YEREMIA 30:5 - Susula Malalaok Hehelu Palak Ma Hehelu Beuk

⁵ “Au amanene basa hataholi fo manadele nggebe-nggebek-ka naka'di-nakaun, ma hataholi manabiik-ka fo ta nanuu dale nakaloe-nakadae aok-ka naka'di-nakaun boe.

YEREMIA 30:5 ပူးပေါင်းရင်းမြစ်များ

YESAYA 5:30

Nai faik ndia, nai Israel-lala'en-na, lamanene nasanggati natee-natatik-ka kao-kao, sama leo lii tasi-a. Mitak, nusak ndia lala'en-na makahatuk fo neni makase'ek-ka. Mangale'dok-ka da'di makahatu kiu-kiuk.

YESAYA 59:11

Ami bii-mamata'u, ma dale he'di; ami sanga ndoos ma matetuk-ka, tehu ta hapu fan; ami mamahena so'da-molek-ka, tehu manada'di tak.

YEREMIA 12:12

Hataholimai lamanako nai moo-solokaek selik fo nai letelepak-ka. Au fe natee-natatik-ka neu, soaneu tao nalutu basa nusak-ka, de nalosa ta hapu hataholi naso'da nai mole-dame-a dalek fa.

YEREMIA 25:36

Emi tei susa dale he'di ma ki mamatani no dale he'dik, nanahu nai nasan-na dalek Ana tao nakatoto'a-nakatatak emi leoina ma Ana tao nakalulutuk emi nusa namon fo nene-lino-linok ndia.

YEREMIA 30:4

Manetualain nafa'da neu anan-nala Israel no Yehuda,

YEREMIA 46:5

Tehu Au, Manetualain, Au itas ala bii de lakadedeak. Ala lalai no bibiik-ka de ala ta lipa lo dea neu fa.

YEREMIA 6:22

Manetualain nafa'da nae, “Leoina esa, ana mai neme nusa dook, fo nai kii. Ala mai fo latee-latati.

YEREMIA 6:26

Manetualain nafa'da anan-nala nae, “Pake lafa lapik, fo lololi meu afu dale. Kii makaleleu no dale he'dik, sama leo hataholi-a, ana kii-makaleleu ana kisan-na mamaten-na, nana manatao namopo-namate emi-a, neukose ana sapu-na emi no kaiboik.”

YEREMIA 8:16

Musu-a, nai kota Dan-na so; ndalan-nala lakadii, de tamanenen so, de basa nusak-ka lala'en-na, bii-lamata'u. Musu-a ana mai, fo tao nakalulutuk la'iesak ita nusan-na, boeo ita kotan-na, no basa laun-na.”

YEREMIA 8:19

Mamanene! Te nai nusak-ka lala'en-na nadodolo, au leoinang kii ma lakadii-lakau no latane lae, “Ade Manetualain ta nai Sion so'on do? Manen-na, besak ia nai bee so?” Manetualain, fo sila manen-na nataa nae, “Tao le'e de, o sene-do'ok neu lamatua daebafak-kala, fo sosoa-ndandaan ta makandondook ndia fa? Tao le'e de, o tao makahehe'dik Au daleng-nga, nenik sene-do'ok neu sosongo-tatangok-kala?”

YEREMIA 9:19

Hala kikii-makaleleuk-ka, nananamanenek nai Sion nae, “Ita mate-mopo, ma nananakamamaek nanseli. Ita muse la'oela ita nusan-na, ita uman-nala, nanatao nakalulutuk so.”

AMOS 8:10

Neukose Au tao asafali emi fai malolem-mala da'di fai manafaluk, ma emi nakameem-mala, da'di kikii-makaleleuk. Neukose Au tao-a emi nggeu heni emi langadoom-ma ma pake si'di kalong, fo da'di neu ta'du-tana dale he'dik. Neukose emi da'di sama leo ina-amak fo ala kii makaleleu ana kisan-na, mamaten-na. Neukose faik ndia nate'e no dale he'dik nanseli.

HABAKUK 1:10

Ala hakinonoli mane-manek-kala ma ala hika hataholi mana'a ngga'di matua-madema-la. Ala heheta-aa'i solda'du-la kota musun-na, fo lakadofun nenik dae, boema ala loso-la solda'du-la kota musun ndia.

HABAKUK 1:6

Leoina Babel fo makaa-makisuk ndia, neukose Au taon da'di leoina manakoasa. Ala kalua lakadadalak leme nusan-na mai, fo ala la'ok okofefeo basa daebafak-ka, soaneu ala paleta leoina fe'ek-kala.