YEREMIA 31:9 - Susula Malalaok Hehelu Palak Ma Hehelu Beuk

⁹ Ala la'ok no luu oen-nala titi beboto, Au tao amahokos ma Au le'a-noles. Au os tunga mamanak-mamanak fo oen-na ba'uk-ka, tunga mamanak fo enon-na matetuk fo neukose ala ta lakatunu fa. Ba'eneu Israel, Au soona nonokabai Amak-ka; Efraim nde been-na Au ana tou ulung-nga.”

YEREMIA 31:9 ပူးပေါင်းရင်းမြစ်များ

1 TAWARIKH 29:10

Manek Dauk-ka koa-kio Manetualain nai hataholi makadotok sila-la matan. Ana nafa'da nae, “Ou Manetualain fo ami bei-ba'i kaim Yakob sene-do'ok-ka, kokoa-kikiok soaneu O losa dodoon-na!

MAZMUR 107:7

Ana hela-noles, tunga eno mandoo-a, leo mamana leleok manai kota neu.

MAZMUR 23:2

Ana nangapepe'uk au, nai mook mana'u momo'dok. Ana hela-nole au, leo oe mananee-nee lino-linok-ka neu.

MAZMUR 89:27

Neukose nafa'da Au nae, ‘Au Amang nde O, au Manetualaing-nga, au manamasulu-mahapang, ma au manasoi-manatefang.’

KELUARAN 4:22

Boema, mafa'da manek ndia mae Au, Manetualain, helu ae leo ia, ‘Israel nde been-na Au ana ulung-nga,

YESAYA 42:16

Neukose Au hela-nole Au leoinang pokek-kala tunga enok fo, ala ta bubuluk-kana fa; Neukose Au hela-noles lai enok fo, ta lalelak-kana fa. Au tao-a makahatuk-ka, da'di mangale'dok ba'eneus, ma Au tao atetu eno manapeko-pakik-kala. Ndia nde, neukose Au taon ba'eneus, de tao leo bee-o, neukose Au tao atetun.

YESAYA 43:20

Bana fuik-kala, neukose lamatutua-lamadedema Au; busa fuik ma manupui onta, neukose ala koa-kio Au nana Au fe oe-a, ana faa nai moo solokaek-ka, ma lee-la, lai moo maloa soaneu Au fe Au ana heheleng-ngala linu.

YESAYA 45:11

Amak, fo Israel Manetualain malalao-malalafun-na nafa'da nae, “Matane Au, la'eneu maso'dak nai fai manamaik-ka. Tehu, boso matane la'eneu Au anang-ngala, do madenu Au, tao hata esa.

YESAYA 57:14

Nggelok lafa'da lae, “Tao, ma sadia enok ba'eneu Au anang-ngala, soliheok basa mana mapanggenggek lala'en-na.”

YESAYA 63:13

Manetualain fo, manahela-nole sila fo la'ok tunga oe madema dale, nai bee? Sama leo ndala la'ok tunga moo solokaek-ka, ala ta lakatunu lita fa.”

YESAYA 63:16

Ade, O ta nde ami Amam fa do? Abraham ma Yakob, ta lalelak ami fa. Tehu O, ou Manetualain, O nde been-na, ami Amam, ami Manasoi-manatefam, neme makahulun eli mai.

YESAYA 64:8

Tehu O, ou Manetualain, O nde been-na, ami Amam, ami ka'da dae manuteik mesan, ma o nde fe lupak neu ami; ami basa-basam-mala nde been-na, O lima tataam.

YEREMIA 3:19

Manetualain nafa'da nae, “Israel, Au hii sipok o da'di leo Au anang, ma Au fe o, nusak fo nandaa no o dalem-ma, nusak fo malole nanseli, nai basa daebafak-ka lala'en-na. Au hii o maloo Au mae ama, ma o ta malai meme Au mai so'on.

YEREMIA 3:4

Nai lelek o nai toto'a-tataak-ka dalek, o maloo au mae o amam nde Au, ma o mae Au sue-lai o, mulai neme o bei anam-ma mai.

YEREMIA 31:20

Israel, o nde been-na Au anang susueng, anan fo nanasue-laik nai Au dale bobongo anang-nga. Tunga faik Au dodoki-aali O, tehu Au hii ka'da afandele neu o tatas esa. Neukose Au tao-a O henuk no susue-lalaik.

YEREMIA 50:4

Manetualain nafa'da nae, “Nai faik ndia hataholi Israel ma Yehuda ala mai kii sama-sama fo sanga Au, sila Amak Manetualain-na.

HOSEA 12:4

Lelek nai inan tein dale, Yakob fo sila bei-ba'i kain-na, tipu-dai tolanoo takalapan Esau baba'en-na. Lamatua boema, Yakob naho'uk no Manetualain.

HOSEA 3:5

Tehu neukose fain-na losa, leoina Israel-la fali le'us leo sila Manetualain-na leu, ma leo sila manen-na neme Dauk tititi-nonosin mai. Boema, neukose ala bii, ma ala fe ha'da-holomata neu Manetualain, boema ala sipo baba'e-papalan.

ZAKHARIA 12:10

Basa boema, Dauk tititi-nonosin, boema neukose Au fe laun Yerusalem-mala, dalek fo nau sue-lai, ma nau hule-haladoi. Neukose ala mete ndia fo ala pau basan so, fo ala kii-makaleleun, sama leo hataholi kii-makaleleu ana kisan-na. Neukose ala kii-makaleleu no dale he'dik, sama leo hataholi fo namopo ana ulun-na.

MALEAKHI 2:10

Ade, ita basa-basa-tala, ta tanuu ka'da Amak esa fa do? Ade, ita ta nananakadada'dik neme Manetualain fo sama fa do? Metema leondiak, soona tao le'e de, ita esa bei nalelesi hehelu-balataak no esa, de no enok ndia, ade ita ta talelesi hehelu-balataak fo Manetualain taon no ita bei-ba'i kain-nala fa do?

BILANGAN 2:18

Manai boboak muli, nde solda'du manasulu nai Efraim solda'dun-nala dedeon-na dae, ma muse ala ofu tunga sila esa-esak solda'dun no mauli-malangan sama leo nanasulak nde ia: Leo Mauli-malangan Hataholi-a dede'un-na Efraim Elisama, fo Amihud anan-na 40.500 Manasye Gamaliel, fo Pedazur anan-na 32.200 Benyamin Abidan, fo Gideoni anan-na 35.400 Basa-basan lala'en-na, hataholi 108.100 Efraim solda'dun-nala, muse la'ok nai leo Lewi-a dean-na.

MATEOS 3:3

Yohanis ia nde hataholi fo Nabi Yesaya nafa'da ka. Nabi Yesaya nafa'da nae, “Hapu hataholi esa nalo bou-bou nai mo solokae ka nae, ‘Sadia enok soaneu Lamatua ka leona; tao matetu eno kala ba'eneu Lamatua ka.’ ”

MATEOS 5:4

Maua-manalek neu hataholi fo dale na he'di sa; nanahu neukose Manetualain kokoe-nanasis!

MATEOS 6:9

Hu ndia de, metema emi hule-haladoi soona mae leo ia, ‘Ou, Ami amam manai nusa so'da ka: O nde Manetualain fo Kisak Ela leo bee na. Lakaluku-lakatele ma ala fe ha'da-holomata neu O.

LUKAS 6:21

Maua-manalek neu emi, fo mamala'a besak ia; neukose emi nakabetek! Maua-manalek neu emi, fo emi kii-makaleleu besak ia; neukose emi hika!

ROMA 8:26

Leondiak boe, metema ita nai tapandoe sa dalek soona, Manetualain Dula Dale na mai tulu-fali ita. Nana ita ta bubuluk, ita hule-haladoi tao leo bee ka fa; Dula dalek ndia nde hule-haladoi nggati ita nai Manetualain matan.

2 KORINTUS 6:18

Neukose Au da'di emi Amam, ma neukose emi da'di Au anang. Leondiak Manetualain fo Mana Koasa nafa'da.”

ULANGAN 14:1

“Emi nde been-na, Manetualain anan. Da'di, nai lelek emi hataholim esa mate, fo emi falu soona, boso tao makahina emi aoinam-ma, do emi nggeuheni emi langadoom manai emi dedeim-ma nisi lain-na, sama leo leoina fe'ek-kala tataon-na.

ULANGAN 32:6

Emi balas Manetualain dale malolen-na leondiak hai hataholi nggoak ma dudu'a-aafi tak-kala lemin? Ade, Ndia ta nde emi Amam, fo Manamakadada'dik emi, fo manatao emi da'di leoina esa fa do?

IBRANI 12:13

La'ok tataas esa leona neu eno matetu ka, fo ela emi ei helam ndia boso kosik, te lena-lenak ana lea-hai.

IBRANI 12:23

Emi tunga natotongok esa, fo henuk no hika-setelee ka, fo nde natotongo Manetualain ana ulu nala, fo na'de nala nanasulak nai nusa so'da ka dalek. Emi mai masasale matak mo Manetualain, fo mana Maketu-Mala'di basa hataholi daebafa ka lala'ena. Emi masasale matak mo hataholi kamahehele kala dula dale nala, fo ala da'di matetu-mandaak so.

IBRANI 5:7

Nai lelek fo Yesus naso'da neme daebafak ia, Ana hule-haladoi, ma dokodoe no ngganggasik ma kikiik neu Manetualain fo nabe'i soi-tefa nalan neme mamate sa mai. Ma hu ka nde nakatele neu Manetualain no ha'da-holomata henuk neu Manetualain, de Manetualain namanenen.

NINITAK 7:17

Nana Bi'ilopo Ana fo nangatuuk nai kandela manek ndia tala'da heo na, neukose Ana da'di sila manafoo na. Neukose Ana hela-noles leo oe mata manafe maso'da ka leu. Ma neukose Manetualain hali nama'da hataholi sila luu oe nala leme mata nala mai.”