YEREMIA 30:2 - Susula Malalaok Hehelu Palak Ma Hehelu Beuk

² nafa'da neu au leo ia, “Sulak ma la'iesak hata fo Au afa'dak neu o ia neu buku esa dalek.

YEREMIA 30:2 ပူးပေါင်းရင်းမြစ်များ

KELUARAN 17:14

Manetualain nafa'da Musa nae, “Sulak-ma sesengik ia, fo ela nananafandendelek nahele. Mafa'da Yosua, mae neukose Au tao amopo-amate hataholi Amalek-kala.”

YESAYA 30:8

Manetualain nadenu au sulak, anan-nala tatao-nono'i mangalaun-nala, nai susulak esa dalek, fo da'di leo nasanene'dak losa dodoon-na.

YESAYA 8:1

Manetualain nafa'da au nae, “Ho'i-ma batu lei matua esa, fo sulak susula de'ek-kala no mangale'dok, neu lain nae: ‘Naseti-nalakak fo Lai-laik,’ Namanako no Lai-laik.

YEREMIA 25:13

Neukose Au huku Babel nenik basa susa-soe fo Au dodoak-ka soaneu leoina-leoina fo Au afa'da basan tunga Yeremia – fo neu basa susa-soe fo nanasulak nai susulak ia dalek.

YEREMIA 30:1

Manetualain, fo Israel Manetualain-na,

YEREMIA 36:28

ho'i susulak nanalunuk fe'ek, fo ela au sulak basa hata fo nanasulak nai susulak fo nanalunuk makasososak ndia.

YEREMIA 36:32

Boema au ho'i-a susulak nanalunuk beuk-ka de au fen neu Barukh fo au manasulang-nga. Boema ana sulak basa hata fo au afa'dak neun nana, fo nde susulak nanalunuk makasososak-ka isin-na, ma tama seluk hehelu-hoholo fe'ek de'ubee saman-na lediak boe.

DANIAL 12:4

Boema ata nusa so'dak ndia nafa'da seluk au nae, “Danial, tatana susulak ndia besak ia leona, ma tao segel neun, fo ela nanatatanak nahele losa tepo-lelek mate'ek-ka. Neukose hataholi ba'u ala so'ba palisak matalolole hata fo ana da'di. Tehu sosoa-ndandaan ta.”

ROMA 15:4

Basa hata fo nanasulak nai Susula Malalaok dale ndia, nde bee na soaneu nanoli ita. Nana nanolik fo ita sipon neme Susula Malalao ka, ana tao na ita takatatakat ma balakaik, nalosa ita hapu tamahena neu Manetualain.

1 KORINTUS 10:11

Ala hapu basa manda'dik sila la, fo ela ana da'di natutu'duk esa soaneu hataholi fe'e kala. Ala sulak ela basa dede'ak sila la, fo ela ana da'di nasanene'dak esa soaneu ita, nana ita taso'da nai le'do fai mate'e ka nde ia so.

ULANGAN 31:19

Besak ia, sulak-ma, nakameek-ka nde ia, fo manolin neu leoina Israel-la, fo da'di leo sakasii ba'eneu sila.

2 PETRUS 1:21

Nana beita la'iesa fo Manetualain hala hehelu na, nanatui-bengak tunga ka'da hataholi daebafa ka hihii-nanaun fa. Te hu ka nde, Manetualain Dula Dale na koasa na basa nabi la, de besa ka ala tui-benga hala heheluk fo maneme Manetualai na mai.

NINITAK 1:11

Halak ndia nae, “Sulak-ma hata fo o mita ka fo haitua susulak ndia leo salani kahituk manai Efesus, Smirna, Pergamus, Tiatira, Sardis, Filadelfia, ma Laodikia.”

NINITAK 1:19

Hu ndia de, sulak-ma dede'ak fo o mita kala, fo nde dede'ak fo hapus besak ia, ma dede'ak fo mahani te neukose ana da'di.