YEREMIA 32:22 - Susula Malalaok Hehelu Palak Ma Hehelu Beuk

²² Nusak fo neulauk-ka ma malole-manapuk ia, O fen neu sila, sama leo hata fo O helu basak-ka neu sila be'i-balakai manamaten-nala.

YEREMIA 32:22 ပူးပေါင်းရင်းမြစ်များ

KEJADIAN 13:15

Neukose Au fe basa dae, fo o mitak ndia neu o, ma neu o tititi-nonosim, fo ela ana da'di o pusakam losa dodoon-na.

KEJADIAN 24:7

Manetualain, fo manakoasa lalai-a, no basa au eme au amang uman mai, ma neme au tolanoo ka'a-fa'ding-ngala mai, ma Ana soo-supa basa au, nae neukose Ana fe nusak ia neu au tititi-nonosing. Ndia boeo, neukose nadenu ata nusa so'dan-na, fo ana tulu-fali o, fo ela o hapu matongo moo saoinak esa nai naa, soaneu au anang-nga.

KEJADIAN 50:24

Nafa'da tolanoon-nala nae, “Au mamateng-nga deka so, tehu tao leo bee o, neukose Manetualain nakaboboi emi ma hela-nole emi kalua meme nusak ia mai, leo nusak fo Ana helu basan pake soo-supak neu Abraham, Isak ma Yakob.”

NEHEMIA 9:15

Lelek lamala'a ma ala to'a-ta nana'a-nininuk, O makona loti neme lalai mai. Ma O fe oe manatao namopo maa ma'dak-ka, nasapula neme batuisik matea ma mahelek dale mai, O madenus langatuu-la dae fo O helu neun nenik soo-supa.

KELUARAN 13:5

No soo-supak, Manetualain helu emi bei-ba'i kaim-mala, fo Ana fe emi leoina Kanaan, Het, Amori, Hewi ma Yebus nusan-na. Manetualain no basa emi leo nusak fo kamasu'i-makabetek, ma maoe-maisik ndia neu so, de tunga teuk, nai hataholi Yahudi-la bula Abib-pa dalek, emi muse tao feta ia.

KELUARAN 3:17

Ma Au aketu basa, soaneu Au os kalua leme Masir, fo mamanak sila nanatuni-ndenik, boema Au os leo nusak esa kamasu'ik ma nalole, fo nde leoina Kanaan, leoina Het, Amori, Feris, Hewi ma Yebus nusan-na.

KELUARAN 3:8

Hu ndia de, Au kona u, fo soi-po'is leme hataholi Masir-ra liman mai, fo Au os kalua leme nusak ndia mai, leo nusa maloaina esa neu. Daen-na kamasu'ik ma nalole, de besak ia, leoina Kanaan, leoina Het, Amori, Feris, Hewi ma Yebus ala leo lai nusak ndia.

YEREMIA 11:5

Metema sila tao-no'i basa sila-la soona, neukose Au tao atetu Au hala-hehelung-nga neu sila bei ba'i-kain-nala ae, nusak fo maisi-mamina ma tetu-temak fo besak ia ala langatu lak ndia, neukose Au fen neu sila.” Au ataa ae, “Malole, Manetualain.”

YESKIAL 20:15

Nai moo solokaek ndia boe, Au fes nasanene'da mahelek, ae neukose Au ta o leoina Israel-la, masok leo Au sadia fes dae-a leu, dae fo kamasu'ik ma maoe-maisik, ma malole nanseli nai basa daebafak-ka lala'en-na.

YESKIAL 20:6

Nai lelek ndia, Au soo ae, neukose Au oos kalua leme Masir mai, fo leu leo Au hele fes nusak-ka leu. Nusak ndia kamasu'ik, ma maoe-maisik, dae fo malole nanseli, nai basa daebafak-ka lala'en-na.

BILANGAN 14:16

O taomisa O anam-mala neme moo solokaek-ka, nanahu O ta mapalani moos leo nusak fo O helu basak-ka leu fa.

BILANGAN 14:30

Nai emi dalek, ta hapu hataholi esa boen, fo teun duahulu leo lain neu, neukose ana masok leo nusak fo Au helu fen neu emi ndia fa, te ka'da Kaleb ma Yosua nde masok leo dalek leu.

ULANGAN 1:35

‘Ta hapu hataholi esa boen, neme bobongik mangalauk ia mai, neukose ana masok leo nusak fo maoe-maisik, fo Au helu basan neu emi be-ba'i kaim-mala so.

ULANGAN 1:8

Au, fo Manetualain helu basa, Au fe dae ndia neu emi bei-ba'i kaim Abraham, Isak ma Yakob no basa sila tititi-nonosin-nala. Da'di, meu fo mangatuu-ma, dae ndia leona.’ ”

ULANGAN 6:10

“Emi Manetualaim-ma, naheluk no emi bei-ba'i kaim Abraham, Isak ma Yakob, nae neukose, Ana fe nusak ndia leo emi neu. Kota-kota-nala matuaina, ma tetu-temak mesa-mesan, tehu emi ta nde mapadedeik kota sila-la fa.

ULANGAN 6:18

Tao hata fo, tunga Manetualain mata memeten-na, malole ma ndos ma matetuk, soona neukose emi hapu tetu-temak. Dae maoe-maisi fo, Manetualain helu basan neu emi bei-ba'i kaim-mala, neukose ana da'di emi pusakam,

ULANGAN 6:23

Ana soi-po'i ita teme Masir mai, fo no ita leo ia mai, de Ana fe ita dae ia, sama leo Ana helu basan neu ita bei-ba'i kain-nala.

ULANGAN 7:13

Neukose, Ana sue-lai ma Ana fe emi baba'e-papalak, nalosa emi anam makadotok, fo emi dede'um-mala, boe popo-tama lakandoo. Neukose, Ana fe baba'e-papalak neu emi tinam-mala, nalosa labuna-laboa gandum, angol ma mina setun. Neukose, Ana fe emi baba'e-papalak, nalosa emi sapim-mala, bi'ihiim-mala, ma bi'ilopom-mala lamade'u. Neukose, emi sipo baba'e-papalak sila-la, nai nusak fo Manetualain fen neu emi, nandaa no hala hehelun neu emi bei-ba'i kaim-mala.

ULANGAN 8:1

“Basa hoholo-lalanek fo au fen neu emi, nai faik ia, emi muse tao-no'in no dalek-katematuak, fo ela emi maso'da mahele, ma emi boetai mamade'uk-ka, ma emi leo nai dae fo, Manetualain helu basan neu emi bei-ba'i kaim-mala.

YOSUA 1:6

Ela leo been-na, o mamahele ma mapalani, nana neukose o mauli-malanga leoina ia, nai lelek langatuu-la nusak fo Au helu basa, fen neu sila bei-ba'i kain-nala so.

YOSUA 21:43

Manetualain fe hataholi Israel-la dae lala'en, fo Ana helu basan nenik soo-supak neu sila bei-ba'i kain-nala. Langatuu-la nusak ndia boema, hataholi Israel-la leo lahele leme ndia.