YEREMIA 31:4 - Susula Malalaok Hehelu Palak Ma Hehelu Beuk

⁴ Neukose Au tao-a e leoinam-ma malole-nanapu sama leo makahulun-na. Neukose emi ho'i seluk rebana fo emi lolonge-dadape no namahoko-setelek.

YEREMIA 31:4 ပူးပေါင်းရင်းမြစ်များ

2RAJA-RAJA 19:21

Manetualain nafa'da nae, “Kota Yerusalem-ma hika, ma hakinonoli o, Sanherib.

MAZMUR 149:3

Koa kio na'den-na, nenik fofoti-lolongek, koa-kion nenik kecapi ma tambur!

MAZMUR 30:11

Mamanene leon, ou Manetualain, fo sue-lai au. Manetualain, tulu-fali au leona!”

MAZMUR 51:18

O ta mahiik tutunu-hohotu nanado'dok fa; leo uni'ka, au tunu-hotu tutunu-hohotu nanatunuk soona, O ta mahiik-kana fa.

MAZMUR 69:35

Koa-kio Manetualain, hai lalai ma daebafak-ka, tasi no basa mahahaek manai dalek-ka.

YESAYA 14:1

Neukose Manetualain sue-lai anan Israel, de Ana hele seluk-kasa da'di Ndia nuun. Neukose Ana fe falik-kasa leo sila nusa mesan-na neu. Hataholi nusa dea-la, neukose ala mai fo lakabubua loos.

YESAYA 30:32

Lelek ala bei lame'da lita fefepan-nala, te Manetualain anan-nala lamahoko-setelee lenik sasanu gendang ma kecapi Neukose Manetualain mesak-kana, nde natee-natati la'ban hataholi Asyur-rala.

YESAYA 37:22

de Manetualain nafa'da nae, “Kota Yerusalem-ma hika, ma hakinonoli o, Sanherib!

YEREMIA 1:10

Faik ia, Au fe o koasa neu leoinak-kala, ma nusa-nusak-kala – koasa soaneu tao matu'u henin, ma tao mandefa henin, soaneu loli henin, ma tao mamopo-mamate, soaneu mafofo'a ma sele-nggali.”

YEREMIA 14:17

Manetualain nadenu au afa'da au dale he'ding-nga neu ndia anan-nala. Muse au afa'da ae leoia, “Memena fo au kii ta pake tata'da fa, lele'do le'dodaen lu'u oe-la titi-beboto Nana au leoinang bisu matua ma ala doidoso lanseli.

YEREMIA 18:13

Manetualain nafa'da nae, “Matane neu leoina-la esa-esak, ade dede'ak leoiak-ka ana da'di hai so do beik. Hataholi Israel-la ala tao-no'i hai hata esa fo mangalau ina nanseli!

YEREMIA 24:6

Neukose Au aneas ma Au o falik-kasa ma'is lo nusak ia mai. Neukose Au afofo'a sila, te Au ta tao atu'u sila fa, neukose Au sele-tani sila, te Au ta fe'a heni sila fa.

YEREMIA 31:13

Neu faik ndia te anafe'o anak-kala neukose ala lolonge-dadape no dale namahokok. Hataholi lasik-kala ma hataholi mulik-kala neukose laua-lanale beno'u, nana neukose Au tao amahokos. Sila dale he'din-nala Au tao asafalin da'di namahokok, ma pinu i'duk-ka Au tao asafalin da'di maua-manalek.

YEREMIA 31:21

Ta'du-tana enok-kala, fo tao ta'du-tana neu, sanga enok fo makahulun-na emi la'ok misik-ka. Hai, Israel, me'um-ma leona! Fali me'um-ma lo emi kota-kotam fo makasososak-ka.

YEREMIA 31:38

Manetualain nafa'da nae, “Neukose losa fain-na te, basa Yerusalem lala'en-na nanafofo'a falik da'di leo Au kotang-nga, fo neme Dedeo Madema Hananeel losa lo Lelesu Ina Bu'uk-ka.

YEREMIA 33:7

Yehuda ma Israel neukose Au taos lalole-lanapu sama leo makahulun-na, ma neukose ala lapadeik lasafali da'di leo Au anang-gala.

YEREMIA 46:11

Hai laun Masir-rala lemin, meu lo Gilead meu fo sanga mo'do-aidok! Tehu leomae leondiak boeo ta hapu mo'do-aidok so'on hapu nahai emi fa.

RATAPAN 1:15

Manetualain nakadadaek basa au palani ta'ti batu ao kaheleng-ngala. Ana hoka solda'du-la, fo ela ala tao lamopo-lamate basa au hataholi muli-solung-ngala. Ana heheta-aa'i au leoinang-nga losa beelutu, sama leo hataholi-a he'e angol-la boan-na.

RATAPAN 2:13

Ou Yerusalem, kota Sion fo susuek, o tutu'dam-ma ba'u tasi maloaina. Hata fo au bisa afa'dan soaneu da'di kokoe-nanasik? Nana, beita la'iesa fo hapu hataholi doi-doso sama leo o fa. Tete'ek-ka, ta hapu hataholi bisa tao matalolole o ha'da-tataom fa.

AMOS 5:2

Israel fo bei matatema, ana tu'da so, neukose ana ta fo'a so'on! Nanapo'ilotak nai dae-oen lain, ta hapu esa boen tulu-falin fo napadeik fa.

AMOS 9:11

Manetualain nafa'da nae, “Neukose fain-na losa, Au tao-a Dauk nusan-na fo'a seluk. Besak ia, nusak ndia da'di sama leo uma fo ana tu'u neu so. Tehu neukose Au tao ahii papala nanadaman-nala, fo Au afofo'a falik-kana, fo ana da'di sama leo makahulun eli.

LUKAS 15:23

Basa ndia soona, meu pa'a sapiana maao fo do'don leona, fo ta'a-tinu ma tamahoko-setelee.

HATAHOLI 15:16

Lamatua ka nae, ‘Basa ndia soona, neukose Au fali seluk.’ ‘Neukose Au afofo'a falik Dauk uman fo mana tu'u basa ka, ma Au tao ahii nalutu na, boema Au tao atetu fali kana;

HAKIM-HAKIM 11:34

Lelek, Yefta fali ne'un leo Mizpa neu boema, anafe'on-na mai soluk-kana nenik lolongek ma li'u meko-la'bu. Ana kisan-na nde ndia.