YEREMIA 32:19 - Susula Malalaok Hehelu Palak Ma Hehelu Beuk

¹⁹ O dudu'a-dodoo fai manamaim-ma ana seli nanseli, ma O tatao-nono'im manada'dik beuk; O mita la'iesak hataholi daebafak-ka tatao-nono'in lala'en-na, de O balas-sala nanda no sila tatao-nono'in.

YEREMIA 32:19 ပူးပေါင်းရင်းမြစ်များ

1RAJA-RAJA 8:32

ou Amak, ela leo been-na O mamanenen nai nusa so'dak-ka, ma maketu O atam ia la dede'a na. Huku manamasala ka nandaa no tatao-nono'in, ma po'i sala taa ka.

2TAWARIKH 16:9

Manetualain mete leo daebafak-ka lala'en-na mai soaneu Ana fe be'ibalakain neu hataholi fo manalilinekak neun. O tao nakeketu ngoak so, hu ndia de mulai besak ia, neukose o la'ola'di natee-natatik tatasesa.”

AYUB 34:11

Ana balas hataholi daebafak-ka, nandaa no tatao-nono'in ma Ana taon nandaa no ha'da-paliin.

AYUB 34:21

Ana nanea besa-besa no, hataholi daebafak-ka so'dan-na, nita basa ei hahain lala'en-na.

MAZMUR 111:2

Tete'ek-ka, Manetualain tatao-nono'in matabeuk, nandaa, hataholi fo lahiik-kana, ala palisak matalololen.

MAZMUR 34:15

Madook aoinam-ma, neme mangalauk-ka mai, ma tao-no'i hata fo malole-a, sanga enok soaneu mole-dame-a, nenik basa o be'i-balakaim lala'ena.

MAZMUR 62:12

Au amanene Manetualain nafa'da la'i de'ubee, nae koasa, ana mai neme Ndia mai,

MAZMUR 92:6

Ou Manetualain, O tatao-nono'im matuaina nanseli, O dudu'a-aafim deman-na seli!

KELUARAN 15:11

Lamatua daebafak beek-ka nde hapu nakasusu'dik no O, ou Manetualain Fo Mandela-masa'ak ma malalao-malalafuk? See kande hapu tao manada'dibeuk-kala ma tatao-nono'i matuaina sama leo Manetualain?

AMSAL 5:21

Manetualain nita basa lala'en fo, hataholi daebafak-ka tao-no'in. Hataholi daebafak-ka neu su'di leo bee neu boe, Manetualain mete nahelek-kana.

AMSAL 8:14

Au nde fe dudu'a-aafi maneu. Ma au boeo anduku-alosak-kana. Au dudu'a maneu ma balakaik boe.

PENGKHOTBAH 12:14

Neukose Manetualain naketu-nala'di la'iesak ita tatao-nono'in; malole ma mangalauk, nakalenak nananafunik-kala boe.

YESAYA 28:29

Manatee-tenok ndia, ana mai neme Manetualain Fo Manakoasa mai. Basa Manetualain dale tutu'un-na, manatee-tenok, de neni buna-boak tataas esa.

YESAYA 40:13

See kande, nauli-nalanga Manetualain, do nanolin, da'di leo manamanolin-mafa'dan-na?

YESAYA 59:18

Ana balas musun-nala, nandaa no sila tatao-nono'in-nala. Nakalenak, leoina manai pulu dook-kala, ta lala huhukun-na deak fa.

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

YEREMIA 16:17

Au ita basa hata fo sila taok-ka so. Ta hapu fo nananafunik ba'eneu Au fa; Sila sala-singon-nala boeo Au itan so.

YEREMIA 17:10

Au Manetualain, manapalisak dalek, Au su'di-dou hataholi daebafak dale bobongo anan-na, Neukose Au balas hataholi-a esa-esak tunga ndia tatao-nono'in. boema Au tao tunga sila tatao-nono'in.”

YEREMIA 21:14

tehu neukose Au huku o nanahu o tatao-nono'im. Neukose au hotu heni o mamana manem-ma ma basa hata lala'en-na fo manai boboa-kaisun-nala neukose au hotu heni beo, Au, Manetualain, nde manakokolak-ka.”

YEREMIA 23:24

Ta hapu hataholi sa boen nafuni-na ao inan-na neme Au mata memeteng-nga fa, nana Au nae mamanak lala'en-na: nai nusa so'dak-ka ma nai daebafak-ka.

YEREMIA 25:14

Neukose Au bala hataholi Babel-la tatao-nono'in-nala; neukose sila nanataok da'di ata neme manek matua-la ma neme leoina ba'uk-ka,’ ”

DANIAL 2:45

Ade, Ama Manek ta nita basa nae hataholi ta koila'e batu esa fa, te batu ndia tu'da neme felak lain mai, boema napaluni ma ana tao nakalulutuk dodoki-dudulak neme besi, liti, dae ulek, lilofulak ma lilopilas ndia mai hetu? Manetualain fo matuaina, nafa'da Ama Manek hata fo neukose ana da'di. Bisa lamahele me'is ndia, ma atam-ma nafa'da mangalele'don-na la'en.”

DANIAL 4:35

Leoina manai daebafak-kala, sosoa-ndandaan ta. Manetualain koasa ata nusa so'dak manai nusa so'dak-ka ma laun manai daebafak-ka. Ta hapu hataholi esa boen, hapu la'ban hihii-nanaun fa, ta hapu hataholi natane, Ana tao beek fa.”

ZAKHARIA 9:1

Manetualain hala hehelun-na nde ia. Naketu basa soaneu huku nusa Hadrakh ma kota Damsyik-ka. Manetualain nuun ta ka'da Israel leon-nala fa, tehu Siria nusan-na, polon-na boe.

MATEOS 16:27

Ta doo ka so'on te Ana Hataholi ka sama-sama no ata nusa so'da nala, neukose ala mai no Ama ka koasa na. Nai lelek ndia, neukose Ana balas hataholi a esa-esak, nandaa no tatao-nono'in.

YOHANIS 5:29

soona ala kalua leme late sala dalek mai. Hataholi manatao-no'i malole a, neukose ala fo'a fo laso'da. Tehu hataholi manatao-no'i mangalau ka, neukose ala fo'a, fo ala sipo huhuku nala.”

2 KORINTUS 5:10

Nana tao leo bee o, ita basa-basa tala nanakalaak leo Kristus kandela kekee-fufulan mata na teu, fo neukose ita esa-esak hapu babala na, nandaa no tatao-nono'in nai daebafak ia, nau tatao-nono'i malalole do tatao-nono'i mangalauk boe.

EFESUS 1:11

Manetualain tao basa hata lala'ena tunga hihii-nanaun, ma nakeketu mesa na. Neme makasososan mai a, Ana hele basa ita so, nana Ana nau ita da'di Ndia hataholi kamahehelen, hu ka nde ita da'di esa to Kristus so.

IBRANI 4:13

Ta hapu mahahaek esa boen, fo nanafunik neme Manetualain mata memete na mai fa. Basan lala'ena makaholak ma nanabukak nai mata na. Hu ndia de, ita muse fe natataak neun.

NINITAK 2:23

Neukose Au taoisa la'iesak hataholi manatunga nala boe, fo ela basa salani kala lame'da lae, Au nde Ndia fo manabubuluk hataholi daebafa ka dudu'a-aafin ma dale nala. Neukose Au balas emi tunga emi esa-esak tatao-nono'in.

NINITAK 22:12

Yesus nae, “Taoafik neu dede'ak ia leona! Ta doo ka so'on te neukose Au mai uni ngga'di soaneu bae hataholi a esa-esak tunga hata fo ana tao-no'i nana.