom huhukun-na Ana fen neu emi aopaam-ma.

YEREMIA 3:25

Da'di, nemen-na fo, ami lu'a-lepa bibii-mamaek, ma nemen-na fo, ami da'di matasi'da-matasaek. Nana, ami ma ami bei-ba'i kaim-mala, masala-masingo basa neu ami Amam Manetualain so, ma ami ta tunga mita paletan-na fa.”

YEREMIA 30:14

Basa emi manasue-manalain-nala lasanggango heni emi so; Ala ta nau lafandele emi so'on. Sama leo musu-a sapun-na emi, ma Au huku emi nenik nasak, nanahu emi sala-singom ba'uk-ka ma emi kilu-salam-mala matuaina.

YEREMIA 36:2

“Ho'im-ma susulak nanalunuk esa, fo sulak-kana nai ndia basa hata fo Au afa'da basan neu o la'eneu Israel ma Yehuda, ma la'eneu basa leoina lala'en-na. Sulak ma laiesak Au hala-kokolang ndek lelek Au kokolak makasososang neu o-a nai manek Yosia paletan-na tepo-lelen-na losa faik ia.

YEREMIA 44:3

Dede'ak ndia anan da'di nanahu laun-nala lasala-lasingo, de nalosa ala tao-la Au amanasa. Ala fe tutnu-hohotuk ma ala lakaluku-lakatele neu lamatua daebafak fo ala beita sene-do'ok lita fa, boema emi ma emi bei ba'i-kaim manamatem-mala.

YEREMIA 44:8

Tao le'e de emi tao dede'ak fo ana taon-na Au amanasa? Emi mai de leo nai Masir, fo nusa dea ba'eneu emi ndia, boema emi songo-tango ma fe tutunu-hohotuk neu nusak ndia lamatua daebafan-nala. Ade emi nau tao makalutuk emi aopam-ma fo ela emi nananakaumulu-nakamamaek neme basa leoina manai daebafak ia lala'ena-na, ma emi na'dem-ma nanapakek da'di leo supa-sook do?

YEREMIA 8:19

Mamanene! Te nai nusak-ka lala'en-na nadodolo, au leoinang kii ma lakadii-lakau no latane lae, “Ade Manetualain ta nai Sion so'on do? Manen-na, besak ia nai bee so?” Manetualain, fo sila manen-na nataa nae, “Tao le'e de, o sene-do'ok neu lamatua daebafak-kala, fo sosoa-ndandaan ta makandondook ndia fa? Tao le'e de, o tao makahehe'dik Au daleng-nga, nenik sene-do'ok neu sosongo-tatangok-kala?”

YESKIAL 20:28

Au os leo nusak fo, Au helu basa, Au fen leo sila neu so. Lelek fo, ala lita pupuku mademaina-ma, ma ai matuaina-la, doon-nala leloaka, boema leu tunu-hotu tutunu-hohotu nai mamanak sila-la. Ala tao-la Au amanasa, nanahu sila tutunu-hohotu nanatunun-nala, ma tutunu-hohotu angon-nala.

YESKIAL 20:8

Tehu, ala la'ban Au, ma ala ta nau lamanene Au fa. Ala ta nau tu'u-tapaheni dodoki-dudulak fo, nanamaluak sila-la fa, ma ala ta nau hahae sene-do'ok neu, sosongo-tatangok Masir sila-la boen. Nai lelek ala bei leme naa, Au sadia basa, fo sanga amanasas so.

YESKIAL 23:3

Nai lelek bei muli-solun-nala, ala leo leme Masir. Mopo na'de anafe'oanan-nala neme Masir, de ala da'di ina manasosoa-piaok.