YEREMIA 30:12 - Susula Malalaok Hehelu Palak Ma Hehelu Beuk

¹² Manetualain nafa'da neu anan-nala nae: “Emi he'dim-mala bela nanseli, ba'eneu emi bisum-mala soona ta hapu aidon-na fa.

YEREMIA 30:12 ပူးပေါင်းရင်းမြစ်များ

YEREMIA 15:18

Tao le'e de ka'da au doi-doso ahele? Tao le'e de au bisung-nga matuina ma ana ta hapu hai fa? Ade O dudu'a mae taom-ma au daleng-nga ba'ihana sama leo lea da'di tuk nai fai hanan-na?”

YEREMIA 30:15

Boso masasale-dale la'eneu emi bisum-mala, nana ta hapu namahehenak ba'eneu emi hai fa. Au huku tao emi tao leondiak nanahu emi sala-singom-mala ba'uk-ka ma emi kilu-salam-mala matuaina.

YEREMIA 14:17

Manetualain nadenu au afa'da au dale he'ding-nga neu ndia anan-nala. Muse au afa'da ae leoia, “Memena fo au kii ta pake tata'da fa, lele'do le'dodaen lu'u oe-la titi-beboto Nana au leoinang bisu matua ma ala doidoso lanseli.

2TAWARIKH 36:16

Tehu ala lakamiminak Manetualain hataholi nadedenun sila-la, ma ala hika nabi-nabin-nala boema ala ta taoafik neu hala-kokolan fa. Mate'en-na Manetualain namanasa nanseli neus, nalosa ta hapu eno kaluak seluk ba'eneus soaneu latapo'i leme huhuku-dodokin mai.

YESKIAL 37:11

Manetualain nafa'da au nae, “Hai hataholi daebafak fo, manasapu-manalalok-konei, duik ia-la, ala da'di ta'du-tana neu leoina Israel-la. Ala haladoi lae sila duin-nala lamatuu, de mopo sila namahehenan-na, ma mopo sila maso'dan nai fai manamaik-kala.

YEREMIA 6:7

Sama leo oemata faa nahele oe neuk, leondiak boe, kota ndia nabuna-naboa nahele mangalauk-ka. Au amanene ka'da hala naseti-nalakak, ma nakodaa mesan, neme kota ndia mai; Au ita bisu ma he'di-laus-sa, nai mamanak lala'en-na.

RATAPAN 2:13

Ou Yerusalem, kota Sion fo susuek, o tutu'dam-ma ba'u tasi maloaina. Hata fo au bisa afa'dan soaneu da'di kokoe-nanasik? Nana, beita la'iesa fo hapu hataholi doi-doso sama leo o fa. Tete'ek-ka, ta hapu hataholi bisa tao matalolole o ha'da-tataom fa.

HOSEA 5:13

Leoina Israel-la, ma hataholi Yehuda-la, lame'da lita sila ha'da-tataon mangalaun-na, boema Israel neu leo Asyur neu, fo noke tutulu-fafalik neme manek matua mai. Tehu manek ndia, ta hapu tulu-fali, do tao matalolole sila ha'da-tataon fa.

MIKHA 1:9

Nana Samaria bisun-nala ta hapu hai fa, ma neukose ua-nalek fo sama, tuni-ndeni-na Yehuda. Susa-soe losa Yerusalem, fo au leoinang-nga dae-oen lelesuinan-na so.

NAHUM 3:19

O makahinam-ma, ta hapu puli-namo'do fan, ma o bisum-mala ta hapu hai fa. Basa hataholi fo lamanene halak la'eneu o nakalulutum-ma, ala totoko liman-nala nana lamahoko. Nana basa hataholi-la doi-doso, hu kande o tatao-nono'i mangalaum fo ta hapu mate'e-mahanin ndia fa.

YEREMIA 8:22

Beek-ka nde tataon, de nalosa, losa besak ia, au leoinang, beita lea-hai boen? Ade nai Gilead lala'en-na, ta hapu dote, do mo'do-akidook fa do?

YEREMIA 14:19

Manetualain, ade O tipa-dede'a heni Yehuda makandondook, ma o ta hii makanae Sion laun-nala fa do? Tao le'e de O fepa-li'u mapane'e ami tao leondiak, de nalosa ami ta hai so'on? Ka'da palsuma la'iesak-kana ami sanga mole-dame-a, te ami mamahena lelea-hahaik-ka sosoa-ndandaan taa, nana hapu ka'da naset-nalakak-ka.