YEREMIA 32:18 - Susula Malalaok Hehelu Palak Ma Hehelu Beuk

¹⁸ O matu'du O susue-lalaim neu hataholi lifu-lifuk-kala, tehu O huku hataholi nanahu ina amam-mala sala-singon-nala boe. O nde been-na Manetualain fo matetuk, ma mabe'i-balakai; O na'dem-ma Manetualain Fo Manakoasa.

YEREMIA 32:18 ပူးပေါင်းရင်းမြစ်များ

KEJADIAN 49:24

Tehu Yusuf alun-na natea nahele, kokouisin-na natea nahele, nanahu Manafoo Mabe'i-balakai lea, Yakob Manetualain-na, Israel Manamasulu-mahapan-na, koasan-na.

NEHEMIA 1:5

“Ou Manetualain Manetualain fo manakoasa nai nusa so'dak-ka. O, Manetualain fo Matuaina, de ami mai leo O matam no bibii-namata'uk. O lilineka mahele, ma O ho'u mahele O hehelu-balataam neu hataholi fo manasue-lai neu O, ma manatunga O paletam-ma.

MAZMUR 50:1

Asaf kokoa-kikion. Manetualain Fo Manakoasa, kokolak nae, Naloo bou-bou neu daebafak-ka lala'ena, neme dulu losa muli.

MAZMUR 89:9

Amak Manetualain Fo Manakoasa, see kande be'i-balakain sama leo O? O lilineka nai basa hata-hata lala'en-na dalek ou Manetualain

KELUARAN 34:6

Basa boema Manetualain la'ok leo Musa uluk neu, de nafa'da nae, “Au Manetualain, nde been-na Manetualain fo dalen-na henuk no dale malole ma susue-lalaik. Au susue-lalaing sasi kao-kao, Au manalilinekak ma ta haelai namanasa fa.

KELUARAN 34:7

Au sue-lai lahele tititi-nonosi lifu-lifuk kala, ma manafe do'o do ampon neu salak ma sala-singok; tehu hataholi masalak-ka, Au ta soi-po'in makandondook neme huhukun-na mai fa, ma Au huku upu-anan losa bobongi ka telu ma ka haa boe, nanahu sila ina-aman, bei-ba'in sala-singon-nala.”

YESAYA 10:21

Bei ela leoina Israel-la hataholi lumanan-nala, neukose ala tukatei-saledale neu Manetualain fo ao makadelek ma palani.

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

YEREMIA 10:16

Yakob etualain-na ta sama leo sosongo-tatangok ndia fa; Ndia manamakadada'dik basa hata lala'en-na. Na'den-na nde Manetualain Fo Manakoasa; Ndia nde hele Israel da'di Anan-nala.

YEREMIA 10:6

Manetualain do mandela masa'ak, ta hapu sama leo O fa, O na'dem-ma matua-madema ma henuk no koasa.

YEREMIA 20:11

Tehu O, ou Manetualain, O mook au; O be'im-ma nanseli ma nakalenak balakai ina. Sila fo manausil-la ma manatuni-ndeni au, neukose ala tu'u leu de be'i-balakai taak-kala. Neukose ala mae losa dodoon-na, sila dudu'a-dodoo manada'di taak-kala beno'u. Sila nakamumulu-nakamamaen ndia neukose nananafandele nahelek tatas esa.

YEREMIA 31:35

Manetualain sadia le'do-a soaneu tao nasala matalele'dok-ka; Bula ma nduk-ka nasala soaneu le'odaen-na. Ana ee'do-aadi tasi-a de nalosa lii-la laponu, Manetualain Fo Manakoasa, fo na'den-na na'de ndia.

YEREMIA 33:2

fo manamakadada'dik debafak-ka ma ana heheo-hihiluk-kana fo ana taon neu mamanan-na. Ana nafa'da nae,

YEREMIA 50:34

Tehu Au manatulu-fali sila-la mahelek, Au na'deng-nga Manetualain Fo Manakoasa. Au mesang-nga nde ho'u sila dede'an-nala, ma Au fe so'dak leo daebafak-ka. Tehu neukose Au fe musu ma bibik neu hataholi Babel-la.”

DANIAL 2:45

Ade, Ama Manek ta nita basa nae hataholi ta koila'e batu esa fa, te batu ndia tu'da neme felak lain mai, boema napaluni ma ana tao nakalulutuk dodoki-dudulak neme besi, liti, dae ulek, lilofulak ma lilopilas ndia mai hetu? Manetualain fo matuaina, nafa'da Ama Manek hata fo neukose ana da'di. Bisa lamahele me'is ndia, ma atam-ma nafa'da mangalele'don-na la'en.”

HABAKUK 1:12

Manetualain, O nde been-na Manetualain neme makahulun eli mai. O nde been-na au Manetualaing fo malalao-malalafuk, ma manaketu basa tak. Manetualain fo au Manetualaing ma au manamasulu-mahapang; O hele leoina Babel ndia, de O fen be'i-balakaik fo ana huku ami.

BILANGAN 14:18

‘Au, fo Manetualain, ta haelai amanasa fa. Au atu'du Au susue-lalaing, ma Au lilinekang no ana sasi kao-kao. Au fe do'o do ampon neu hataholi masala-masingok-ka, ma manala'ban Au-a. Leomae leondiak boe, neukose Au balas ina-amak salan-na neu upu-anan-nala, losa bobongi ka telu ma ka haa.’

MATEOS 27:25

Basa hataholi makadotok sila la lataa lae, “Hei, neme na fo ami mo ami upu-anak mala lu'a-lepa huhukuk soaneu mamate na!”

LUKAS 6:38

Fe hataholi fe'ek, fo ela Manetualain boeo fe emi. Neukose emi sipo fee feek manasasi kao-kao ka, uuku malole esa fo nananene'e basak soaneu emi. Nana uukuk fo emi paken soaneu hataholi fe'e ka, neukose Manetualain paken soaneu emi.”

ULANGAN 10:17

Emi Manetualaim-ma, nai basa lamatua daebafak lala'en-na lain, ma koasan-na, lena heni basa koasa lala'en-na. Ndia nde Manetualain fo, matua-madema ma manakoasa, de muse tungan. Ana ta metematak fa, ma Ana ta nau hataholi solo dalen-na nenik hata esa boen.

ULANGAN 7:21

Da'di, boso bii-mamata'u neu leoina sila-la. Te emi Manetualaim-ma nasulu-nahapa emi. Ndia nde been-na, Manetualain fo matua-madema, ma nanasu'di-do taak.